ਅਮਰੀਕੀ ਅਜ਼ਾਦੀ ਦਿਵਸ ਪਰੇਡ ਵਿਚ ਸਿੱਖਾਂ ਨੇ ਗਤਕੇ ਰਾਹੀਂ ਭਰਵੀਂ ਹਾਜ਼ਰੀ ਲਵਾਈ

ਸੈਨ ਫ਼ਰਾਂਸਿਸਕੋ-ਫ਼ਰੀਮਾਂਟ (ਬਲਵਿੰਦਰਪਾਲ ਸਿੰਘ ਖ਼ਾਲਸਾ) ਅਮਰੀਕੀ ਅਜ਼ਾਦੀ ਦੀ ਵਰ੍ਹੇਗੰਢ ਦੇ 232 (ਦੋ ਸੌ ਬੱਤੀ) ਵੇਂ ਸਾਲ ਦੀ ਫ਼ਰੀਮਾਂਟ ਅਜ਼ਾਦੀ ਪਰੇਡ ਵਿਚ ਇਸ ਵਾਰ ਗਤਕੇ ਦੀਆਂ ਰੌਣਕਾਂ ਸ਼ਾਮਲ ਕੀਤੀਆਂ ਗਈਆਂ। ਹਰ ਵਰ੍ਹੇ ਫ਼ਰੀਮਾਂਟ ਸ਼ਹਿਰ ਵਿਚ ਅਜ਼ਾਦੀ ਦੇ ਪ੍ਰਦਰਸ਼ਨ ਵਾਲੀ ਪਰੇਡ ਕੱਢੀ ਜਾਂਦੀ ਹੈ। ਹਾਲਾਂ ਕਿ ਸ਼ੁਰੂ ਵਿਚ ਇਸ ਤਰ੍ਹਾਂ ਲੱਗ ਰਿਹਾ ਸੀ ਕਿ ਇਹ ਅਜ਼ਾਦੀ ਕਵਾਇਦ ਨਹੀਂ ਹੋਵੇਗੀ ਪਰ ਹੌਲੀ ਹੌਲੀ ਹਿਮੰਤ ਨਾਲ ਅਜ਼ਾਦੀ ਜਲੂਸ ਦਾ ਪ੍ਰਬੰਧ ਕਰ ਲਿਆ ਗਿਆ। ਐਤਕਾਂ ਪਹਿਲੀ ਵਾਰ ਅਧਿਕਾਰਤ (ਆਫ਼ੀਸ਼ੀਅਲ) ਤੌਰ ਤੇ ਗਤਕੇ ਦੀ ਝਾਕੀ (ਫ਼ਲੋਟ) ਸ਼ਾਮਿਲ ਕੀਤੀ ਗਈ ਜਿਸ ਲਈ ਸਿੱਖ ਭਾਈਚਾਰੇ ਦੀ ਉਦਮੀ ਬੀਬੀ ਸਰਬਜੀਤ ਕੌਰ ਨੇ ਬਕਾਇਦਾ ਫ਼ਰੀਮਾਂਟ ਦੀ ਸ਼ਹਿਰੀ ਸਰਕਾਰ ਕੋਲੋਂ ਲਿਖ਼ਤੀ ਇਜਾਜ਼ਤ ਲਈ। ਇਸ ਗਤਕਾ ਪ੍ਰਦਰਸ਼ਨ ਲਈ ਦੂਰੋਂ ਦੂਰੋਂ ਗਤਕੇ ਦੇ ਮਾਹਿਰ ਨੌਜਵਾਨ ਬੱਚੇ/ਬਚੀਆਂ ਨੇ ਹਿੱਸਾ ਲਿਆ, ਜਿਸ ਵਿਚ ਲਵਿੰਗਸਟਨ, ਮਨਟੀਕਾ, ਟਰੇਸੀ, ਯੂਨੀਅਨ ਸਿਟੀ, ਹੇਵਰਡ ਤੇ ਫ਼ਰੀਮਾਂਟ ਸ਼ਹਿਰ ਦੇ ਬੱਚੇ ਸ਼ਾਮਲ ਹੋਏ। ਬੇਅ ਏਰੀਏ ਵਿਚ ਫ਼ਰੀਮਾਂਟ ਦੀ ਚਾਰ ਜੁਲਾਈ ਦੀ ਪਰੇਡ ਦਾ ਵੱਖਰਾ ਹੀ ਨਜ਼ਾਰਾ ਹੈ ਜਿਸ ਵਿਚ ਸਿੱਖ ਵੀ ਵਧ ਚੜ੍ਹ ਕੇ ਹਿੱਸਾ ਲੈਂਦੇ ਹਨ ਤੇ ਪੂਰੀ ਪਰੇਡ ਵਿਚ ਮੁਫ਼ਤ ਠੰਡਾ-ਜਲ ਵਰਤਾਉਣ ਦੀ ਸੇਵਾ ਕਰਦੇ ਹਨ। ਇਹ ਸੇਵਾ ਇਸ ਵਾਰ ਵੀ ਭਾਰੀ ਉਤਸ਼ਾਹ ਨਾਲ ਜਾਰੀ ਸੀ ਜਿਸ ਵਿਚ ਬਹੁਤ ਸਾਰੇ ਸਿੱਖ ਸੇਵਾ ਕਰਦੇ ਵੇਖੇ ਗਏ। ਹਜ਼ਾਰਾਂ ਦੀ ਗਿਣਤੀ ਵਿਚ ਸ਼ਾਮਲ ਗੋਰੇ, ਕਾਲੇ, ਕਣਕ ਵੰਨੇ, ਪੱਕੇ, ਬਦਾਮੀ ਰੰਗੇ, ਸਾਂਵਲੇ, ਫ਼ੀਨੇ, ਚੀਨੇ ਤੇ ਮੈਕਸੀਕੇ ਅਮਰੀਕੀ ਰੰਗ ਵਿਚ ਰੰਗ ਕੇ ਪਰੇਡ ਵੇਖ ਰਹੇ ਸਨ। ਅਮਰੀਕਾ ਪਹਿਲਾਂ ਹੀ ਅਵਾਸੀਆਂ ਦਾ ਦੇਸ਼ ਹੈ, ਜਿਸ ਵਿਚ ਹਰ ਧਰਮ ਦੇਸ਼ ਦੇ ਵਸਨੀਕ ਵੱਸਦੇ ਹਨ। ਅੱਜ ਦੀ ਪਰੇਡ ਵੀ ਵੱਖ ਵੱਖ ਰੰਗਾ ਦੀ ਅਮਰੀਕੀ ਭੀੜ ਸੀ ਜਿਸ ਵਿਚ ਬੱਚੇ, ਨੌਜਵਾਨ, ਬਜ਼ੁਰਗ, ਬੀਬੀਆਂ, ਮੁਟਿਆਰਾਂ, ਮਾਤਾਵਾਂ, ਬੱਚੀਆਂ ਤੇ ਰੇੜੇ ਤੇ ਝੂੰਟੇ ਲੈ ਰਹੇ ਨਿੱਕੇ ਬੱਚੇ ਵੀ ਅਜ਼ਾਦੀ ਦੀ ਪਰੇਡ ਦਾ ਅਨੰਦ ਲੈ ਰਹੇ ਸਨ ਜਿਸ ਵਿਚ ਸਿੱਖ ਨੌਜਵਾਨਾਂ ਨੇ ਅਮਰੀਕੀ ਅਜ਼ਾਦੀ ਜ਼ਿੰਦਾਬਾਦ ਤੇ ਖ਼ਾਲਿਸਤਾਨ ਦੀ ਅਜ਼ਾਦੀ ਜ਼ਿੰਦਾਬਾਦ ਦੇ ਬੁਲੰਦ ਨਾਹਰੇ ਲਾ ਕੇ ਰੂਹ ਨਸ਼ਿਆ ਦਿਤੀ।
ਕੈਲੇਫ਼ੋਰਨੀਆ ਗਤਕਾ ਦਲ ਦੇ ਜਥੇਦਾਰ ਭਾਈ ਜਸਪ੍ਰੀਤ ਸਿੰਘ ਲਵਲੇ ਦੇ ਸਿਰੜ, ਮੇਹਨਤ, ਹਿੰਮਤ ਤੇ ਉਦੱਮ ਦੀ ਦਾਦ ਦੇਣੀ ਪਏਗੀ ਜਿਸਨੇ ਆਪਣੇ ਸਾਥੀਆਂ ਦੇ ਸਹਿਯੋਗ ਨਾਲ ਗਤਕੇ ਦਾ ਜਿਊਂਦਾ ਜਾਗਦਾ ਸੰਸਾਰ ਪੇਸ਼ ਕਰਕੇ ਅਮਰੀਕੀਆਂ ਦੀ ਵਾਹਵਾ ਖੱਟੀ ਤੇ ਬੇਹੱਦ ਰੌਣਕ ਵਾਲਾ ਮਾਹੌਲ ਸਿਰਜ ਦਿਤਾ। ਇਸ ਵਾਰ ਦੇ ਗਤਕੇ ਦੇ ਪਰੇਡ ਵਿਚ ਸ਼ਾਮਲ ਹੋਣ ਨਾਲ ਇਕ ਗੱਲ ਦਾ ਤਜ਼ਰਬਾ ਹੋਇਆ ਕਿ ਸਾਡੇ ਸਿੱਖ ਨਗਰ ਕੀਰਤਨਾਂ ਵਿਚ ਦੂਜੇ ਧਰਮਾਂ ਤੇ ਲੋਕਾਂ ਦੀ ਸ਼ਮੂਲੀਅਤ ਨਾ ਹੋਣ ਦੇ ਬਰਾਬਰ ਹੈ ਜਿਸ ਨਾਲ ਸਾਡੀ ਦਿੱਖ ਤੋਂ ਅਮਰੀਕੀ ਲੋਕ ਸਾਡੇ ਮੁਸਲਮਾਨ ਹੋਣ ਦਾ ਭੁਲੇਖਾ ਖਾਂਦੇ ਹਨ। ਇਸ ਪਰੇਡ ਨੇ ਇਹ ਸਾਬਤ ਕੀਤਾ ਹੈ ਕਿ ਫਰੀਮਾਂਟ ਦੀ ਪਰੇਡ ਵਿਚ ਸ਼ਾਮਲ ਹੋਣ ਨਾਲ, ਆਪਣੇ ਆਪ ਨੂੰ ਵਿਖਾਉਣ ਤੇ ਆਪੇ ਦਾ ਪ੍ਰਗਟਾਵਾ ਕਰਨ ਦਾ ਸਭ ਤੋਂ ਵਧੀਆ ਤਰੀਕਾ ਹੈ। ਇਸ ਪਰੇਡ ਵਿਚ ਇਕ ਹੋਰ ਵੀ ਸਿੱਖ ਸੰਗੀਤਕ ਝਾਕੀ ਪੇਸ਼ ਕੀਤੀ ਗਈ ਜਿਸ ਵਿਚ ਸਿਤਾਰ, ਤਬਲਾ, ਵਾਇਲਿਨ, ਦਿਲਰੁਬਾ ਤੇ ਸਰੋਦ ਦੇ ਸੰਜੋਗ ਨੇ ਅਮਰੀਕੀ ਅਜ਼ਾਦੀ ਦੇ ਦੋ ਗੀਤ ਪੇਸ਼ ਕੀਤੇ। ਪ੍ਰੋ: ਪ੍ਰੀਤਮ ਸਿੰਘ, ਬੀਬੀ ਸਰਬਜੀਤ ਕੌਰ ਪਰਵਾਰ, ਭੈਣ ਜੀ ਵਰਿੰਦਰ ਕੌਰ, ਜਸਪਾਲ ਸਿੰਘ ਮਾਨ ਟਰੇਸੀ, ਜਸਵਿੰਦਰ ਕੌਰ ਖ਼ਾਲਸਾ ਅਤੇ ਹੋਰ ਬਹੁਤ ਸਾਰੇ ਪਰਵਾਰਾਂ ਦੇ ਆਪਸੀ ਸਹਿਯੋਗ ਨਾਲ ਅਜ਼ਾਦੀ ਦੀ ਪਰੇਡ ਦਾ ਇਸ ਵਾਰ ਵੱਖਰਾ ਹੀ ਨਜ਼ਾਰਾ ਰਿਹਾ।

ਸਮਝੌਤੇ ਤੋਂ ਬਾਅਦ ਟ੍ਰਾਂਸਪੋਰਟਰਾਂ ਨੇ ਹੜਤਾਲ ਵਾਪਸ ਲਈ

ਨਵੀਂ ਦਿੱਲੀ, 4 ਜੁਲਾਈ 2008 -ਟ੍ਰਾਂਸਪੋਰਟਰਾਂ ਅਤੇ ਸਰਕਾਰ ਦੇ ਵਿਚਾਲੇ ਦਸ ਘੰਟੇ ਤੱਕ ਚਲੀ ਮੀਟਿੰਗ ‘ਚ ਹੋਏ ਸਮਝੌਤੇ ਤੋਂ ਬਾਅਦ ਟ੍ਰਾਂਸਪੋਰਟਰਾਂ ਨੇ ਤਿੰਨ ਦਿਨ ਤੋਂ ਚਲਦੀ ਆ ਰਹੀ ਆਪਣੀ ਹੜਤਾਲ ਵਾਪਸ ਲੈ ਲਈ ਹੈ। ਟਰੱਕ ਅਪਰੇਟਰ ਟੋਲ ਟੈਕਸ ਵਿਚ ਹੋਏ ਵਾਧੇ ਨੂੰ ਵਾਪਸ ਲੈਣ ਅਤੇ ਗੈਰ ਬ੍ਰਾਂਡ ਵਾਲੇ ਡੀਜ਼ਲ ਦੀ ਮੌਜੂਦਗੀ ਅਤੇ ਰਾਜਮਾਰਗਾਂ ‘ਤੇ ਸਪੀਡ ਗਵਰਨਰਾਂ ਨੂੰ ਹਟਾਉਣ ਦੀ ਮੰਗ ਕਰ ਰਹੇ ਸਨ। ਆਲ ਇੰਡੀਆ ਮੋਟਰ ਟ੍ਰਾਂਸਪੋਰਟ ਕਾਂਗਰਸ (ਏਆਈਐਮਟੀਸੀ) ਦੇ ਪ੍ਰਧਾਨ ਚਰਨ ਸਿੰਘ ਲੋਹਾਰਾ ਨੇ ਮੀਟਿੰਗ ਦੇ ਬਾਅਦ ਦੱਸਿਆ ਕਿ ਸੇਵਾ ਕਰ ਸਬੰਧੀ ਸਾਡੇ ਮੁੱਦਿਆਂ ਦਾ ਹੱਲ ਹੋ ਗਿਆ ਹੈ। ਉਨ੍ਹਾਂ ਕਿਹਾ ਕਿ ਛੇ ਮੈਂਬਰਾਂ ਦੀ ਇਕ ਕੇਂਦਰੀ ਕਮੇਟੀ ਟੋਲ ਟੈਕਸ ਸਬੰਧੀ ਮੁੱਦਿਆਂ ਉੱਤੇ ਗੌਰ ਕਰੇਗੀ। ਕਾਇਮ ਹੋਣ ਦੀ ਮਿਤੀ ਦੇ ਤਿੰਨ ਮਹੀਨੇ ਦੇ ਅੰਦਰ-ਅੰਦਰ ਕਮੇਟੀ ਆਪਣੀ ਰਿਪੋਰਟ ਦੇਵੇਗੀ ਅਤੇ ਇਸ ਕਮੇਟੀ ਦਾ ਕਾਰਜਕਾਲ ਤਿੰਨ ਮਹੀਨੇ ਤੱਕ ਲਈ ਵਧਾਇਆ ਜਾ ਸਕਦਾ ਹੈ। ਇਕ ਬੁਲਾਰੇ ਨੇ ਦੱਸਿਆ ਕਿ ਹੁਣ ਦਸੰਬਰ 2007 ਤੋਂ ਪਹਿਲਾਂ ਚਲ ਰਹੀ ਟੋਲ ਦਰ ਲਾਗੂ ਹੋ ਜਾਵੇਗੀ। ਇਸਤੋਂ ਇਲਾਵਾ ਸਰਕਾਰ ਦੁਆਰਾ 770 ਕਿਲੋਮੀਟਰ ਦੇ ਕੌਮੀ ਮਾਰਗ ‘ਤੇ ਇਕ ਸਾਲ ਤੱਕ ਟੋਲ ਦੀਆਂ ਦਰਾਂ ਵਿਚ ਕੋਈ ਵਾਧਾ ਨਹੀਂ ਕੀਤਾ ਜਾਵੇਗਾ। ਵਿੱਤ ਮੰਤਰੀ ਅਤੇ ਵਿੱਤ ਸਕੱਤਰ ਪੀਵੀ ਭਿੜੇ ਨੇ ਮੀਟਿੰਗ ਤੋਂ ਬਾਅਦ ਕਿਹਾ ਕਿ 2004 ਦੇ ਸੇਵਾ ਕਰ ਉੱਤੇ ਅਮਲ ਕੀਤਾ ਜਾਵੇਗਾ। ਲੋਹਾਰਾ ਨੇ ਕਿਹਾ ਕਿ ਸਪੀਡ ਸਵਰਨਰ ਅਤੇ ਪੱਛਮੀ ਬੰਗਾਲ, ਉੜੀਸਾ ਅਤੇ ਤਾਮਿਲਨਾਡੂ ਵਿਚ ਲਾਗੂ ਯੰਤਰਿਕ ਕਰ ਦੇ ਮਾਮਲੇ ਨੂੰ ਵੀ ਸੁਲਝਾ ਲਿਆ ਗਿਆ ਹੈ। ਐਨਐਚਏਆਈ ਦੇ ਪ੍ਰਧਾਨ ਐਨ ਗੋਕੁਲਰਾਮ ਨੇ ਕਿਹਾ ਕਿ ਟੋਲ ਟੈਕਸ ਵਿਚ ਵਾਧੇ ਨੂੰ ਰੋਕਣ ਕਾਰਨ ਸਰਕਾਰਾਂ ਨੂੰ ਕੁਝ ਘਾਟੇ ਦਾ ਸਾਹਮਣਾ ਕਰਨਾ ਪਵੇਗਾ।ਹਾਲਾਂਕਿ ਉਨ੍ਹਾਂ ਨੇ ਇਹ ਵੇਰਵਾ ਦੇਣ ਤੋਂ ਇਨਕਾਰ ਕਰ ਦਿੱਤਾ ਕਿ ਕੁਲ ਕਿੰਨਾ ਘਾਟਾ ਪਵੇਗਾ।

ਓਬਾਮਾ-ਮੈਕਕੇਨ ਨੂੰ ਦੇਣਾ ਪੈ ਰਿਹਾ ਹੈ ਦੇਸ਼ ਭਗਤੀ ਦਾ ਸਬੂਤ

ਵਾਸ਼ਿੰਗਟਨ, 4 ਜੁਲਾਈ 2008 - ਇਕ ਪਾਸੇ ਚਾਰ ਜੁਲਾਈ ਨੂੰ ਅਮਰੀਕੀ ਲੋਕ ਆਜ਼ਾਦੀ ਦਿਵਸ ਮਨਾ ਰਹੇ ਹਨ ਉੱਥੇ ਉਨ੍ਹਾਂ ਵਿਚ ਰਾਸ਼ਟਰਪਤੀ ਦੀ ਚੋਣ ਵਿਚ ਦੇਸ਼ ਭਗਤੀ ਦਾ ਮੁੱਦਾ ਜ਼ੋਰਸ਼ੋਰ ਨਾਲ ਉੱਠਣ ਲੱਗਾ ਹੈ। ਉਮੀਦਵਾਰਾਂ ਨੂੰ ਦੇਸ਼ ਭਗਤੀ ਦਾ ਸਬੂਤ ਦੇਣਾ ਪੈ ਰਿਹਾ ਹੈ। ਇਨ੍ਹਾਂ ਉਮੀਦਵਾਰਾਂ ਦੀ ਵਫਾਦਾਰੀ ਉੱਤੇ ਉਂਗਲੀਆਂ ਉਠਾਉਣ ਦਾ ਸਿਲਸਿਲਾ ਵੀ ਤੇਜ਼ ਹੁੰਦਾ ਜਾ ਰਿਹਾ ਹੈ। ਡੈਮੋਕ੍ਰੇਟਿਕ ਉਮੀਦਵਾਰ ਬਰਾਕ ਓਬਾਮਾ ਅਤੇ ਰੀਪਬਲਿਕਨ ਉਮੀਦਵਾਰ ਜਾਨ ਮੈਕਕੇਨ ਖੁਦ ਨੂੰ ਦੇਸ਼ ਭਗਤ ਸਾਬਤ ਕਰਨ ਦਾ ਕੋਈ ਵੀ ਮੌਕਾ ਨਹੀਂ ਗਵਾ ਰਹੇ ਹਨ। ਵੈਸੇ ਉਨ੍ਹਾਂ ਦੀ ਦੇਸ਼ਭਗਤੀ ਨੂੰ ਸਵਾਲਾਂ ਦੇ ਘੇਰੇ ਵਿਚ ਲਿਆਉਣ ਦੀ ਮੁਹਿੰਮ ਜ਼ੋਰ ਫੜ ਚੁੱਕੀ ਹੈ। ਇੰਟਰਨੇਟ ਇਸਦਾ ਬੜਾ ਵੱਡਾ ਹਥਿਆਰ ਬਣ ਗਿਆ ਹੈ। ਇਸ ਸਿਲਸਿਲੇ ਉੱਤੇ ਓਬਾਮਾ ਦੀਆਂ ਮੁਸ਼ਕਿਲਾਂ ਹੋਰ ਵੀ ਵਧ ਗਈਆਂ ਹਨ। ਇੰਟਰਨੇਟ ਉੱਤੇ ਇਹ ਕਿੱਸਾ ਤੈਰ ਰਿਹਾ ਹੈ ਕਿ ਓਬਾਮਾ ਨੇ ਵਿਦਿਆਰਥੀ ਜੀਵਣ ਵਿਚ ਅਮਰੀਕਾ ਦੇ ਪ੍ਰਤੀ ਵਫਾਦਾਰੀ ਜਤਾਉਣ ਵਾਲੀ ਕਵਿਤਾ ਪੜਨ ਅਤੇ ਕਮੀਜ਼ ਉੱਤੇ ਅਮਰੀਕੀ ਝੰਡਾ ਲਗਾਉਣ ਤੋਂ ਇਨਕਾਰ ਕਰ ਦਿੱਤਾ ਸੀ। ਇਕ ਪਾਸੇ ਇਹ ਕਹਾਣੀ ਵੀ ਫੈਲਾਈ ਗਈ ਹੈ ਕਿ ਓਬਾਮਾ ਮੂਲ ਰੂਪ ਵਿਚ ਇਕ ਮੁਸਲਮਾਨ ਹੈ ਅਤੇ ਉਨ੍ਹਾਂ ਨੇ ਇੰਡੋਨੇਸ਼ੀਆ ਵਿਚ ਬਚਪਨ ਵਿਚ ਮਦਰੱਸੇ ਵਿਚ ਪੜਾਈ ਕੀਤੀ ਹੈ। ਓਬਾਮਾ ਦੇ ਪ੍ਰਚਾਰਕ ਪ੍ਰਬੰਧਕ ਇਨੇ ਚਿੰਤਤ ਹਨ ਕਿ ਉਨ੍ਹਾਂ ਨੂੰ ਅਜਿਹੀਆਂ ਅਫਵਾਹਾਂ ਦਾ ਖੰਡਨ ਕਰਨ ਲਈ 'ਫਾਈਟ ਦ ਸਮੀਜਰਸ ਡਾਟ ਕਾਮ‘ ਨਾਂ ਦੀ ਵੈਬਸਾਈਟ ਲਾਂਚ ਕਰਨੀ ਪਈ ਹੈ।

ਅਮਰੀਕਾ ‘ਚ ਮੰਦੀ ਦੇ ਨਵੇਂ ਸੰਕੇਤ

ਵਾਸ਼ਿੰਗਟਨ, 4 ਜੁਲਾਈ 2008-ਅਮਰੀਕਾ ਵਿਚ ਬੇਰੁਜ਼ਗਾਰੀ ਅਤੇ ਮਹਿੰਗਾਈ ਨਾਲ ਅੰਕੜਿਆਂ ਤੋਂ ਉੱਭਰੀਆਂ ਚਿੰਤਾ ਦੀਆਂ ਲਕੀਰਾਂ ਹੁਣ ਹੋਰ ਗਹਿਰੀਆਂ ਹੋ ਗਈਆਂ ਹਨ। ਅਮਰੀਕਾ ਦੀਆਂ ਤਿੰਨ ਕਾਰ ਕੰਪਨੀਆਂ ਦੀ ਵਿਕਰੀ ਵਿਚ ਭਾਰੀ ਗਿਰਾਵਟ ਆਈ ਹੈ। ਅਮਰੀਕੀ ਖਪਤਕਾਰ ਕਾਰ ਨੂੰ ਲੈ ਕੇ ਆਪਣੇ ਖਰਚੇ ਵਿਚ ਕਾਫੀ ਹੱਦ ਤੱਕ ਕਟੌਤੀ ਕਰ ਰਹੇ ਹਨ। ਇਸ ਗੱਲ ਤੋਂ ਅੰਦਾਜ਼ਾ ਲਗਾਇਆ ਜਾ ਸਕਦਾ ਹੈ ਕਿ ਅਮਰੀਕਾ ਵਿਚ ਕੌਫੀ ਹਾਉਸ ਦੀ ਲੜੀ ਚਲਾਉਣ ਵਾਲੀ ਕੰਪਨੀ ਸਟਾਰਬਕਸ 600 ਆਉਟਲੇਟ ਬੰਦ ਕਰਨ ਜਾ ਰਹੀ ਹੈ। ਇਸ ਫੈਸਲੇ ਤੋਂ ਕਰੀਬ 12000 ਲੋਕ ਬੇਰੁਜ਼ਗਾਰ ਹੋ ਜਾਣਗੇ। ਹਾਲਾਂਕਿ ਕਰਮਚਾਰੀਆਂ ਨੂੰ ਭਰੋਸਾ ਦਿਵਾਇਆ ਗਿਆ ਹੈ ਕਿ ਕੰਪਨੀ ਉਨ੍ਹਾਂ ਲਈ ਨਵੀਂ ਨੌਕਰੀ ਲੱਭਣ ਵਿਚ ਮਦਦ ਕਰੇਗੀ। ਜਨਰਲ ਮੋਟਰਸ ਦੀਆਂ ਕਾਰਾਂ ਦੀ ਵਿਕਰੀ ਜੂਨ ਮਹੀਨੇ ਵਿਚ 18 ਫੀਸਦੀ ਘੱਟ ਹੋਈ ਹੈ ਜਦੋਂਕਿ ਫੋਰਡ ਅਤੇ ਕ੍ਰਾਈਜਲਰ ਦਾ ਧੰਦਾ ਇਸ ਤੋਂ ਵੀ ਕਾਫੀ ਮੰਦੀ ਹਾਲਤ ਵਿਚ ਚਲ ਰਿਹਾ ਹੈ। ਕ੍ਰਾਈਜਲਰ ਦੀਆਂ ਕਾਰਾਂ ਦੀ ਵਿਕਰੀ 36 ਫੀਸਦੀ ਘੱਟ ਹੋਈ ਹੈ। ਇਸੇ ਸਮੇਂ ਦੌਰਾਨ ਫੋਰਡ ਦੀਆਂ ਕਾਰਾਂ ਦੀ ਵਿਕਰੀ ਵਿਚ 28 ਫੀਸਦੀ ਤੱਕ ਦੀ ਕਮੀ ਆਈ ਹੈ। ਪਿਛਲੇ ਕੁਝ ਸਾਲਾਂ ਵਿਚ ਅਮਰੀਕੀ ਅਰਥ ਵਿਵਸਥਾ ਵਿਚ ਅਜਿਹੀ ਸੁਸਤੀ ਕਦੇ ਵੀ ਨਹੀਂ ਦੇਖੀ ਗਈ ਹੈ।ਮੰਨਿਆ ਜਾ ਰਿਹਾ ਹੈ ਕਿ ਵਿਆਜ਼ ਦਰਾਂ ਵਧਣ ਕਾਰਨ ਕਰਜ਼ ਲੈਣ ਦੇ ਆਦਿ ਹੋ ਚੁੱਕੇ ਅਮਰੀਕੀ ਹੁਣ ਬਾਜ਼ਾਰ ਵਿਚ ਜੇਬ ਢਿੱਲੀ ਕਰਨ ਤੋਂ ਕਤਰਾ ਰਹੇ ਹਨ।

ਸੁਰਜੀਤ ਸਿੰਘ ਰੱਖੜਾ ਨੂੰ ਜ਼ਿਲਾ ਫਤਿਹਗੜ੍ਹ ਸਾਹਿਬ ਦਾ ਅਬਜ਼ਰਵਰ ਲਗਾਇਆ ਗਿਆ

ਫਤਿਹਗੜ੍ਹ ਸਾਹਿਬ/4 ਜੁਲਾਈ/ਰਣਜੋਧ ਸਿੰਘ ਔਜਲਾ- ਜ਼ਿਲਾ ਪ੍ਰੀਸ਼ਦਾਂ ਦੇ ਚੇਅਰਮੈਨ/ਵਾਈਸ ਚੇਅਰਮੈਨ ਅਤੇ ਮਿਉਂਸਪਲ ਕਮੇਟੀਆਂ/ਨਗਰ ਪੰਚਾਇਤਾਂ ਦੇ ਪ੍ਰਧਾਨਾਂ ਦੀ ਚੋਣ ਦਾ ਫ਼ੈਸਲਾ ਕਰਨ ਸਬੰਧੀ ਸ਼੍ਰੋਮਣੀ ਅਕਾਲੀ ਦਲ ਵੱਲੋਂ ਸੁਰਜੀਤ ਸਿੰਘ ਰੱਖੜਾ ਨੂੰ ਜ਼ਿਲਾ ਫਤਿਹਗੜ੍ਹ ਸਾਹਿਬ ਦਾ ਅਬਜ਼ਰਵਰ ਲਗਾਇਆ ਗਿਆ ਹੈ ਜੋ ਜ਼ਿਲਾ ਇਕਾਈ ਦੇ ਆਗੂਆਂ ਦੀ ਇਸ ਚੋਣ ਸਬੰਧੀ ਰਾਇ ਲੈ ਕੇ ਪਾਰਟੀ ਹਾਈਕਮਾਂਡ ਨੂੰ 12 ਜੁਲਾਈ ਤੱਕ ਇਸ ਦੀ ਰਿਪੋਰਟ ਭੇਜਣਗੇ। ਜ਼ਿਕਰਯੋਗ ਹੈ ਕਿ ਇਸ ਤੋਂ ਪਹਿਲਾਂ ਵੀ ਸੁਰਜੀਤ ਸਿੰਘ ਰੱਖੜਾ ਹੀ ਬਲਾਕ ਸੰਮਤੀ, ਜ਼ਿਲਾ ਪ੍ਰੀਸ਼ਦ,ਪੰਚਾਇਤੀ ਅਤੇ ਨਗਰ ਕੌਂਸਲ ਦੀਆਂ ਪਾਰਟੀ ਟਿਕਟਾਂ ਦੀ ਵੰਡ ਸਬੰਧੀ ਚੋਣ ਅਬਜ਼ਰਵਰ ਸਨ।
ਜਦੋਂ ਤੋਂ ਇਹ ਚੋਣਾਂ ਦਾ ਸਿਲਸਿਲਾ ਸ਼ੁਰੂ ਹੋਇਆ ਹੈ ਉਦੋਂ ਤੋਂ ਲੈ ਕੇ ਹੀ ਕਿਸੇ ਨਾ ਕਿਸੇ ਗੱਲ ਨੂੰ ਲੈ ਕੇ ਅੰਦਰਖ਼ਾਤੇ ਅਕਾਲੀ ਦਲ ਵਿਚ ਪਈ ਦਰਾੜ ਦਿਨ ਪ੍ਰਤੀ ਦਿਨ ਵਧਦੀ ਹੀ ਗਈ ਅਤੇ ਅਖ਼ੀਰ ਇਹ ਫੁੱਟ ਨਗਰ ਕੌਂਸਲ ਚੋਣਾਂ ਵਿਚ ਉਭਰ ਕੇ ਸਾਹਮਣੇ ਆ ਹੀ ਗਈ ਕਿਉਂਕਿ ਪਾਰਟੀ ਵੱਲੋਂ ਨਗਰ ਕੌਂਸਲ ਦੀਆਂ ਚੋਣਾਂ ਲੜਨ ਵਾਲੇ ਉਮੀਦਵਾਰਾਂ ਦੇ ਨਾਮਾਂ ਦੀ ਪਹਿਲੀ ਸੂਚੀ ਜਾਰੀ ਕਰਨ ਸਮੇਂ ਸਰਹਿੰਦ-ਫਤਿਹਗੜ੍ਹ ਸਾਹਿਬ ਦੇ ਵਾਰਡ ਨੰਬਰ 10 ਵਿਚੋਂ ਚੋਣ ਅਬਜ਼ਰਵਰ ਸ੍ਰੀ ਰੱਖੜਾ ਨੇ ਆਪਣੇ ਕੋਟੇ ਵਿਚੋਂ ਰਵਿੰਦਰ ਪੁਰੀ ਨੂੰ ਟਿਕਟ ਦਿੱਤੀ ਸੀ, ਪ੍ਰੰਤੂ ਸੂਚੀ ਜਾਰੀ ਹੋਣ ਉਪਰੰਤ ਹਲਕਾ ਵਿਧਾਇਕ ਨੇ ਕਥਿਤ ਤੌਰ ਤੇ ਇਹ ਟਿਕਟ ਕੱਟ ਕੇ ਆਪਣੇ ਚਹੇਤੇ ਦਵਿੰਦਰ ਸਿੰਘ ਗੋਲਡੀ ਨੂੰ ਦੇ ਦਿੱਤੀ ਸੀ, ਜਿਸ ਕਾਰਨ ਇਸ ਫੁੱਟ ਵਿਚ ਨਿਰੰਤਰ ਵਾਧਾ ਹੋਣਾ ਸ਼ੁਰੂ ਹੋ ਗਿਆ।
ਇਸੇ ਤਰ੍ਹਾਂ ਬਲਾਕ ਸੰਮਤੀ ਦੇ ਚੇਅਰਮੈਨਾਂ/ਵਾਈਸ ਚੇਅਰਮੈਨਾਂ ਦੀ ਚੋਣ ਸਮੇਂ ਅਕਾਲੀ ਦਲ ਕੋਲ਼ ਬਹੁਮਤ ਹੋਣ ਦੇ ਬਾਵਜ਼ੂਦ ਅਕਾਲੀ ਵਿਧਾਇਕ ਨੇ ਚੀਮਾ, ਲਿਬੜਾ, ਧਾਲੀਵਾਲ ਅਤੇ ਕੈਪਟਨ ਗਰੁੱਪ ਨੂੰ ਅੱਖੋਂ ਪਰੋਖ਼ੇ ਕਰਕੇ ਕਥਿਤ ਤੌਰ ਤੇ ਕਾਂਗਰਸ ਦੇ ਜਿੱਤੇ ਮੈਂਬਰਾਂ ਦਾ ਸਮਰਥਨ ਲੈ ਕੇ ਬਲਾਕ ਖੇੜਾ ਦਾ ਚੇਅਰਮੈਨ ਸਤਨਾਮ ਸਿੰਘ ਅਤੇ ਬਲਾਕ ਸਰਹਿੰਦ ਦਾ ਚੇਅਰਮੈਨ ਜਸਵੀਰ ਸਿੰਘ ਨੂੰ ਥਾਪ ਦਿੱਤਾ ਸੀ। ਇੱਥੇ ਦੱਸਣਯੋਗ ਹੈ ਕਿ ਬਲਾਕ ਖੇੜਾ ਦੇ ਕੁੱਲ 15 ਬਲਾਕ ਸੰਮਤੀ ਮੈਂਬਰਾਂ ਵਿਚੋਂ ਅਕਾਲੀ ਦਲ ਕੋਲ਼ 12, ਕਾਂਗਰਸ ਪਾਰਟੀ ਕੋਲ਼ 3 ਚੋਣ ਜਿੱਤੇ ਮੈਂਬਰ ਸਨ ਅਤੇ ਇਸੇ ਤਰ੍ਹਾਂ ਸਰਹਿੰਦ ਬਲਾਕ ਵਿਚ ਕੁੱਲ 15 ਮੈਂਬਰਾਂ ਵਿਚੋਂ 14 ਮੈਂਬਰ ਅਕਾਲੀ ਦਲ ਅਤੇ ਇਕ ਮੈਂਬਰ ਕਾਂਗਰਸ ਕੋਲ਼ ਸੀ, ਪ੍ਰੰਤੂ ਦੋਵੇਂ ਸੰਮਤੀਆਂ ਦਾ ਅਕਾਲੀ ਦਲ ਕੋਲ਼ ਬਹੁਮਤ ਹੋਣ ਦੇ ਬਾਵਜ਼ੂਦ ਵੀ ਇਨ੍ਹਾਂ ਚੇਅਰਮੈਨਾਂ ਦੀ ਚੋਣ ਸਮੇਂ ਹਲਕਾ ਵਿਧਾਇਕ ਨੇ ਕਾਂਗਰਸੀ ਮੈਂਬਰਾਂ ਦੀ ਮਦਦ ਨਾਲ਼ ਇਹ ਚੇਅਰਮੈਨ ਬਣਾਏ ਦਿੱਤੇ ਸਨ ਅਤੇ ਇਨ੍ਹਾਂ ਚੇਅਰਮੈਨਾਂ ਦੀ ਚੋਣ ਸਮੇਂ ਹਲਕਾ ਵਿਧਾਇਕ ਨੇ ਉਪਰੋਕਤ ਸਾਰੇ ਅਕਾਲੀ ਧੜਿਆਂ ਦੀ ਸਲਾਹ ਲੈਣੀ ਜ਼ਰੂਰੀ ਨਹੀਂ ਸਮਝੀ,ਜਿਸ ਕਾਰਨ ਬਾਕੀ ਅਕਾਲੀ ਧੜਿਆਂ ਦੇ ਆਗੂਆਂ ਅਤੇ ਮੈਂਬਰਾਂ ਵਿਚ ਵਿਧਾਇਕ ਪ੍ਰਤੀ ਰੋਸ ਪਾਇਆ ਜਾ ਰਿਹਾ ਹੈ, ਪ੍ਰੰਤੂ ਪਾਰਟੀ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਵੱਲੋਂ ਦਿੱਤੇ ਇਸ ਬਿਆਨ ਜਿਸ ਵਿਚ ਉਨ੍ਹਾਂ ਆਖਿਆ ਸੀ ਕਿ ਕਾਂਗਰਸ ਦੀ ਮਦਦ ਲੈਣ ਵਾਲੇ ਚੇਅਰਮੈਨਾਂ ਖਿਲਾਫ਼ ਸਖ਼ਤ ਕਾਰਵਾਈ ਕੀਤੀ ਜਾਵੇਗੀ ਅਤੇ ਇਸ ਸਬੰਧੀ ਇਕ ਦੋ ਮੈਂਬਰੀ ਕਮੇਟੀ ਵੀ ਗਠਿਤ ਕੀਤੀ ਗਈ ਸੀ, ਨਾਲ਼ ਉਕਤ ਅਕਾਲੀ ਧੜਿਆਂ ਦੇ ਆਗੂਆਂ ਨੇ ਰਾਹਤ ਮਹਿਸੂਸ ਕਰਦੇ ਹੋਏ ਪਾਰਟੀ ਪ੍ਰਧਾਨ ਸੁਖਬੀਰ ਬਾਦਲ ਨੂੰ ਇਨ੍ਹਾਂ ਦੋ ਬਲਾਕ ਸੰਮਤੀਆਂ ਦੀ ਚੋਣ ਦੇ ਸਾਰੇ ਮਾਮਲੇ ਸਬੰਧੀ ਲਿਖਤੀ ਰੂਪ ਵਿਚ ਜਾਣੂ ਕਰਵਾ ਦਿੱਤਾ ਹੈ।
ਇਸੇ ਤਰ੍ਹਾਂ 30 ਜੂਨ ਨੂੰ ਹੋਈਆਂ ਸਰਹਿੰਦ-ਫਤਿਹਗੜ੍ਹ ਸਾਹਿਬ ਅਤੇ ਬਸੀ ਪਠਾਣਾਂ ਨਗਰ ਕੌਂਸਲ ਚੋਣਾਂ ਵਿਚ ਵੀ ਹਲਕਾ ਵਿਧਾਇਕ ਦਾ ਇਹ ਵਰਤਾਰਾ ਜਾਰੀ ਰਿਹਾ ਅਤੇ ਉਸ ਨੇ ਉਕਤ ਆਗੂਆਂ ਨੂੰ ਅੱਖੋਂ ਪਰੋਖ਼ੇ ਕਰਕੇ ਕਥਿਤ ਤੌਰ ਤੇ ਆਪਣੇ ਪੁੱਤਰ ਨੂੰ ਹੀ ਨਗਰ ਕੌਂਸਲ ਸਰਹਿੰਦ-ਫਤਿਹਗੜ੍ਹ ਸਾਹਿਬ ਦਾ ਪ੍ਰਧਾਨ ਬਣਾਉਣ ’ਤੇ ਹੀ ਸਾਰਾ ਜ਼ੋਰ ਲਗਾਇਆ ਹੋਇਆ ਹੈ। ਦੂਜੇ ਉਪਰੋਕਤ ਅਕਾਲੀ ਆਗੂਆਂ ਦੇ ਨਾਲ਼ ਨਾਲ਼ ਅਕਾਲੀ ਦਲ ਦੀ ਭਾਈਵਾਲ ਪਾਰਟੀ ਭਾਜਪਾ ਨਾਲ਼ ਵੀ ਹਲਕਾ ਵਿਧਾਇਕ ਦੇ ਸਬੰਧ ਸੁਖਾਵੇਂ ਨਹੀਂ ਹਨ ਕਿਉਂਕਿ ਕੁੱਝ ਮਹੀਨੇ ਪਹਿਲਾਂ ਸ਼ੇਰ ਸਿੰਘ ਨੂੰ ਨਗਰ ਕੌਂਸਲ ਦਾ ਪ੍ਰਧਾਨ ਬਣਾਉਣ ਸਮੇਂ ਭਾਜਪਾ ਆਗੂਆਂ ਵਿਚ ਕਾਫ਼ੀ ਖਲਬਲੀ ਮਚੀ ਸੀ ਅਤੇ ਭਾਜਪਾ ਦੇ ਆਗੂ ਅਤੇ ਵਰਕਰ ਅਕਾਲੀ ਦਲ ਵੱਲੋਂ ਕਿਸੇ ਵੀ ਕਰਵਾਏ ਗਏ ਸਮਾਗਮ ਵਿਚ ਸ਼ਮੂਲੀਅਤ ਕਰਨ ਤੋਂ ਵੀ ਗੁਰੇਜ਼ ਕਰਦੇ ਸਨ।
ਸਰਹਿੰਦ-ਫਤਿਹਗੜ੍ਹ ਸਾਹਿਬ ਨਗਰ ਕੌਂਸਲ ਦੇ ਕੁੱਲ 17 ਵਾਰਡਾਂ ਵਿਚੋਂ 16 ਵਾਰਡਾਂ ਦੀ ਹੋਈ ਚੋਣ ਵਿਚ ਅਕਾਲੀ ਦਲ ਅਤੇ ਭਾਜਪਾ ਤਿੰਨ-ਤਿੰਨ ਸੀਟਾਂ ਹੀ ਪ੍ਰਾਪਤ ਕਰ ਸਕੀਆਂ ਹਨ, ਜਦਕਿ ਹਲਕਾ ਵਿਧਾਇਕ ਦਾ ਸਪੁੱਤਰ ਗੁਰਵਿੰਦਰ ਸਿੰਘ ਗੱਗੂ ਪਹਿਲਾਂ ਹੀ ਵਾਰਡ ਨੰਬਰ 13 ਵਿਚੋਂ ਬਿਨ੍ਹਾਂ ਮੁਕਾਬਲਾ ਜੇਤੂ ਰਹੇ ਜਦੋਂ ਕਿ ਕਾਂਗਰਸ 2 ਅਤੇ ਅਜ਼ਾਦ ਉਮੀਦਵਾਰਾਂ ਨੇ 8 ਸੀਟਾਂ ਜਿੱਤੀਆਂ ਸਨ। ਹਲਕਾ ਵਿਧਾਇਕ ਨੇ ਵਾਰਡ ਨੰਬਰ 15 ਵਿਚ ਅੰਦਰਖਾਤੇ ਬਾਗ਼ੀ ਉਮੀਦਵਾਰ ਨਾਲ਼ ਕਥਿਤ ਸਮਝੌਤਾ ਕਰਕੇ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਦੇ ਅਤਿ ਨਜ਼ਦੀਕੀ ਸਮਝੇ ਜਾਂਦੇ ਸੀਨੀਅਰ ਅਕਾਲੀ ਆਗੂ ਜਥੇਦਾਰ ਦਵਿੰਦਰ ਸਿੰਘ ਭੱਪੂ ਦੇ ਸਪੁੱਤਰ ਅੰਮ੍ਰਿਤਪਾਲ ਸਿੰਘ ਰਾਜੂ ਨੂੰ ਅਤੇ ਵਾਰਡ ਨੰ: 17 ਵਿਚ ਲਿਬੜਾ ਗਰੁੱਪ ਦੇ ਗੁਰਦੇਵ ਸਿੰਘ ਖਾਲਸਾ ਨੂੰ ਕਥਿਤ ਤੌਰ ਤੇ ਹਰਾ ਕੇ ਆਪਣੇ ਸਪੁੱਤਰ ਨੂੰ ਪ੍ਰਧਾਨ ਬਣਾਉਣ ਦਾ ਰਸਤਾ ਸਾਫ਼ ਕਰ ਲਿਆ ਸੀ। ਹਲਕਾ ਵਿਧਾਇਕ ਦੀ ਇਸ ਕਾਰਗੁਜ਼ਾਰੀ ਤੋਂ ਉਕਤ ਅਕਾਲੀ ਧੜਿਆਂ ਨੇ ਇਸ ਸਬੰਧੀ ਹਾਈ ਕਮਾਂਡ ਨੂੰ ਜਾਣੂ ਕਰਵਾ ਦਿੱਤਾ ਹੈ। ਇੱਥੇ ਹੀ ਬੱਸ ਨਹੀਂ ਹਲਕਾ ਵਿਧਾਇਕ ਦੇ ਕੁੱਝ ਸਮਰਥਕਾਂ ਵੱਲੋਂ ਫਤਿਹਗੜ੍ਹ ਸਾਹਿਬ ਦੇ ਬੱਚਤ ਭਵਨ ਵਿਖੇ ਜ਼ਿਲਾ ਅਧਿਕਾਰੀਆਂ ਨਾਲ਼ ਮੀਟਿੰਗ ਕਰਨ ਆਏ ਅਕਾਲੀ ਮੰਤਰੀ ਕੈਪਟਨ ਕੰਵਲਜੀਤ ਸਿੰਘ ਸਹਿਕਾਰਤਾ ਮੰਤਰੀ ਪੰਜਾਬ ਖਿਲਾਫ਼ ਨਾਅਰੇਬਾਜ਼ੀ ਕੀਤੀ ਗਈ ਅਤੇ ਕੈਪਟਨ ਕੰਵਲਜੀਤ ਸਿੰਘ, ਹਲਕਾ ਵਿਧਾਇਕ ਦੀਦਾਰ ਸਿੰਘ ਭੱਟੀ ਦੀ ਇਸ ਕਾਰਗੁਜ਼ਾਰੀ ਤੋਂ ਕਾਫ਼ੀ ਖ਼ਫ਼ਾ ਹਨ। ਵਿਧਾਇਕ ਵੱਲੋਂ ਕੀਤੀਆਂ ਜਾਂ ਦੀਆਂ ਕਥਿਤ ਮਨਮਾਨੀਆਂ ਦਾ ਸਿਲਸਿਲਾ ਇੱਥੇ ਹੀ ਖ਼ਤਮ ਨਹੀਂ ਹੁੰਦਾ, ਉਹ ਜ਼ਿਲਾ ਪ੍ਰੀਸ਼ਦ ਦੀ ਚੇਅਰਮੈਨੀ ਪ੍ਰਾਪਤ ਕਰਨ ਲਈ ਸਾਰੇ ਧੜਿਆਂ ਨੂੰ ਇਕ ਪਾਸੇ ਰੱਖ ਕੇ ਕਾਂਗਰਸ ਪਾਰਟੀ ਦੇ ਇਕੋ ਇਕ ਜਿੱਤੇ ਮੈਂਬਰ ਵਰਿੰਦਰਪਾਲ ਸਿੰਘ ਵਿੰਕੀ ਨਾਲ਼ ਵੀ ਕਥਿਤ ਰੂਪ ਵਿਚ ਆਪਣੇ ਸਹੁਰੇ ਪਰਿਵਾਰ ਰਾਹੀਂ ਉਸ ਦਾ ਸਮਰਥਨ ਲੈਣ ਲਈ ਰਾਬਤਾ ਕਾਇਮ ਕਰ ਰਹੇ ਹਨ। ਦੱਸਣਯੋਗ ਹੈ ਕਿ ਪੂਰੇ ਜ਼ਿਲੇ ਵਿਚ ਕੁੱਲ 10 ਸੀਟਾਂ ਵਿਚੋਂ ਅਕਾਲੀ ਦਲ ਦੇ 9 ਅਤੇ ਕਾਂਗਰਸ ਦਾ ਇਕ ਮੈਂਬਰ ਇਹ ਚੋਣ ਜਿੱਤਿਆ ਸੀ।
ਅਤਿ ਭਰੋਸੇਯੋਗ ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਵਰਿੰਦਰਪਾਲ ਸਿੰਘ ਵਿੰਕੀ ਜੋ ਕਿ ਜ਼ਿਲਾ ਮੁਕਤਸਰ ਦੇ ਪਿੰਡ ਚੱਕਸ਼ੇਰੇ ਵਾਲਾ ਵਿਖੇ ਵਿਆਹਿਆ ਹੋਇਆ ਹੈ ਅਤੇ ਹਲਕਾ ਵਿਧਾਇਕ ਵੀ ਇਸੇ ਪਿੰਡ ਵਿਚ ਵਿਆਹੇ ਹੋਣ ਕਾਰਨ ਉਨ੍ਹਾਂ ਦੇ ਸਹੁਰੇ ਪਰਿਵਾਰਾਂ ਦਾ ਕਾਫ਼ੀ ਚੰਗਾ ਸਹਿਚਾਰ ਹੈ, ਜਿਸ ਕਾਰਨ ਹਲਕਾ ਵਿਧਾਇਕ ਕਥਿਤ ਰੂਪ ਵਿਚ ਆਪਣੇ ਸਹੁਰੇ ਪਰਿਵਾਰ ਦੀ ਮਦਦ ਨਾਲ਼ ਵਿੰਕੀ ਨੂੰ ਆਪਣੇ ਵੱਲ ਖਿੱਚਣ ਦੀ ਲਗਾਤਾਰ ਕੋਸ਼ਿਸ਼ ਕਰ ਰਿਹਾ ਹੈ। ਸੂਤਰਾਂ ਮੁਤਾਬਕ ਇਹ ਵੀ ਪਤਾ ਲੱਗਾ ਹੈ ਕਿ ਹਲਕਾ ਵਿਧਾਇਕ ਦਾ ਸਪੁੱਤਰ ਗੁਰਵਿੰਦਰ ਸਿੰਘ ਗੱਗੂ ਨੇ ਵੀ ਪਿਛਲੇ ਦਿਨੀਂ ਯੂਥ ਅਕਾਲੀ ਦਲ ਦੇ ਕੌਮੀ ਪ੍ਰਚਾਰਕ ਸਕੱਤਰ ਕਸ਼ਮੀਰਾ ਸਿੰਘ ਬਿਲਾਸਪੁਰ, ਲਖਵੀਰ ਸਿੰਘ ਲੱਖੀ ਅਤੇ ਕੁੱਝ ਹੋਰ ਮੈਂਬਰਾਂ ਨਾਲ਼ ਵਿੰਕੀ ਦੇ ਪਿੰਡ ਖੇੜੀ ਨੌਧ ਸਿੰਘ ਵਿਖੇ ਇਕ ਗੁਪਤ ਮੀਟਿੰਗ ਕਰਕੇ ਉਸ ਨੂੰ ਆਪਣਾ ਸਮਰਥਨ ਦੇਣ ਅਤੇ ਜ਼ਿਲੇ ਦੀ ਵਾਈਸ ਚੇਅਰਮੈਨੀ ਦੇਣ ਦੀ ਪੇਸ਼ਕਸ਼ ਕੀਤੀ।
ਜਦੋਂ ਇਸ ਉਕਤ ਸਾਰੇ ਮਾਮਲੇ ਸਬੰਧੀ ਹਲਕਾ ਵਿਧਾਇਕ ਦੀਦਾਰ ਸਿੰਘ ਭੱਟੀ ਨਾਲ਼ ਫ਼ੋਨ ’ਤੇ ਸੰਪਰਕ ਕੀਤਾ ਗਿਆ ਤਾਂ ਉਨ੍ਹਾਂ ਇਨ੍ਹਾਂ ਸਾਰੇ ਦੋਸ਼ਾਂ ਨੂੰ ਨਾਕਾਰਦੇ ਹੋਏ ਆਖਿਆ ਕਿ ਉਨ੍ਹਾਂ ਨੇ ਪਾਰਟੀ ਦੇ ਸਾਰੇ ਮੈਂਬਰਾਂ ਦੀ ਚੋਣ ਮੁਹਿੰਮ ਵਿਚ ਮਦਦ ਕੀਤੀ ਹੈ ਅਤੇ ਸਾਰੇ ਉਮੀਦਵਾਰਾਂ ਦੇ ਹੱਕ ਵਿਚ ਜਮ ਕੇ ਪ੍ਰਚਾਰ ਕੀਤਾ ਹੈ। ਉਨ੍ਹਾਂ ਆਖਿਆ ਕਿ ਜਦੋਂ ਕੋਈ ਵਿਅਕਤੀ ਚੋਣ ਹਾਰ ਜਾਂਦਾ ਹੈ ਤਾਂ ਤਰ੍ਹਾਂ ਤਰ੍ਹਾਂ ਦੇ ਇਲਜ਼ਾਮ ਦੂਸਰਿਆਂ ’ਤੇ ਲਗਾਉਂਦਾ ਹੈ। ਇਸ ਤੋਂ ਇਲਾਵਾ ਉਨ੍ਹਾਂ ਨੇ ਕਾਂਗਰਸੀ ਜ਼ਿਲਾ ਪ੍ਰੀਸ਼ਦ ਮੈਂਬਰ ਵਿੰਕੀ ਨਾਲ਼ ਕਿਸੇ ਵੀ ਤਰ੍ਹਾਂ ਦੇ ਰਾਬਤੇ ਤੋਂ ਇੰਨਕਾਰ ਕਰ ਦਿੱਤਾ ਅਤੇ ਕਿਹਾ ਕਿ ਉਨ੍ਹਾਂ ਕੋਲ਼ ਜ਼ਿਲਾ ਪ੍ਰੀਸ਼ਦ ਦੀ ਚੇਅਰਮੈਨੀ ਲਈ ਪੂਰਨ ਬਹੁਮਤ ਹੈ, ਫ਼ਿਰ ਅਸੀਂ ਕਾਂਗਰਸੀ ਮੈਂਬਰ ਦਾ ਸਮਰਥਨ ਲੈ ਕੇ ਉਸ ਨੂੰ ਵਾਈਸ ਚੇਅਰਮੈਨੀ ਕਿਉਂ ਦੇਵਾਂਗੇ?

ਸੋਨੀਆ ਜੀ ਸਾਡੀ ਰੱਖਿਆ ਕਰੋ

ਫਤਿਹਗੜ੍ਹ ਸਾਹਿਬ/4 ਜੁਲਾਈ/ਰਣਜੋਧ ਸਿੰਘ ਔਜਲਾ- ‘‘ਐਮ.ਐਲ.ਏ.ਦੀਦਾਰ ਸਿੰਘ ਭੱਟੀ ਦੇ ਗੁੰਡਿਆਂ ਅਤੇ ਪੁਲੀਸ ਦੇ ਅੱਤਿਆਚਾਰ ਤੋਂ ਤੰਗ ਆ ਕੇ ਅਸੀਂ ਘਰ ਛੱਡ ਕੇ ਜਾ ਰਹੇ ਹਾਂ, ਸੋਨੀਆ ਜੀ ਸਾਡੀ ਰੱਖਿਆ ਕਰੋ’’ ਇਨ੍ਹਾਂ ਸ਼ਬਦਾਂ ਵਾਲੇ ਪੋਸਟਰ ਉਨ੍ਹਾਂ ਦਲਿਤ ਪਰਿਵਾਰਾਂ ਦੇ ਘਰਾਂ ਦੇ ਦਰਵਾਜ਼ਿਆਂ ਅੱਗੇ ਲੱਗੇ ਮਿਲੇ, ਜਿਨ੍ਹਾਂ ਨੇ ਨਗਰ ਕੌਂਸਲ ਸਰਹਿੰਦ-ਫਤਿਹਗੜ੍ਹ ਸਾਹਿਬ ਦੇ ਅਕਾਲੀ ਪਾਰਟੀ ਦੇ ਉਮੀਦਵਾਰ ਦੇ ਵਿਰੋਧ ਵਿਚ ਵੋਟਾਂ ਪਾਈਆਂ ਸਨ ਅਤੇ ਜੋ ਪੁਲੀਸ ਅਤੇ ਅਣਪਛਾਤੇ ਵਿਅਕਤੀਆਂ ਤੋਂ ਤੰਗ ਆ ਕੇ ਆਪਣੇ ਘਰ ਛੱਡ ਚੁੱਕੇ ਹਨ, ਦੇ ਪਰਿਵਾਰਕ ਮੈਂਬਰਾਂ ਹਰਜਿੰਦਰ ਸਿੰਘ, ਬਲਵੀਰ ਸਿੰਘ, ਕਾਕਾ ਸਿੰਘ, ਤਰਸੇਮ ਸਿੰਘ, ਸੁਖਵਿੰਦਰ ਸਿੰਘ, ਬਲਜਿੰਦਰ ਸਿੰਘ, ਵਿਸਾਖ਼ੀ ਰਾਮ, ਕਾਲੀ ਚਰਨ, ਨਰਾਇਣ ਸਿੰਘ, ਅਵਤਾਰ ਸਿੰਘ,ਬਾਲੂ ਰਾਮ , ਕਰਮ ਸਿੰਘ ਨੇ ਕੁਲਜੀਤ ਸਿੰਘ ਨਾਗਰਾ ਪ੍ਰਧਾਨ ਕਿਸਾਨ ਖੇਤ ਮਜ਼ਦੂਰ ਕਾਂਗਰਸ ਪੰਜਾਬ ਦੀ ਅਗਵਾਈ ਵਿਚ ਸੱਦੀ ਇਕ ਪ੍ਰੈ¤ਸ ਕਾਨਫਰੰਸ ਦੌਰਾਨ ਦੱਸਿਆ ਕਿ ਉਸ ਸਮੇਂ ਤੋਂ ਲੈ ਕੇ ਹੀ ਇਨ੍ਹਾਂ ਦਲਿਤ ਪਰਿਵਾਰਾਂ ਨਾਲ਼ ਅਕਾਲੀ ਵਿਧਾਇਕ ਦੀ ਕਥਿਤ ਸ਼ਹਿ ’ਤੇ ਪੁਲੀਸ ਅਤੇ ਅਣਪਛਾਤੇ ਵਿਅਕਤੀਆਂ ਵੱਲੋਂ ਏਨਾ ਜ਼ਿਆਦਾ ਤੰਗ ਪ੍ਰੇਸ਼ਾਨ ਕੀਤਾ ਜਾ ਰਿਹਾ ਹੈ ਕਿ ਉਨ੍ਹਾਂ ਨੂੰ ਆਪਣੇ ਘਰ ਹੀ ਛੱਡ ਕੇ ਜਾਣਾ ਪਿਆ, ਜਿਸ ਕਾਰਨ ਉਹ ਲੁਕ ਛਿਪ ਕੇ ਦਿਨ ਕੱਟ ਰਹੇ ਹਨ।
ਉਨ੍ਹਾਂ ਆਖਿਆ ਕਿ ਰੋਜ਼ਾਨਾ ਰਾਤ ਸਮੇਂ ਪੁਲੀਸ ਅਤੇ ਅਣਪਛਾਤੇ ਵਿਅਕਤੀ ਉਨ੍ਹਾਂ ਨੂੰ ਤੰਗ ਪ੍ਰੇਸ਼ਾਨ ਕਰਦੇ ਹਨ ਅਤੇ ਉਨ੍ਹਾਂ ਨੂੰ ਜਾਤੀ ਸੂਚਕ ਸ਼ਬਦ ਬੋਲ ਕੇ ਗਾਲੀ ਗਲੋਚ ਕਰਦੇ ਹਨ। ਇਸ ਮੌਕੇ ’ਤੇ ਮੌਜ਼ੂਦ ਕੁਲਜੀਤ ਸਿੰਘ ਨਾਗਰਾ ਨੇ ਆਖਿਆ ਕਿ ਅਸੀਂ ਇਨ੍ਹਾਂ ਦਲਿਤ ਪਰਿਵਾਰਾਂ ਦੀ ਸੁਰੱਖਿਆ ਲਈ ਉਨ੍ਹਾਂ ਨੂੰ ਓਨਾ ਸਮਾਂ ਆਪਣੇ ਕੋਲ਼ ਰੱਖਣਗੇ, ਜਦੋਂ ਤੱਕ ਉਨ੍ਹਾਂ ਨੂੰ ਇੰਨਸਾਫ਼ ਨਹੀਂ ਮਿਲ ਜਾਂਦਾ। ਉਨ੍ਹਾਂ ਆਖਿਆ ਕਿ ਹਲਕਾ ਵਿਧਾਇਕ ਲੋਕਾਂ ’ਤੇ ਗੁੰਡਾਰਾਜ ਦਾ ਪ੍ਰਭਾਵ ਛੱਡਣਾ ਚਾਹੁੰਦੇ ਹਨ ਅਤੇ ਸਾਡੇ ਵੱਲੋਂ ਉਸ ਖਿਲਾਫ਼ ਲੋਕਤੰਤਰ ਲਹਿਰ ਤਿਆਰ ਕੀਤੀ ਜਾ ਰਹੀ ਹੈ, ਜੋ 30 ਜੂਨ ਤੋਂ ਸ਼ੁਰੂ ਹੋ ਚੁੱਕੀ ਹੈ। ਉਨ੍ਹਾਂ ਆਖਿਆ ਕਿ ਕਿਸਾਨ ਖੇਤ ਮਜ਼ਦੂਰ ਕਾਂਗਰਸ ਪੰਜਾਬ ਪ੍ਰਦੇਸ਼ ਕਾਂਗਰਸ ਕਮੇਟੀ ਦੀ ਅਗਵਾਈ ਹੇਠ ਉਦੋਂ ਤੱਕ ਸੰਘਰਸ਼ ਕਰੇਗੀ, ਜਦੋਂ ਤੱਕ ਲੋਕਤੰਤਰ ਦੀ ਸਹੀ ਤਰੀਕੇ ਨਾਲ਼ ਬਹਾਲੀ ਨਹੀਂ ਹੋ ਜਾਂਦੀ। ਉਨ੍ਹਾਂ ਆਖਿਆ ਕਿ ਐਸ.ਐਚ.ਓ.ਅਜਬ ਸਿੰਘ ਨੇ 30 ਜੂਨ ਨੂੰ ਨਗਰ ਕੌਂਸਲ ਚੋਣਾਂ ਵਾਲੇ ਦਿਨ ਸਰਹਿੰਦ ਦੇ ਵਾਰਡ ਨੰਬਰ 14 ਵਿਚ ਅਣਪਛਾਤੇ ਵਿਅਕਤੀ ਲਿਆ ਕੇ ਕਾਂਗਰਸ ਪਾਰਟੀ ਦੇ ਪੋ¦ਿਗ ਏਜੰਟ ਪ੍ਰਗਟ ਸਿੰਘ ਨੂੰ ਜਬਰੀ ਚੁੱਕ ਲਿਆ ਸੀ ਅਤੇ ਕਾਂਗਰਸ ਪਾਰਟੀ ਦੀ ਉਮੀਦਵਾਰ ਹਰਜੀਤ ਕੋਰ ਦੇ ਕੱਪੜੇ ਪਾੜਨ ਤੋਂ ਇਲਾਵਾ ਉਸ ਦੀ ਸੱਸ ਦੇ ਵੀ ਕਾਫ਼ੀ ਸੱਟਾਂ ਮਾਰੀਆਂ ਸਨ, ਜਿਸ ਕਾਰਨ ਉਹ ਹਸਪਤਾਲ ਵਿਚ ਵੀ ਦਾਖ਼ਲ ਰਹੀ, ਉਪਰੰਤ ਉਸ ਨੂੰ ਡਾ. ਹਰਬੰਸ ਲਾਲ ਸਾਬਕਾ ਕਾਂਗਰਸੀ ਮੰਤਰੀ, ਇਮਾਨ ਸਿੰਘ ਮਾਨ ਸੀਨੀਅਰ ਅਕਾਲੀ ਆਗੂ ਸ਼੍ਰੋਮਣੀ ਅਕਾਲੀ (ਅੰਮ੍ਰਿਤਸਰ) ਸਮੇਤ ਗ੍ਰਿਫ਼ਤਾਰ ਕਰਕੇ ਉਸ ਨੂੰ ਉਕਤ ਆਗੂਆਂ ਨਾਲ਼ ਨਬੀਪੁਰ ਚੌਂਕੀ ਵਿਖੇ ਬੰਦ ਕਰ ਦਿੱਤਾ ਗਿਆ ਸੀ, ਜਿਸ ਦੀ ਪੁਲੀਸ ਕੋਲ਼ ਵੀਡੀਓਗ੍ਰਾਫ਼ੀ ਵੀ ਹੈ। ਪ੍ਰੰਤੂ ਪੁਲੀਸ ਨੇ ਪ੍ਰਗਟ ਸਿੰਘ ’ਤੇ 307 ਅਤੇ ਕਈ ਹੋਰ ਧਾਰਾਵਾਂ ਲਗਾ ਕੇ ਉਸ ’ਤੇ ਮਾਮਲਾ ਦਰਜ ਕਰ ਦਿੱਤਾ, ਜਦੋਂ ਕਿ ਉਕਤ ਸਾਰੇ ਆਗੂ ਪ੍ਰਗਟ ਸਿੰਘ ਨਾਲ ²ਇਸ ਹੋਏ ਧੱਕੇ ਦੀ ਗਵਾਹੀ ਦੇਣ ਲਈ ਤਿਆਰ ਹਨ। ਉਨ੍ਹਾਂ ਆਖਿਆ ਕਿ ਅਜਬ ਸਿੰਘ ਨੇ ਪ੍ਰਗਟ ਸਿੰਘ ਦੇ ਘਰ ਬਿਨ੍ਹਾਂ ਤਲਾਸ਼ੀ ਵਾਰੰਟਾਂ ਤੋਂ ਉਸ ਦੇ ਘਰ ਦੀ ਤਲਾਸ਼ੀ ਲਈ ਅਤੇ ਉਸ ਦੇ ਪਿਤਾ ਨੂੰ ਧੱਕੇ ਮਾਰੇ ਅਤੇ ਕਿਹਾ ਕਿ ਅਸੀਂ ਤੇਰੇ ਪੁੱਤਰ ਨੂੰ ਨਹੀਂ ਛੱਡਾਂਗੇ।
ਸ੍ਰੀ ਨਾਗਰਾ ਨੇ ਦੱਸਿਆ ਕਿ ਐਸ.ਐਚ.ਓ.ਅਜਬ ਸਿੰਘ ਖਿਲਾਫ਼ ਉਹ ਹਿਊਮਨ ਰਾਈਟਸ, ਐਸ.ਸੀ.ਐਸ.ਟੀ.ਕਮਿਸ਼ਨਰ ਅਤੇ ਵੂਮੈ¤ਨ ਆਫ਼ ਇੰਡੀਆ ਕੋਲ਼ ਸ਼ਿਕਾਇਤਾਂ ਭੇਜ ਰਹੇ ਹਾਂ ਤਾਂ ਕਿ ਇਸ ਸਾਰੇ ਮਾਮਲੇ ਦੀ ਜਾਂਚ ਕਰਵਾ ਕੇ ਸਬੰਧਤ ਅਧਿਕਾਰੀਆਂ ਅਤੇ ਅਣਪਛਾਤੇ ਵਿਅਕਤੀਆਂ ਖਿਲਾਫ਼ ਕਾਰਵਾਈ ਕਰਵਾਈ ਜਾ ਸਕੇ। ਉਨ੍ਹਾਂ ਆਖਿਆ ਕਿ ਬੂਥ ’ਤੇ ਅਕਾਲੀ ਦਲ ਵੱਲੋਂ ਕੀਤੇ ਕਬਜ਼ੇ ਸਬੰਧੀ ਉਨ੍ਹਾਂ ਨੇ ਚੋਣ ਕਮਿਸ਼ਨ ਸ੍ਰੀ ਏ.ਕੇ.ਦੂਬੇ ਨੂੰ ਸ਼ਿਕਾਇਤ ਭੇਜ ਦਿੱਤੀ ਹੈ। ਉਨ੍ਹਾਂ ਅੱਗੇ ਆਖਿਆ ਕਿ ਹਲਕਾ ਵਿਧਾਇਕ ਉਨ੍ਹਾਂ ਅਤੇ ਉਨ੍ਹਾਂ ਦੇ ਹੋਰ ਸਾਥੀਆਂ ਨੂੰ ਵਾਰ ਵਾਰ ਜਾਨੋਂ ਮਾਰਨ ਦੀਆਂ ਧਮਕੀਆਂ ਦੇ ਰਿਹਾ ਹੈ, ਪ੍ਰੰਤੂ ਉਹ ਹਲਕਾ ਵਿਧਾਇਕ ਦੀਆਂ ਗਿੱਦੜ ਧਮਕੀਆਂ ਤੋਂ ਨਹੀਂ ਡਰਦੇ ਅਤੇ ਜੇਕਰ ਉਨ੍ਹਾਂ ਨੂੰ ਲੋਕਤੰਤਰ ਦੀ ਬਹਾਲੀ ਲਈ ਕੁਰਬਾਨੀ ਵੀ ਦੇਣੀ ਪਈ ਤਾਂ ਉਹ ਪਿੱਛੇ ਨਹੀਂ ਹਟਣਗੇ, ਜੇਕਰ ਉਨ੍ਹਾਂ ਦਾ ਕੋਈ ਜਾਨੀ ਮਾਲੀ ਨੁਕਸਾਨ ਹੋਇਆ ਤਾਂ ਹਲਕਾ ਵਿਧਾਇਕ ਇਸ ਲਈ ਜ਼ਿੰਮੇਵਾਰ ਹੋਣਗੇ। ਇਸ ਮੌਕੇ ਪ੍ਰੈ¤ਸ ਕਾਨਫਰੰਸ ਵਿਚ ਪੁੱਜੀਆਂ ਔੌਰਤਾਂ ਜਿਨ੍ਹਾਂ ਵਿਚ ਹਰਜੀਤ ਕੌਰ ਅਤੇ ਰਾਜ ਰਾਣੀ ਨੇ ਦੱਸਿਆ ਕਿ ਰਾਤ ਸਮੇਂ ਥਾਣੇਦਾਰ ਸਮੇਤ ਕੁੱਝ ਵਿਅਕਤੀ ਆ ਕੇ ਉਨ੍ਹਾਂ ਨੂੰ ਗਾਲੀ ਗਲੋਚ ਕਰਦੇ ਸਨ ਅਤੇ ਉਨ੍ਹਾਂ ਨੇ ਆਪਣੇ ਜਾਨ ਦੇ ਖ਼ਤਰੇ ਨੂੰ ਭਾਂਪਦਿਆਂ ਮਜ਼ਬੂਰੀ ਵਸ ਆਪਣੇ ਘਰ ਛੱਡਣੇ ਪਏ। ਇਸ ਮੌਕੇ ਪੀੜਤ ਬਜ਼ੁਰਗ਼ ਮਾਤਾ ਤਾਰਾ ਦੇਵੀ ਨੇ ਦੱਸਿਆ ਕਿ ਉਸ ਦਾ ਇਕਲੌਤਾ ਪੁੱਤਰ ਪੁਲੀਸ ਅਤੇ ਅਣਪਛਾਤੇ ਵਿਅਕਤੀਆਂ ਤੋਂ ਤੰਗ ਆ ਕੇ ਹਰਿਆਣਾ ਚਲਾ ਗਿਆ ਹੈ। ਜਦੋਂ ਇਸ ਸਬੰਧੀ ਜ਼ਿਲਾ ਪੁਲੀਸ ਮੁਖੀ ਨਾਲ਼ ਸੰਪਰਕ ਕੀਤਾ ਗਿਆ ਤਾਂ ਉਨ੍ਹਾਂ ਆਖਿਆ ਕਿ 30 ਜੂਨ ਨੂੰ ਚੋਣਾਂ ਵਾਲੇ ਦਿਨ ਜਿਨ੍ਹਾਂ ਵਿਅਕਤੀਆਂ ਨੇ ਭੰਨ ਤੋੜ ਕੀਤੀ ਹੈ, ਉਨ੍ਹਾਂ ਖਿਲਾਫ਼ ਕੇਸ ਦਰਜ ਕੀਤੇ ਗਏ ਹਨ। ਉਨ੍ਹਾਂ ਕਿਹਾ ਕਿ ਪੁਲੀਸ ਦਲਿਤ ਪਰਿਵਾਰਾਂ ਨੂੰ ਤੰਗ ਪ੍ਰੇਸ਼ਾਨ ਨਹੀਂ ਕਰ ਰਹੀ ਸਗੋਂ ਗ੍ਰਿਫ਼ਤਾਰ ਕਰਨ ਲਈ ਛਾਪੇਮਾਰੀ ਕਰ ਰਹੀ ਹੈ। ਉਨ੍ਹਾਂ ਪ੍ਰਗਟ ਸਿੰਘ ਬਾਰੇ ਆਖਿਆ ਕਿ ਉਨ੍ਹਾਂ ਨੂੰ ਇਸ ਬਾਰੇ ਕੋਈ ਪਤਾ ਨਹੀਂ ਕਿ ਉਹ ਭੰਨਤੋੜ ਸਮੇਂ ਕਿੱਥੇ ਸੀ। ਜਦੋਂ ਇਸ ਸਬੰਧੀ ਹਲਕਾ ਵਿਧਾਇਕ ਦੀਦਾਰ ਸਿੰਘ ਭੱਟੀ ਨਾਲ਼ ਸੰਪਰਕ ਕੀਤਾ ਗਿਆ ਤਾਂ ਉਨ੍ਹਾਂ ਕਿਹਾ ਕਿ ਉਕਤ ਮਾਮਲੇ ਨਾਲ਼ ਉਨ੍ਹਾਂ ਦਾ ਕੋਈ ਸਬੰਧ ਨਹੀਂ ਹੈ, ਕੁਲਜੀਤ ਸਿੰਘ ਨਾਗਰੇ ਨੇ ਲੋਕਾਂ ਦੀ ਹਮਦਰਦੀ ਪ੍ਰਾਪਤ ਕਰਨ ਲਈ ਝੂਠਾ ਜ਼ਾਲ ਵਿਛਾਇਆ ਹੋਇਆ ਹੈ। ਉਨ੍ਹਾਂ ਇਸ ਸਾਰੇ ਮਾਮਲੇ ਨੂੰ ਸਿਆਸਤ ਤੋਂ ਪ੍ਰੇਰਿਤ ਦੱਸਿਆ।

ਡਾ. ਗੁਰਦੇਵ ਸਿੰਘ ਪੰਦੋਹਲ ਦੀ ਹੋਈ ਦਰਦਨਾਕ ਮੌਤ ਸਬੰਧੀ ਸੋਗ ਸਭਾ

ਫਤਿਹਗੜ੍ਹ ਸਾਹਿਬ /4 ਜੁਲਾਈ /ਰਣਜੋਧ ਸਿੰਘ ਔਜਲਾ- ਪੰਜਾਬੀ ਸੱਥ ਫਤਿਹਗੜ੍ਹ ਸਾਹਿਬ ਪੰਜਾਬ ਦੇ ਮਹਾਨ ਵਿਦਵਾਨ, ਸਿੱਖਿਆ ਸ਼ਾਸ਼ਤਰੀ, ਬਹੁਪੱਖੀ ਸਾਹਿਤਕਾਰ, ਉਰਦੂ-ਪੰਜਾਬੀ ਸ਼ਾਇਰ ਅਤੇ ਅਨੁਵਾਦਕ, ਪੰਜਾਬੀ ਮਾਂ ਬੋਲੀ ਦੀ ਝੋਲੀ ਵਿਚ ਲੱਗਭਗ 40 ਪੁਸਤਕਾਂ ਦਾ ਯੋਗਦਾਨ ਪਾਉਣ ਵਾਲੇ ਅਨੁਭਵੀ ਮਨੁੱਖ ਡਾ. ਗੁਰਦੇਵ ਸਿੰਘ ਪੰਦੋਹਲ ਦੀ ਹੋਈ ਦਰਦਨਾਕ ਮੌਤ ਸਬੰਧੀ ਇਕ ਸੋਗ ਸਭਾ ਬੁਲਾਈ ਗਈ, ਜਿਸ ਵਿਚ ਇਲਾਕੇ ਦੀਆਂ ਸਾਹਿਤਕ ਸਖ਼ਸ਼ੀਅਤਾਂ ਸਥ ਦੇ ਪ੍ਰਧਾਨ ਸੰਤ ਸਿੰਘ ਸੋਹਲ, ਚੇਅਰਮੈਨ ਗੁਰਨਾਮ ਬਾਵਾ, ਉਪ ਪ੍ਰਧਾਨ ਅਸ਼ੋਕ ਝੰਜੀ, ਸਕੱਤਰ ਜਗਤਾਰ ਸਿੰਘ ਜਗਤਾਰ ਅਤੇ ਗੁਰਬਚਨ ਸਿੰਘ ਵਿਰਦੀ, ਗੁਰਜੀਤ ਸਿੰਘ ਬਾਠ, ਗੁਰਪਾਲ ਸਿੰਘ, ਕੈਲਾਸ਼ ਅਮਲੋਹੀ, ਜਨਰਲ ਸਕੱਤਰ ਲਾਲ ਮਿਸਤਰੀ ਤੋਂ ਇਲਾਵਾ ਜ਼ਿਲਾ ਲਿਖਾਰੀ ਸਭਾ ਦੇ ਪ੍ਰਧਾਨ ਕ੍ਰਿਪਾਲ ਸਿੰਘ ਪਰੇਸ਼ਾਨ, ਜਨਰਲ ਸਕੱਤਰ ਸੁਰਿੰਦਰ ਕੌਰ, ਸ਼੍ਰੋਮਣੀ ਸਾਹਿਤਕਾਰ ਡਾ. ਹਰਚੰਦ ਸਿੰਘ ਸਰਹਿੰਦੀ ਨੇ ਸ਼ਮੂਲੀਅਤ ਕੀਤੀ ਅਤੇ ਸ੍ਰੀ ਪੰਦੋਹਲ ਦੀ ਮੌਤ ’ਤੇ ਗਹਿਰਾ ਦੁੱਖ ਪ੍ਰਗਟ ਕਰਦਿਆਂ ਉਨ੍ਹਾਂ ਦੇ ਸਮੁੱਚੇ ਪਰਿਵਾਰ ਨਾਲ਼ ਹਮਦਰਦੀ ਜਾਹਿਰ ਕੀਤੀ ਹੈ। ਮੀਟਿੰਗ ਵਿਚ ਹਾਜ਼ਰ ਸਾਰੇ ਲੇਖਕਾਂ, ਕਵੀਆਂ, ਸਾਹਿਤਕਾਰਾਂ ਨੇ ਆਖਿਆ ਕਿ ਸ੍ਰੀ ਪੰਦੋਹਲ ਦੀ ਮੌਤ ਨਾਲ਼ ਪੰਜਾਬੀ ਸਾਹਿਤ ਨੂੰ ਨਾ ਪੂਰਾ ਹੋਣ ਵਾਲਾ ਘਾਟਾ ਪਿਆ ਹੈ।

ਸ਼ਹੀਦ ਭਾਈ ਬਲਕਾਰ ਸਿੰਘ ਦੀ ਯਾਦ ਵਿਚ 6 ਜੁਲਾਈ ਨੂੰ ਜਾਮਾਰਾਏ (ਤਰਨਤਰਨ) ਵਿਚ ਸਮਾਗਮ
ਅਕਾਲੀ ਦਲ ਅੰਮ੍ਰਿਤਸਰ (ਪੰਚ ਪ੍ਰਧਾਨੀ) ਵਲੋਂ ਪੰਥ ਨੂੰ ਜਾਮਾਰਾਏ ਪੁੱਜਣ ਦੀ ਅਪੀਲ
ਪਾਰਟੀ ਦੇ ਜਿਲ੍ਹਾ ਅੰਮ੍ਰਿਤਸਰ ਦੇਹਾਤੀ ਦਾ ਕੀਤਾ ਗਠਨ

ਤਰੀਕ: 3 ਜੁਲਾਈ, 2008 (ਐਡਵੋਕੇਟ ਜਸਪਾਲ ਸਿੰਘ ਮੰਝਪੁਰ)- ਸੌਦਾ ਸਾਧ ਵਲੋਂ ਗੋਲੀਆਂ ਚਲਵਾ ਕੇ ਮੁੰਬਈ ਵਿਚ ਕੀਤੇ ਸ਼ਹੀਦ ਬਲਕਾਰ ਸਿੰਘ ਦੀ ਯਾਦ ਵਿਚ ਪੰਜਾਬ ਵਿਚ 6 ਜੁਲਾਈ ਨੂੰ ਜਾਮਾਰਾਏ (ਤਰਨਤਰਨ) ਵਿਚ ਸਮਾਗਮ ਹੋ ਰਿਹਾ ਹੈ ਜਿਸ ਵਿਚ ਪੁੱਜਣਾ ਹਰੇਕ ਪੰਥ ਦਰਦੀ ਦਾ ਫਰਜ਼ ਹੈ ਕਿਉਂਕਿ ਸ਼ਹੀਦਾਂ ਦੀਆਂ ਯਾਦਾਂ ਦੀ ਰੌਸ਼ਨੀ ਵਿਚ ਹੀ ਸੰਘਰਸ਼ ਨੂੰ ਅੱਗੇ ਵਧਾਇਆ ਜਾ ਸਕਦਾ ਹੈ। ਇਹਨਾਂ ਵਿਚਾਰਾਂ ਦਾ ਪ੍ਰਗਟਾਵਾ ਅਕਾਲੀ ਦਲ ਅੰਮ੍ਰਿਤਸਰ (ਪੰਚ ਪ੍ਰਧਾਨੀ) ਦੇ ਕੌਮੀ ਪੰਚ ਸ. ਗੁਰਜਤਿੰਦਰਪਾਲ ਸਿੰਘ ਭਿੱਖਵਿੰਡ ਤੇ ਸਕੱਤਰ ਜਨਰਲ ਭਾਈ ਦਇਆ ਸਿੰਘ ਕੱਕੜ ਨੇ ਕੀਤਾ। ਆਗੂਆਂ ਨੇ ਦੱਸਿਆ ਕਿਹਾ ਕਿ ਪਾਰਟੀ ਵਰਕਰ ਸ਼ਹੀਦ ਬਲਕਾਰ ਸਿੰਘ ਦੀ ਯਾਦ ਵਿਚ ਹੋ ਰਹੇ ਸਮਾਗਮ ਵਿਚ ਵੱਧ-ਚੜ੍ਹ ਕੇ ਸ਼ਾਮਲ ਹੋਣ । ਉਹਨਾਂ ਦੱਸਿਆ ਕਿ ਪਾਰਟੀ ਚੇਅਰਮੈਨ ਭਾਈ ਦਲਜੀਤ ਸਿੰਘ ਬਿੱਟੂ ਵੀ ਵਿਸ਼ੇਸ਼ ਤੌਰ ਤੇ ਇਸ ਸ਼ਹੀਦੀ ਸਮਾਗਮ ਵਿਚ ਪੁੱਜਣਗੇ।
ਆਗੂਆਂ ਨੇ ਅਕਾਲੀ ਦਲ ਅੰਮ੍ਰਿਤਸਰ (ਪੰਚ ਪ੍ਰਧਾਨੀ) ਦੇ ਜਿਲ੍ਹਾ ਅੰਮ੍ਰਿਤਸਰ ਦੇਹਾਤੀ ਦੀਆਂ ਨਿਯੁਕਤੀਆਂ ਕਰਦਿਆਂ ਦੱਸਿਆ ਕਿ ਅੰਮ੍ਰਿਤਸਰ ਦੇਹਾਤੀ ਦਾ ਜਿਲ੍ਹਾ ਮੁਖੀ ਜਥੇਦਾਰ ਦਲਬੀਰ ਸਿੰਘ ਕਲੇਰ ਨੂੰ ਨਾਮਜ਼ਦ ਕੀਤਾ ਜਾਂਦਾ ਹੈ ਤੇ ਇਸ ਤੋਂ ਇਲਾਵਾ ਜਿਲ੍ਹਾ ਪੰਚ ਪ੍ਰਧਾਨੀ ਵਿਚ ਸੂਬਾ ਸਿੰਘ ਸਰਪੰਚ ਭੀਲੋਵਾਲ, ਸੂਬੇਦਾਰ ਸ਼ਿੰਗਾਰਾ ਸਿੰਘ ਹੁਸ਼ਿਆਰਨਗਰ, ਜਥੇਦਾਰ ਅੰਗਰੇਜ਼ ਸਿੰਘ ਨੇਪਾਲ, ਪਰਮਜੀਤ ਸਿੰਘ ਜੰਡਿਆਲਾ ਨੂੰ ਸ਼ਾਮਲ ਕੀਤਾ ਜਾਂਦਾ ਹੈ।

ਲੂਸੀਆਨਾ ਦੇ ਪੰਜਾਬੀ ਗਵਰਨਰ ਬੌਬੀ ਜਿੰਦਲ ਨੇ ਵੋਟਰਾਂ ਤੋਂ ਮੁਆਫ਼ੀ ਮੰਗੀ

ਨਿਊਯਾਰਕ, 3 ਜੁਲਾਈ -ਆਪਣੀ ਕੁਰਸੀ ਨੂੰ ਖਤਰੇ ਵਿਚ ਵੇਖਦਿਆਂ ਅਮਰੀਕਾਂ ਦੇ ਲੂਸੀਆਨਾ ਸੂਬੇ ਦੇ ਪੰਜਾਬੀ ਗਵਰਨਰ ਬੌਬੀ ਜਿੰਦਲ ਨੇ ਆਪਣੇ ਸੂਬੇ ਦੇ ਵੋਟਰਾਂ ਤੋਂ ਜਨਤਕ ਤੌਰ ਤੇ ਮਾਫੀ ਮੰਗ ਲਈ ਹੈ ਅਤੇ ਸੂਬੇ ਦੇ ਵਿਧਾਇਕਾ ਦੇ ਤਨਖਾਹ ਵਧਾਉਣ ਲਈ ਬਿਲ ਨੂੰ ਵੀਟੋ ਕਰ ਦਿੱਤਾ ਹੈ। ਸੂਬੇ ਦੀ ਅਸੰਬਲੀ ’ਚ ਵਿਧਾਇਕਾਂ ਨੇ ਬਿਲ 672 ਲਿਆ ਕੇ ਆਪਣੀਆਂ ਤਨਖਾਹਾਂ ’ਚ ਦੁਗਣਾ ਵਾਧਾ ਕਰ ਲਿਆ ਸੀ ਅਤੇ ਵਿਧਇਕ ਦੀ ਤਨਖਾਹ 16 ਹਜਾਰ 800 ਡਾਲਰ ਪ੍ਰਤੀ ਮਹੀਨਾ ਤੇ ਵਧਕੇ ਸਾਢੇ 7 ਹਜ਼ਾਰ ਡਾਲਰ ਕਰ ਦਿੱਤੀ ਗਈ ਸੀ। ਇਸ ਵਾਧੇ ਦਾ ਸੂਬੇ ’ਚ ਤਿਖਾ ਪ੍ਰਤੀਕਰਮ ਹੋਇਆ ਸੀ। ਅਧਿਕ ਸੰਸਥਾਵਾਂ ਦੇ ਨਾਲ ਨਾਲ ਵਿਰੋਧੀ ਧਿਰ ਡੈਮੋਕਰਟਿਵ ਪਾਰਟੀ ਨੇ ਸੱਤਾਧਾਰੀ ਰਿਪਬ¦ਿਕਨ ਪਾਰਟੀ ਦੇ ਕੁਝ ਨਾਮੀ ਆਗੂਆਂ ਨੇ ਇਸ ਵਾਧੇ ਦਾ ਤਿੱਖਾ ਵਿਰੋਧ ਕੀਤਾ ਸੀ। ਉਨ੍ਹਾਂ ਦਾ ਤਰਕ ਸੀ ਕਿ ਜਦੋਂ ਤੇਲ ਦੀਆਂ ਕੀਮਤਾਂ ਤੇ ਮਹਿੰਗਾਈ ਨਾਲ ਲੋਕਾਂ ਦਾ ਕਚੂੰਬਰ ਨਿਕਲ ਰਿਹਾ ਹੈ ਅਤੇ ਅਮਰੀਕਨ ਜਨਤਾ ਆਰਥਿਕ ਮੰਦਵਾੜੇ ਨਾਲ ਜੂਝ ਰਹੀ ਹੈ ਉਸ ਸਮੇਂ ਵਿਧਾਨਕਾਰਾਂ ਨੇ ਆਪਣੀਆਂ ਤਨਖਾਹਾਂ ’ਚ ਦੁਗਣਾ ਵਾਧਾ ਕਰਕੇ ਵੋਟਰਾਂ ਨਾਲ ਵਿਧਾਰਘਾ ਕੀਤਾ ਹੈ। ਨਾਮੀ ਸੰਸਥਾ ਤੇ ਲੋਕ ਪੱਖੀ ਆਗੂਆਂ ਗਵਰਨਰ ਬਾਬੀ ਜਿੰਦਲ ਤੋਂ ਮੰਗ ਕੀਤੀ ਸੀ ਕਿ ਉਹ ਇਸ ਵਾਧੇ ਨੂੰ ਵੀਟੋ ਕਰਦੇ ਹੋਏ। ਪ੍ਰੰਤੂ ਸ੍ਰੀ ਜਿੰਦਲ ਨੇ ਬਿਲ ਤੇ ਦਸਤਖਤ ਕਰ ਦਿਤੇ ਸਨ ਤੇ ਵੀਟੋ ਕਰਨ ਤੇ ਇਨਕਾਰ ਕਰ ਦਿਤਾ ਸੀ।
ਸਤੇ ਵਿਚ ਆਏ ਲੋਕਾਂ ਨੇ ਗਵਰਰ ਬਾਬੀ ਜਿੰਦਲ ਨੂੰ ਸਦੀਓ ਲਾਹੁਣ ਲਈ ਹੀ ਕਾਲ ਪਰੀਸ਼ਦ ਸ਼ੁਰੂ ਕਰ ਦਿਤੀ ਸੀ ਇਸ ਦਸਤਖਤੀ ਮੁਹਿੰਮ ’ਚ ਜਿੰਦਲ ਨੇ ਕਰੀਬੀ ਦੋਸਤ ਵੀ ਸ਼ਾਮਲ ਹੋ ਗਏ ਸਨ। ਆਪਣੀ ਗੱਦੀ ਨੂੰ ਖਤਰੇ ਵਿਚ ਵੇਖਦਿਆਂ ਗਵਰਨਰ ਬੋਬੀ ਜਿੰਦਲ ਨੇ ਸਿਰਫ ਤਨਖਾਹ ਵਧਾਉਣ ਵਲੇ ਬਿਲ ਨੂੰ ਵੀਟ ਕਰਕੇ ਛੱਡ ਦਿਤਾ ਸਗੋਂ ਲੂਪੀਆਨਾ ਦੇ ਵੋਟਰਾਂ ਤੋਂ ਮਾਫੀ ਮਗਦਿਆਂ ਕਿਹਾ ਕਿ ਉਨ੍ਹਾਂ ਤੋਂ ਭਾਰੀ ਭੁਲ ਹੋਈ ਹੈ ਅਤੇ ਮੈਂ ਆਪਣੀ ਗਲਤੀ ਸੁਧਾਰ ਰਿਹਾ ਹਾਂ। ਪਰ ਦਿਲਚਸਪ ਗਲ ਇਹ ਹੈ ਕਿ ਸ੍ਰੀ ਜਿੰਦਲ ਵਿਰੁਧ ਪਰੀਸ਼ਦ ਮੁਹਿਮ ਚਲਾਉਣ ਦਾਇਆ ਕੇ ਆਪਣੀ ਦਸਤਖਤੀ ਮੁਹਿੰਮ ਵਪਾਸ ਲੈਣ ਤੇ ਇਨਕਾਰ ਕਰ ਦਿੱਤਾ ਹੈ। ਲੂਸੀਆਨਾ ਸੂਬੇ ਦੇ ਕਾਨੂੰਨ ਅਨੁਸਾਰ ਆਪਣੇ ਸੂਬੇ ਦੇ ਗਵਰਨਰ ਜਾਂ ਸਕੱਤਰ ਨੂੰ ਹੀ ਪਟੀਸ਼ਨ ਨਾਲ ਵਾਪਸ ਹੀ ਘਲਾਇਆ ਜਾ ਸਕਦਾ ਹੈ। ਸ੍ਰੀ ਬੋਬੀ ਜਿੰਦਲ ਨੂੰ ਗਦੀ ਤੋਂ ਲਾਹੁਣ ਲਈ ਉਸਦੇ ਵਿਰੋਧੀਆਂ ਨੂੰ 6 ਮਹਿਨੀਆਂ ਅੰਦਰ 10 ਲੱਖ ਵੋਟਰਾਂ ਦੇ ਦਸਤਖਤ ਕਰਵਉਣੇ ਹੋਣਗੇ। ਜਿਕਰਯੋਗ ਹੈ ਕਿ ਸੰਗਰੂਰ ਜਿਲੇ ਦੀ ਮਲੇਰਕੋਟਲਾ ਤਹਿਸੀਲ ਨਾਲ ਸਬੰਧਤ ਸ੍ਰੀ ਜਿੰਦਲ ਅਮਰੀਕਾ ਦੇ ਪਹਿਲੇ ਪੰਜਾਬੀ ਤੇ ਸਭ ਤੋਂ ਘੱਟ ਉਮਰ ਦੇ ਗਵਰਨਰ ਹਨ।

ਸੈਨਹੋਜੇ ਦਾ ਕਬੱਡੀ ਮੇਲਾ

ਕੈਲੇਫੋਰਨੀਆ, ( ਕਰਮਜੀਤ ਸਿੰਘ ਸ਼ਾਹੀ) ਕਬੱਡੀ ਨਾਲ ਪੰਜਾਬੀਆਂ ਦਾ ਪਿਆਰ ਬਹੁਤ ਗੂੜਾ ਹੈ। ਜਿੱਥੇ ਵੀ ਕਿਤੇ ਕਬੱਡੀ ਚੱਲਦੀ ਹੋਵੇ ਪੰਜਾਬੀ ਦੂਰੋ-ਦੂਰੋਂ ਆ ਪਹੁੰਚਦੇ ਹਨ। ਪੰਜਾਬੀਆਂ ਦੇ ਇਸ ਸ਼ੌਕ ਨੂੰ ਮੁਖ ਰੱਖਦਿਆਂ ਹੋਇਆਂ 29 ਜੂਨ ਨੂੰ ਐਵਰਗ੍ਰੀਨ ਕਾਲਜ ਸੈਨਹੋਜੇ ਦੀਆਂ ਖੁੱਲ੍ਹੀਆਂ ਗਰਾਊਂਡਾਂ ‘ਚ ਕਬੱਡੀ ਮੇਲੇ ਦਾ ਆਯੋਜਨ ਕੀਤਾ ਗਿਆ। ਸਵੇਰੇ ਤਕਰੀਬਨ 11.00 ਵਜੇ ਤੋਂ ਹੀ ਮੇਲਾ ਭਰਨਾ ਸ਼ੁਰੂ ਹੋ ਗਿਆ। ਕਬੱਡੀ ਦੀ ਗਰਾਊਂਡ ਵਿੱਚ ਪੰਜਾਬੀ ਚੋਬਰਾਂ ਨੇ ਕਬੱਡੀ-ਕਬੱਡੀ ਦੇ ਦਮ ਪਾਉਣੇ ਸ਼ੁਰੂ ਕਰ ਦਿੱਤੇ। ਦੇਖਦਿਆਂ ਹੀ ਦੇਖਦਿਆਂ ਮੇਲਾ ਇੰਨਾ ਭਰ ਗਿਆ ਕਿ ਇੰਝ ਲੱਗਦਾ ਸੀ ਕਿ ਸਾਰਾ ਪੰਜਾਬ ਇੱਥੇ ਹੀ ਆ ਗਿਆ ਹੋਵੇ। ਕਬੱਡੀ ਦੀ ਗਰਾਊਂਡ ‘ਚ ਉਭਰਦਾ ਹੋਇਆ ਕੁਮੈਂਟਰ ਰਾਜਵਿੰਦਰ ਸਿੰਘ ਰੰਡਿਆਲਾ ਨੇ ਮੇਲੇ ਨੂੰ ਚਾਰ ਚੰਨ ਲਾਏ ।
ਕਬੱਡੀ ਦੇ ਗਰਾਊਂਡ ‘ਚ ਸਾਰੇ ਹੀ ਸਿੱਖ ਲੀਡਰ ਬਿਰਾਜਮਾਨ ਸਨ ਅਤੇ ਖਿਡਾਰੀਆਂ ਦੀ ਖ਼ੂਬ ਹੌਂਸਲਾ ਅਫ਼ਜਾਈ ਕਰ ਰਹੇ ਸਨ। ਇਸ ਮੇਲੇ ਵਿਚ ਸਹਾਇਤਾ ਸੰਸਥਾ ਵੱਲੋਂ ਬਹੁਤ ਸਾਰੇ ਮਰੀਜ਼ਾਂ ਦਾ ਫ਼ਰੀ ਮੈਡੀਕਲ ਚੈੱਕਅੱਪ ਕੀਤਾ ਗਿਆ। ਡਾਕਟਰਾਂ ਦੀ ਟੀਮ ਵੱਲੋਂ ਵੱਖ-ਵੱਖ ਬਿਮਾਰੀਆਂ ਦੇ ਇਲਾਜ ਬਾਰੇ ਜਾਣਕਾਰੀ ਦਿੱਤੀ ਗਈ। ਮੇਲੇ ਵਿਚ ਇੰਡੀਅਨ ਰੈਸਟੋਰੈਂਟਾਂ ਵੱਲੋਂ ਵੱਖ-ਵੱਖ ਤਰ੍ਹਾਂ ਦੇ ਭੋਜਨ ਤਿਆਰ ਕੀਤੇ ਗਏ। ਪ੍ਰਬੰਧਕਾਂ ਵੱਲੋਂ ਮੇਲੇ ਵਿਚ ਪਹੁੰਚੀਆਂ ਖ਼ਾਸ ਸਖ਼ਸੀਅਤਾਂ ਨੂੰ ਸਨਮਾਨਿਤ ਕੀਤਾ ਗਿਆ। ਕਬੱਡੀ ਵਿਚ ਬੇਅ-ਏਰੀਆ ਸਪੋਰਸਟ ਕਲੱਬ ਯੂਨੀਅਨ ਸਿਟੀ ਦੀ ਟੀਮ ਜੇਤੂ ਰਹੀ। ਰਸਲਿੰਗ ਦੇ ਮੁਕਾਬਲੇ ਗੁਰਵਿੰਦਰ ਸਿੰਘ ਕੰਗ, ਕਰਮਵੀਰ ਸਿੰਘ ਬਸਰਾ ਨੇ ਜਿੱਤੇ। ਅੰਤ ਵਿਚ ਪ੍ਰਬੰਧਕਾਂ ਵੱਲੋਂ ਆਏ ਹੋਏ ਸਾਰੇ ਸੱਜਣਾਂ ਦਾ ਤਹਿ ਦਿਲੋਂ ਧੰਨਵਾਦ ਕੀਤਾ ਗਿਆ।

ਸਾਬਕਾ ਮੁਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਸਿਆਸੀ ਲਾਹੇ ਦੀ ਤਾਕ ‘ਚ

ਪਟਿਆਲਾ- ਪੰਜਾਬ ਦੇ ਸਾਬਕਾ ਮੁਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੂੰ ਬੇਸ਼ੱਕ ਅਕਾਲੀ-ਭਾਜਪਾ ਗੱਠਜੋੜ ਰਗੜੇ ਲਾਉਣ ਦੀ ਤਾਕ ਵਿਚ ਹੈ, ਪਰ ਕੈਪਟਨ ਅਮਰਿੰਦਰ ਸਿੰਘ ਇਨ੍ਹਾਂ ਰਗੜਿਆਂ ਦਾ ਸਿਆਸੀ ਲਾਹਾ ਲੈਣ ਲਈ ਪਟਿਆਲਾ ‘ਚ ਸਰਕਟ ਹਾਊਸ ਵਿਖੇ ਸ਼ਕਤੀ ਪ੍ਰਦਰਸ਼ਨ ਕਰਨਗੇ, ਜਿਸ ਕਾਰਨ ਉਨ੍ਹਾਂ ਨੇ ਆਪਣੇ ਹਮਾਇਤੀਆਂ ਦੀਆਂ ਡਿਊਟੀਆਂ ਲਗਾ ਦਿੱਤੀਆਂ ਹਨ। ਕੈਪਟਨ ਅਮਰਿੰਦਰ ਸਿੰਘ ਦੇ ਹਮਾਇਤੀ ਵੱਡੀ ਗਿਣਤੀ ਵਿਚ ਇਕੱਠੇ ਹੋਣੇ ਸ਼ੁਰੂ ਹੋ ਗਏ ਹਨ। ਸੂਤਰਾਂ ਤੋਂ ਪਤਾ ਲੱਗਿਆ ਹੈ ਕਿ 6 ਜੁਲਾਈ ਨੂੰ ਸਰਕਟ ਹਾਊਸ ਪਟਿਆਲਾ ਵਿਖੇ ਅਮਰਿੰਦਰ ਸਮਰਥਕ ਦਸ ਹਜ਼ਾਰ ਤੋਂ ਵਧੇਰੇ ਕਾਂਗਰਸੀ ਵਰਕਰਾਂ ਦਾ ਇਕੱਠ ਕਰਨ ਦੀਆਂ ਵਿਉੂਂਤਾਂ ਬਣਾ ਰਹੇ ਹਨ। ਇਸ ਦਿਨ ਕਿਉਂਕਿ ਵਿਜੀਲੈਂਸ ਪੁਲਿਸ ਨੇ ਅਮਰਿੰਦਰ ਸਿੰਘ ਨੂੰ ਪੁਛਗਿੱਛ ਲਈ ਬੁਲਾਇਆ ਹੈ। ਨੈਤਿਕ ਤੌਰ ‘ਤੇ ਤਾਂ ਭਾਂਵੇ ਇਹ ਗਲਤ ਹੈ ਕਿ ਭ੍ਰਿਸ਼ਟਾਚਾਰ ਵਾਲੇ ਕੇਸ ਦਾ ਸਾਹਮਣਾ ਕਰਨ ਲਈ ਇਨ੍ਹਾਂ ਵੱਡਾ ਇਕੱਠ ਕੀਤਾ ਜਾਵੇ, ਪਰ ਪੰਜਾਬ ਵਿਚ ਕਾਂਗਰਸ ਪਾਰਟੀ ਜਿਸ ਤਰ੍ਹਾਂ ਸਿਆਸੀ ਤੌਰ ‘ਤੇ ਉਖੜ ਚੁੱਕੀ ਹੈ, ਉਸ ਦਾ ਲਾਹਾ ਲੈਣ ਲਈ ਕੈਪਟਨ ਅਮਰਿੰਦਰ ਸਿੰਘ ਅਤੇ ਉਨ੍ਹਾਂ ਦੇ ਸਮਰਥਕ ਇਸ ਨੂੰ ਵਧੀਆ ਮੌਕਾ ਮੰਨ ਰਹੇ ਹਨ। ਉਨ੍ਹਾਂ ਦਾ ਇਰਾਦਾ ਤਾਂ ਭਾਂਵੇ ਕਾਂਗਰਸ ਪਾਰਟੀ ਵਿਚ ਅਮਰਿੰਦਰ ਖੇਮੇ ਦੇ ਅਧਾਰ ਦਾ ਦਿਖਾਵਾ ਕਰਨਾ ਹੈ ਪਰ ਉਹ ਅਮਰਿੰਦਰ ਸਿੰਘ ਨਾਲ ਹਮਦਰਦੀ ਵਜੋਂ ਇਹ ਇਕੱਠ ਕਰ ਰਹੇ ਹਨ। ਅਜਿਹਾ ਕਰਕੇ ਅਮਰਿੰਦਰ ਸਿੰਘ ਸ਼ਕਤੀ ਪ੍ਰਦਰਸ਼ਨ ਕਰਨਾ ਚਾਹੁੰਦੇ ਹਨ, ਕਿਉਂਕਿ ਇਹ ਚਰਚਾ ਵੀ ਚੱਲੀ ਹੋਈ ਹੈ ਕਿ ਅਮਰਿੰਦਰ ਸਿੰਘ ਨੂੰ ਕਾਂਗਰਸ ਵਿਚ ਕੋਈ ਵੱਡਾ ਅਹੁਦਾ ਮਿਲੇਗਾ। ਇੰਨਾ ਵੱਡਾ ਇਕੱਠ ਕਰਕੇ ਉਹ ਇਸ ਤਾਕ ਵਿਚ ਹਨ ਕਿ ਉਨ੍ਹਾਂ ਦੇ ਅਹੁਦੇ ਦਾ ਵਿਰੋਧ ਕਰਨ ਵਾਲਿਆਂ ਨੂੰ ਇਹ ਮੌਕਾ ਹੀ ਨਾ ਦਿੱਤਾ ਜਾ ਸਕੇ ਕਿ ਅਮਰਿੰਦਰ ਸਿੰਘ ਦੇ ਨਾਲ ਕਾਂਗਰਸੀ ਵਰਕਰ ਬਹੁਤ ਘੱਟ ਹਨ।
ਪਟਿਆਲਾ ਵਿਖੇ ਕੱਲ੍ਹ ਬੀਬੀ ਰਾਜਿੰਦਰ ਕੌਰ ਭੱਠਲ ਸਰਕਟ ਹਾਊਸ ਵਿਚ ਕਾਂਗਰਸੀ ਵਰਕਰਾਂ ਦੇ ਦੁਖੜੇ ਸੁਣਨ ਲਈ ਪਹੁੰਚੇ ਸਨ, ਜਿਥੇ ਕਿ ਅਮਰਿੰਦਰ ਖੇਮਾ ਜਾਣ ਬੁੱਝ ਕੇ ਨਹੀਂ ਪੰਹੁਚਿਆ। ਕਾਂਗਰਸ ਦੇ ਸ਼ਹਿਰੀ ਪਟਿਆਲਾ ਦੇ ਪ੍ਰਧਾਨ ਕੁਝ ਸਮਾਂ ਹਾਜ਼ਰੀ ਲਵਾਉਣ ਲਈ ਪਹੁੰਚੇ ਸਨ। ਸਾਬਕਾ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਦੇ ਨੇੜਲੇ ਸੂਤਰਾਂ ਨੇ ਦੱਸਿਆ ਕਿ ਕੈਪਟਨ ਅਮਰਿੰਦਰ ਸਿੰਘ ਨਾਲ ਇਕਮੁੱਠਤਾ ਪ੍ਰਗਟ ਕਰਨ ਲਈ ਬਹੁਤ ਸਾਰੇ ਆਗੂ ਅਤੇ ਵਰਕਰ ਉਨ੍ਹਾਂ ਨੂੰ ਰੋਜ਼ਾਨਾ ਹੀ ਮਿਲਣ ਲਈ ਮਹਿਲਾਂ ਵਿਚ ਆਉਂਦੇ ਹਨ। ਸਾਢੇ ਛੇ ਸਾਲ ਪਹਿਲਾਂ ਜਦੋਂ ਕੈਪਟਨ ਅਮਰਿੰਦਰ ਸਿੰਘ ਨੂੰ ਪੰਜਾਬ ਪ੍ਰਦੇਸ਼ ਕਾਂਗਰਸ ਪਾਰਟੀ ਦਾ ਪ੍ਰਧਾਨ ਨਿਯੁਕਤ ਕੀਤਾ ਗਿਆ ਸੀ ਉਸ ਮੌਕੇ ਵੀ ਉਨ੍ਹਾਂ ਨੇ ਵੱਡਾ ਸ਼ਕਤੀ ਪ੍ਰਦਰਸ਼ਨ ਕੀਤਾ ਸੀ। ਉਸੇ ਤਰਜ਼ ‘ਤੇ ਹੀ ਪਟਿਆਲਾ ਵਿਖੇ 6 ਜੁਲਾਈ ਨੂੰ ਅਮਰਿੰਦਰ ਖੇਮੇ ਦਾ ਸ਼ਕਤੀ ਪ੍ਰਦਰਸ਼ਨ ਹੋ ਰਿਹਾ ਹੈ, ਪਰ ਇਸ ਵਾਰ ਇਸ ਸ਼ਕਤੀ ਪ੍ਰਦਰਸ਼ਨ ਦੀ ਕਮਾਨ ਪਟਿਆਲਾ ਦੇ ਮੌਜੂਦਾ ਅਤੇ ਸਾਬਕਾ ਐਮ.ਸੀਜ਼ ਨੇ ਸੰਭਾਲੀ ਹੋਈ ਹੈ, ਜਦੋਂ ਕਿ ਪਹਿਲਾਂ ਸ਼ਕਤੀ ਪ੍ਰਦਰਸ਼ਨ ਦੀ ਕਮਾਨ ਸਾਬਕਾ ਮੰਤਰੀ ਲਾਲ ਸਿੰਘ ਦੇ ਹੱਥ ਸੀ। ਹੁਣ ਲਾਲ ਸਿੰਘ ਬੀਬੀ ਭੱਠਲ ਦੇ ਨੇੜੇ ਹਨ, ਜਿਸ ਕਾਰਨ ਚਰਚਾ ਇਹ ਵੀ ਹੈ ਕਿ ਕੈਪਟਨ ਅਮਰਿੰਦਰ ਸਿੰਘ ਨੂੰ ਮਿਲਣ ਵਾਲੇ ਵੱਡੇ ਅਹੁਦੇ ਲਈ ਉਹ ਅੜਚਨਾ ਖੜੀਆਂ ਕਰਵਾ ਸਕਦਾ ਹੈ।

ਭਾਰਤੀ ਕਿਸਾਨ ਯੂਨੀਅਨ (ਏਕਤਾ) ਦੀ ਮੀਟਿੰਗ ਵਿਚ ਕਿਸਾਨਾਂ ਦੀਆਂ ਸਮੱਸਿਆਵਾਂ ਸਬੰਧੀ ਵਿਚਾਰ ਵਟਾਂਦਰਾ

ਫਤਿਹਗੜ੍ਹ ਸਾਹਿਬ/3 ਜੁਲਾਈ/ਰਣਜੋਧ ਸਿੰਘ ਔਜਲਾ- ਭਾਰਤੀ ਕਿਸਾਨ ਯੂਨੀਅਨ (ਏਕਤਾ) ਪੰਜਾਬ ਜ਼ਿਲਾ ਫਤਿਹਗੜ੍ਹ ਸਾਹਿਬ ਦੀ ਮਾਸਿਕ ਮੀਟਿੰਗ ਗੁਰਦੇਵ ਸਿੰਘ ਖਰੌੜਾ ਦੀ ਪ੍ਰਧਾਨਗੀ ਹੇਠ ਹੋਈ, ਜਿਸ ਵਿਚ ਕਿਸਾਨਾਂ ਦੀਆਂ ਸਮੱਸਿਆਵਾਂ ਸਬੰਧੀ ਵਿਚਾਰ ਵਟਾਂਦਰਾ ਕੀਤਾ ਗਿਆ। ਇਸ ਮੌਕੇ ‘ਤੇ ਕਿਸਾਨ ਆਗੂਆਂ ਨੇ ਸਰਕਾਰ ਤੋਂ ਕਿਸਾਨਾਂ ਅਤੇ ਖੇਤ ਮਜ਼ਦੂਰਾਂ ਦੇ ਸਾਰੇ ਕਰਜ਼ਿਆਂ ‘ਤੇ ਲਕੀਰ ਮਾਰਨ, ਝੋਨੇ ਦੀ ਫ਼ਸਲ ਦਾ ਰੇਟ ਸੂਚਕ ਅੰਕ ਨਾਲ਼ ਜੋੜ ਕੇ 1640 ਰੁਪਏ ਤੁਰੰਤ ਕਰਨ, ਨਰਮੇ ਦੀ ਫ਼ਸਲ ਦਾ ਰੇਟ 4500 ਰੁਪਏ ਦੇਣ, ਪਿੰਡਾਂ ਤੋਂ 300 ਮੀਟਰ ਦੇ ਫ਼ਾਸਲੇ ‘ਤੇ ਵਸਦੇ ਡੇਰਿਆਂ ਨੂੰ 24 ਘੰਟੇ ਵਾਲੀ ਬਿਜਲੀ ਸਪਲਾਈ ਤੁਰੰਤ ਚਾਲੂ ਕਰਨ, ਜੀਰੀ ਦੀ ਭਰਾਈ 50 ਕਿਲੋ ਭਰਤੀ ਤੁਰੰਤ ਕਰਨ, ਕਿਸਾਨਾਂ ਦੀਆਂ ਮੋਟਰਾਂ ਨੂੰ ਬਿਜਲੀ ਦੀ ਸਪਲਾਈ 12 ਘੰਟੇ ਤੁਰੰਤ ਦੇਣ, ਮੋਟਰਾਂ ਲਈ ਬਿਜਲੀ ਸਪਲਾਈ ਦੇ ਵਿਚ ਲਗਾਏ ਕੱਟ ਦੀ ਪੂਰਤੀ ਦੂਸਰੇ ਦਿਨ ਕਰਨ, ਬਿਜਲੀ ਸਬੰਧੀ ਨਵੇਂ ਅਤੇ ਪੁਰਾਣੇ ਕੁਨੈਕਸ਼ਨ ਤੁਰੰਤ ਦੇਣ ਆਦਿ ਮੰਗਾਂ ਨੂੰ ਪੂਰੀਆਂ ਕਰਨ ਦੀ ਮੰਗ ਕੀਤੀ ਹੈ। ਇਸ ਮੀਟਿੰਗ ਨੂੰ ਸੁਖਦੇਵ ਸਿੰਘ ਬਡਾਲੀ ਮਾਈ ਕੀ ਜ਼ਿਲਾ ਜਨਰਲ ਸਕੱਤਰ,ਭੁਪਿੰਦਰ ਸਿੰਘ ਬਲਾਕ ਪ੍ਰਧਾਨ ਖੇੜਾ, ਬਲਦੇਵ ਸਿੰਘ ਮੁਲਾਂਪੁਰ ਪ੍ਰਧਾਨ ਸਰਹਿੰਦ, ਮਹਿੰਦਰ ਸਿੰਘ ਪ੍ਰਧਾਨ ਮਾਛੀਵਾੜਾ, ਮਹਿੰਦਰ ਸਿੰਘ ਮਨਹੇੜਾ ਜ਼ਿਲਾ ਖਜਾਨਚੀ, ਹਰਭਜਨ ਸਿੰਘ ਰਾਮਪੁਰ, ਧਰਮਜੀਤ ਸਿੰਘ ਬਿੱਟੂ, ਬਲਵਿੰਦਰ ਸਿੰਘ ਘੇਲ, ਜਗਤਾਰ ਸਿੰਘ ਨਰੈਣਾਂ ਮੀਤ ਪ੍ਰਧਾਨ ਬਲਾਕ ਖੇੜਾ, ਮੱਲ ਸਿੰਘ ਉੱਚੀ ਰੁੜਕੀ, ਮਲਕੀਤ ਸਿੰਘ ਉੱਚੀ ਰੁੜਕੀ ਨੇ ਸੰਬੋਧਨ ਕੀਤਾ।

ਈ.ਟੀ.ਟੀ.ਸਿੱਖਿਆਰਥੀਆਂ ਵੱਲੋ ਰੋਸ ਧਰਨਾ

ਫਤਿਹਗੜ੍ਹ ਸਾਹਿਬ/3 ਜੁਲਾਈ/ਰਣਜੋਧ ਸਿੰਘ ਔਜਲਾ- ਪੰਜਾਬ ਦੇ ਈ.ਟੀ.ਟੀ.ਸਿੱਖਿਆਰਥੀਆਂ ਵੱਲੋਂ ਡਿਪਟੀ ਕਮਿਸ਼ਨਰ ਦਫ਼ਤਰ ਜ਼ਿਲਾ ਫਤਿਹਗੜ੍ਹ ਸਾਹਿਬ ਦੇ ਸਾਹਮਣੇ ਸਰਕਾਰ ਵਿਰੁੱਧ ਆਪਣੀਆਂ ਮੰਗਾਂ ਲਈ ਪੰਜਾਬ ਦੇ ਜਨਰਲ ਸਕੱਤਰ ਵਰਿੰਦਰ ਸਿੰਘ ਧਤੌਂਦਾ ਦੀ ਅਗਵਾਈ ਹੇਠ ਰੋਸ ਧਰਨਾ ਦਿੱਤਾ ਗਿਆ ਅਤੇ ਆਪਣੀਆਂ ਮੰਗਾਂ ਸਬੰਧੀ ਇਕ ਮੰਗ ਪੱਤਰ ਡਿਪਟੀ ਕਮਿਸ਼ਨਰ ਨੂੰ ਦਿੱਤਾ।
ਇਸ ਮੌਕੇ ‘ਤੇ ਸ੍ਰੀ ਧਤੌਂਦਾ ਨੇ ਸਿੱਖਿਆਰਥੀਆਂ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ ਇਹ ਧਰਨਾ ਜੰਮੂ ਬੋਰਡ ਦੇ ਈ.ਟੀ.ਟੀ.ਸਿੱਖਿਆਰਥੀਆਂ ਦੀ ਪੰਜਾਬ ਵਿਚ ਭਰਤੀ ਦੇ ਵਿਰੁੱਧ ਲਗਾਇਆ ਗਿਆ ਹੈ। ਉਨ੍ਹਾਂ ਦੱਸਿਆ ਕਿ ਆਉਣ ਵਾਲੇ ਸਮੇਂ ਵਿਚ ਈ.ਟੀ.ਟੀ.ਸਿੱਖਿਆਰਥੀਆਂ ਦਾ ਭਵਿੱਖ ਹਨ੍ਹੇਰੇ ਵਿਚ ਹੈ। ਉਨ੍ਹਾਂ ਸਰਕਾਰ ਤੋਂ ਮੰਗ ਕੀਤੀ ਕਿ ਪੰਜਾਬ ਵਿਚ ਜੰਮੂ ਬੋਰਡ ਜਾਂ ਕਿਸੇ ਹੋਰ ਬੋਰਡ ਨੂੰ ਮਾਨਤਾ ਨਾ ਦਿੱਤੀ ਜਾਵੇ ਤਾਂ ਜੋ ਪੰਜਾਬ ਦੀ ਮੁੱਢਲੀ ਸਿੱਖਿਆ ਦੇ ਮਿਆਰ ਨੂੰ ਡਿੱਗਣ ਤੋਂ ਬਚਾਇਆ ਜਾ ਸਕੇ। ਉਨ੍ਹਾਂ ਸਰਕਾਰ ਤੋਂ ਪੰਜਾਬ ਦੇ ਈ.ਟੀ.ਟੀ.ਸਿੱਖਿਆਰਥੀਆਂ ਨੂੰ ਬਣਦੇ ਹੱਕ ਦੇਣ ਦੀ ਮੰਗ ਵੀ ਕੀਤੀ।
ਧਰਨੇ ਨੂੰ ਸੰਬੋਧਨ ਕਰਦਿਆਂ ਜ਼ਿਲਾ ਪ੍ਰਧਾਨ ਜਗਜੋਤ ਸਿੰਘ ਜੋਤ ਨੇ ਕਿਹਾ ਕਿ ਜੇਕਰ ਸਰਕਾਰ ਨੇ ਉਨ੍ਹਾਂ ਦੀਆਂ ਮੰਗਾਂ ਵੱਲ ਧਿਆਨ ਨਾ ਦਿੱਤਾ ਅਤੇ ਉਨ੍ਹਾਂ ਦੇ ਬਣਦੇ ਹੱਕ ਨਾ ਦਿੱਤੇ ਤਾਂ ਪੰਜਾਬ ਵਿਚ ਵੱਡੇ ਪੱਧਰ ‘ਤੇ ਧਰਨੇ ਦਿੱਤੇ ਜਾਣਗੇ। ਉਨ੍ਹਾਂ ਸਾਰੇ ਵਿਦਿਆਰਥੀਆਂ ਨੂੰ ਇਕਮੁੱਠ ਹੋ ਕੇ ਇਸ ਸੰਘਰਸ਼ ਵਿਚ ਜੁਟਣ ਦੀ ਅਪੀਲ ਕੀਤੀ। ਇਸ ਮੌਕੇ ਧਰਨੇ ਨੂੰ ਹੋਰਨਾਂ ਤੋਂ ਇਲਾਵਾ ਹਰਵਿੰਦਰ ਸਿੰਘ ਮੀਤ ਪ੍ਰਧਾਨ, ਪ੍ਰਵੀਨ ਕੁਮਾਰ, ਅਵਤਾਰ ਸਿੰਘ, ਕੁਲਵੰਤ ਸਿੰਘ, ਬਿੰਦੂ ਸਿੰਘੀ, ਨਰਿੰਦਰ, ਸ਼ਿਵਪ੍ਰੀਤ ਸ਼ਰਮਾ ਨੇ ਸੰਬੋਧਨ ਕੀਤਾ।

ਆਂਗਣਵਾੜੀ ਮੁਲਾਜ਼ਮ ਵੱਲੋ 7 ਜੁਲਾਈ ਨੂੰ ਕੀਤੀ ਜਾ ਰਹੀ ਭੁੱਖ ਹੜਤਾਲ ਸਬੰਧੀ ਵਿਚਾਰ ਵਟਾਂਦਰਾ

ਫਤਿਹਗੜ੍ਹ ਸਾਹਿਬ/3 ਜੁਲਾਈ/ਰਣਜੋਧ ਸਿੰਘ ਔਜਲਾ- ਆਂਗਣਵਾੜੀ ਮੁਲਾਜ਼ਮ ਯੂਨੀਅਨ ਪੰਜਾਬ (ਸੀਟੂ) ਜ਼ਿਲਾ ਫਤਿਹਗੜ੍ਹ ਸਾਹਿਬ ਦੇ ਜ਼ਿਲਾ ਅਹੁਦੇਦਾਰਾਂ ਦੀ ਇਕ ਹੰਗਾਮੀ ਮੀਟਿੰਗ ਜ਼ਿਲਾ ਪ੍ਰਧਾਨ ਹਰਜੀਤ ਕੌਰ ਪੰਜੋਲਾ ਦੀ ਪ੍ਰਧਾਨਗੀ ਹੇਠ ਹੋਈ। ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਜ਼ਿਲਾ ਜਨਰਲ ਸਕੱਤਰ ਗੁਰਮੀਤ ਕੌਰ ਨੇ ਦੱਸਿਆ ਕਿ ਇਸ ਮੀਟਿੰਗ ਵਿਚ 29 ਅਪ੍ਰੈਲ ਨੂੰ ਸੂਬਾ ਕਮੇਟੀ ਦੇ ਫ਼ੈਸਲੇ ਅਨੁਸਾਰ 7 ਜੁਲਾਈ ਨੂੰ ਕੀਤੀ ਜਾ ਰਹੀ ਭੁੱਖ ਹੜਤਾਲ ਸਬੰਧੀ ਵਿਚਾਰ ਵਟਾਂਦਰਾ ਕੀਤਾ ਗਿਆ।
ਮੀਟਿੰਗ ਵਿਚ ਹਰਜੀਤ ਕੌਰ ਪੰਜੋਲਾ ਨੇ ਕਿਹਾ ਕਿ ਆਂਗਣਵਾੜੀ ਮੁਲਾਜ਼ਮਾਂ ਆਪਣੇ ਹੱਕਾਂ ਨੂੰ ਲੈ ਕੇ ਲਗਾਤਾਰ ਸੰਘਰਸ਼ ਦੇ ਰਾਹ ‘ਤੇ ਤੁਰੀਆਂ ਹੋਈਆਂ ਹਨ, ਪ੍ਰੰਤੂ ਫ਼ਿਰ ਵੀ ਇਹ ਸਰਕਾਰਾਂ ਕੁੰਭਕਰਨੀ ਨੀਂਦ ਸੁੱਤੀਆਂ ਪਈਆਂ ਹਨ, ਜਿਸ ਨੂੰ ਜਗਾਉਣ ਵਾਸਤੇ ਯੂਨੀਅਨ ਵੱਲੋਂ 5 ਜੂਨ ਤੋਂ 15 ਜੂਨ ਤੱਕ ਧਰਨੇ ਦਿੱਤੇ ਗਏ ਸਨ ਅਤੇ ਉਚ ਅਧਿਕਾਰੀਆਂ ਰਾਹੀਂ ਸਰਕਾਰ ਨੂੰ ਮੰਗ ਪੱਤਰ ਭੇਜੇ ਗਏ ਸਨ। ਉਨ੍ਹਾਂ ਦੱਸਿਆ ਕਿ ਆਪਣੀਆਂ ਮੰਗਾਂ ਸਬੰਧੀ ਇਕ ਮੰਗ ਪੱਤਰ ਅੱਜ ਵੀ ਡਿਪਟੀ ਕਮਿਸ਼ਨਰ ਰਾਹੀਂ ਮੁੱਖ ਮੰਤਰੀ ਨੂੰ ਭੇਜਿਆ ਗਿਆ ਹੈ। ਸ੍ਰੀਮਤੀ ਪੰਜੋਲਾ ਨੇ ਦੱਸਿਆ ਕਿ 7 ਜੁਲਾਈ ਤੋਂ ਡਾਇਰੈਕਟਰ ਸਮਾਜਿਕ ਸੁਰੱਖਿਆ ਇਸਤਰੀ ਤੇ ਬਾਲ ਵਿਕਾਸ ਵਿਭਾਗ ਦੇ ਦਫ਼ਤਰ ਵਿਖੇ ਭੁੱਖ ਹੜਤਾਲ ‘ਤੇ ਬੈਠਣ ਲਈ ਸਾਰੇ ਬਲਾਕਾਂ ਦੀਆਂ ਵਰਕਰਾਂ ਦੀਆਂ ਡਿਊਟੀਆਂ ਲਗਾ ਦਿੱਤੀਆਂ ਗਈਆਂ ਹਨ। ਉਨ੍ਹਾਂ ਸਰਕਾਰ ਤੋਂ ਮੁਲਾਜ਼ਮਾਂ ਦੇ ਪ੍ਰਾਂਤਕ ਮਾਣਭੱਤੇ ਵਿਚ ਤੁਰੰਤ ਵਾਧਾ ਕਰਕੇ ਉਤਰਾਖੰਡ ਪੈਟਰਨ ਲਾਗੂ ਕਰਨ, ਮਹਾਂਰਾਸ਼ਟਰ ਪੈਟਰਨ ‘ਤੇ ਪੈਨਸ਼ਨ ਸਕੀਮ ਲਾਗੂ ਕਰਨ, ਸਰਕਾਰੀ ਸਕੂਲਾਂ ਵਾਂਗ ਆਂਗਣਵਾੜੀ ਕੇਂਦਰਾਂ ਨੂੰ ਵੀ ਗਰਮੀ/ਸਰਦੀ ਦੀਆਂ ਛੁੱਟੀਆਂ ਕਰਨ, ਆਂਗਣਵਾੜੀ ਮੁਲਾਜ਼ਮਾਂ ਵਿਚੋਂ ਨਵੀਂਆਂ ਸੁਪਰਵਾਈਜ਼ਰਾਂ ਦੀ ਭਰਤੀ ਸੀਨੀਅਰਤਾ ਸੂਚੀ ਬਣਾ ਕੇ 100 ਪ੍ਰਤੀਸ਼ਤ ਕੋਟਾ ਲਾਗੂ ਕਰਵਾਉਣ, ਪ੍ਰਾਇਮਰੀ ਸਕੂਲਾਂ ਵਿਚ ਦਾਖ਼ਲੇ ਸਮੇਂ ਆਂਗਣਵਾੜੀ ਛੱਡਣ ਦਾ ਸਰਟੀਫ਼ਿਕੇਟ ਲਾਜ਼ਮੀ ਕਰਨ ਆਦਿ ਮੰਗਾਂ ਨੂੰ ਤੁਰੰਤ ਪੂਰਾ ਕਰਨ ਦੀ ਮੰਗ ਕੀਤੀ। ਇਸ ਮੀਟਿੰਗ ਨੂੰ ਨਰਿੰਦਰ ਕੌਰ, ਗੁਰਬਚਨ ਕੌਰ, ਸਤਵੀਰ ਕੌਰ, ਭੁਪਿੰਦਰ ਕੌਰ, ਗੁਰਮੀਤ ਕੌਰ ਭੱਟੀ, ਜਸਵਿੰਦਰ ਕੌਰ, ਮਨਮੋਹਣਜੀਤ ਕੌਰ, ਸਤਵੰਤ ਕੌਰ, ਸੁਰਿੰਦਰਪਾਲ ਕੌਰ, ਪਰਮਜੀਤ ਕੌਰ, ਸਰੋਜ਼ ਰਾਣੀ, ਜਗਮੋਹਣ ਕੌਰ, ਚਰਨਜੀਤ ਕੌਰ, ਇੰਦਰਪਾਲ ਕੌਰ, ਜਸਵੀਰ ਕੌਰ, ਕਲਮਜੀਤ ਕੌਰ, ਪ੍ਰਮੇਸ਼ਰੀ ਦੇਵੀ ਆਦਿ ਨੇ ਵੀ ਸੰਬੋਧਨ ਕੀਤਾ।

ਗਲੇਸ਼ੀਅਰ ਖਿਸਕ ਜਾਣ : ਲਾਪਤਾ ਹੋਏ ਲੜਕਾ ਅਤੇ ਲੜਕੀ ਦੀਆਂ ਲਾਸ਼ਾਂ ਮਿਲੀਆ।

ਫਤਿਹਗੜ੍ਹ ਸਾਹਿਬ/3 ਜੁਲਾਈ/ਰਣਜੋਧ ਸਿੰਘ ਔਜਲਾ- ਗੁਰਦੁਆਰਾ ਸ੍ਰੀ ਹੇਮਕੁੰਟ ਸਾਹਿਬ ਦੇ ਵਿਖੇ ਅਟਲਾਕੌੜੀ ਨਾਮਕ ਸਥਾਨ ਜਿੱਥੇ ਬਰਫ਼ ਦਾ ਗਲੇਸ਼ੀਅਰ ਖਿਸਕ ਜਾਣ ਕਾਰਨ ਕਈ ਵਿਅਕਤੀ ਉਸ ਦੀ ਲਪੇਟ ਵਿਚ ਆ ਗਏ ਸਨ, ਦੇ ਹੇਠਾਂ ਦਬੇ ਪਿੰਡ ਬਹਿਰਾਮਪੁਰ ਦੇ ਲਾਪਤਾ ਹੋਏ ਲੜਕਾ ਅਤੇ ਲੜਕੀ ਦੀਆਂ ਲਾਸ਼ਾਂ ਮਿਲ ਗਈਆਂ ਹਨ, ਜੋ 23 ਜੂਨ ਨੂੰ ਘਟਨਾ ਵਾਲੇ ਦਿਨ ਤੋਂ ਹੀ ਲਾਪਤਾ ਸਨ ਅਤੇ ਜਿਨ੍ਹਾਂ ਦਾ ਅੱਜ ਇੱਥੇ ਪਿੰਡ ਬਹਿਰਾਮਪੁਰ ਵਿਖੇ ਸਵੇਰੇ ਸਸਕਾਰ ਕਰ ਦਿੱਤਾ ਗਿਆ। ਇਸ ਹਾਦਸੇ ਵਿਚ ਪਹਿਲਾਂ ਇਸੇ ਪਿੰਡ ਦੇ ਇਕੱਠੇ ਪੰਜ ਵਿਅਕਤੀ ਹਾਦਸੇ ਦੀ ਲਪੇਟ ਵਿਚ ਆ ਗਏ ਸਨ, ਜਿਨ੍ਹਾਂ ਵਿਚੋਂ ਇਕੋ ਪਰਿਵਾਰ ਦੇ 3 ਜੀਅ ਮਾਂ,ਧੀ ਅਤੇ ਪੁੱਤਰ ਮਾਰੇ ਗਏ ਸਨ।
ਪ੍ਰਾਪਤ ਜਾਣਕਾਰੀ ਅਨੁਸਾਰ ਪਿੰਡ ਬਹਿਰਾਮਪੁਰ ਦੇ ਜਿਨ੍ਹਾਂ ਦੋ ਲਾਪਤਾ ਹੋਏ ਨੌਜਵਾਨ ਲੜਕੇ ਅਤੇ ਲੜਕੀ ਦਾ ਸਸਕਾਰ ਕੀਤਾ ਗਿਆ ਹੈ, ਉਨ੍ਹਾਂ ਵਿਚ ਸ਼ੇਰ ਸਿੰਘ ਦਾ ਪੋਤਰਾ ਕੰਵਲਜੀਤ ਸਿੰਘ (19) ਅਤੇ ਉਸ ਦੀ ਦੋਹਤੀ ਕਿਰਨ (17) ਦੇ ਨਾਮ ਸ਼ਾਮਲ ਹਨ ਅਤੇ ਜੋ ਉਕਤ ਸਥਾਨ ਵਿਖੇ 23 ਜੂਨ ਨੂੰ ਸ਼ਾਮ ਦੇ ਲੱਗਭਗ 4 ਵਜੇ ਬਰਫ਼ੀਲਾ ਗਲੇਸ਼ੀਅਰ ਡਿੱਗਣ ਉਪਰੰਤ ਲਾਪਤਾ ਹੋ ਗਏ ਸਨ। ਇਸ ਗਲੇਸ਼ੀਅਰ ਹੇਠਾਂ ਦਬੇ ਲੋਕਾਂ ਦੀਆਂ ਲਾਸ਼ਾਂ ਨੂੰ ਕੱਢਣ ਲਈ ਮਿਲਟਰੀ ਅਤੇ ਸਥਾਨਕ ਪ੍ਰਸ਼ਾਸ਼ਨ ਵੱਲੋਂ ਜੱਦੋ ਜਹਿਦ ਜਾਰੀ ਸੀ, ਇਸ ਦੌਰਾਨ ਜਦੋਂ ਉਨ੍ਹਾਂ ਨੂੰ ਦੋ ਲਾਸ਼ਾ ਮਿਲੀਆਂ ਤਾਂ ਉਨ੍ਹਾਂ ਨੇ ਪਿੰਡ ਬਹਿਰਾਮਪੁਰ ਵਿਖੇ ਇਸ ਸਬੰਧੀ ਸੂਚਨਾ ਦੇ ਕੇ ਉਨ੍ਹਾਂ ਨੂੰ ਮ੍ਰਿਤਕਾਂ ਦੀ ਪਛਾਣ ਲਈ ਗੋਬਿੰਦਧਾਮ ਵਿਖੇ ਬੁਲਾਇਆ ਗਿਆ ਸੀ, ਜਿਸ ‘ਤੇ ਮ੍ਰਿਤਕਾਂ ਦੇ ਪਰਿਵਾਰਕ ਮੈਂਬਰਾਂ ਵੱਲੋਂ ਸ੍ਰੀ ਹੇਮਕੁੰਟ ਸਾਹਿਬ ਵਿਖੇ ਪਹੁੰਚ ਕੇ ਲਾਸ਼ਾਂ ਨੂੰ ਇੱਥੇ ਸਵੇਰੇ 6 ਵਜੇ ਲਿਆਂਦਾ ਗਿਆ, ਉਪਰੰਤ ਉਨ੍ਹਾਂ ਦਾ ਅੰਤਿਮ ਸਸਕਾਰ ਕਰ ਦਿੱਤਾ ਗਿਆ। ਅੱਜ ਸਵੇਰੇ ਸਸਕਾਰ ਮੌਕੇ ਪਿੰਡ ਦਾ ਮਾਹੌਲ ਗ਼ਮਗ਼ੀਨ ਸੀ ਅਤੇ ਪਿੰਡ ਵਾਸੀ ਗਹਿਰੇ ਦੁੱਖ ਦੇ ਆਲਮ ਵਿਚ ਦਿਖਾਈ ਦੇ ਰਹੇ ਸਨ।

ਪਿੰਡ ਬਰਾਸ ਦੇ ਸਾਬਕਾ ਸਰਪੰਚ ਅਤੇ ਧਾਰਮਿਕ ਬਿਰਤੀ ਵਾਲੇ ਬਾਪੂ ਅਮਰ ਸਿੰਘ ਉੱਪਲ ਨਹੀਂ ਰਹੇ

ਫਤਿਹਗੜ੍ਹ ਸਾਹਿਬ/3 ਜੁਲਾਈ/ਰਣਜੋਧ ਸਿੰਘ ਔਜਲਾ- ਪਿੰਡ ਬਰਾਸ ਦੇ ਸਾਬਕਾ ਸਰਪੰਚ ਅਤੇ ਧਾਰਮਿਕ ਬਿਰਤੀ ਵਾਲੇ ਬਾਪੂ ਅਮਰ ਸਿੰਘ ਉੱਪਲ ਨਹੀਂ ਰਹੇ, ਉਹ ਆਪਣੀ 103 ਸਾਲ ਦੀ ਲੰਮੀ ਉਮਰ ਭੋਗ ਕੇ ਚਲਦੇ ਫ਼ਿਰਦੇ ਹੀ ਇਸ ਫ਼ਾਨੀ ਸੰਸਾਰ ਨੂੰ ਸਦਾ ਲਈ ਅਲਵਿਦਾ ਆਖ ਗਏ ਅਤੇ ਉਨ੍ਹਾਂ ਦੇ ਮਨ ਦੀ ਇਹ ਇੱਛਾ ਕਿ ਪਾਕਿਸਤਾਨ ਅਤੇ ਹਿੰਦੁਸਤਾਨ ਦੀ ਸਰਹੱਦ ਜਦੋਂ ਬਿਲਕੁੱਲ ਇਸ ਕਦਰ ਖੁੱਲ੍ਹ ਜਾਵੇਗੀ ਕਿ ਕੋਈ ਵੀ ਆਮ ਵਿਅਕਤੀ ਆਪਣੇ ਵਾਹਨ ਰਾਹੀਂ ਇੱਧਰੋਂ ਉੱਧਰ ਅਤੇ ਉੱਧਰੋਂ ਇੱਧਰ ਆ ਜਾ ਸਕੇਗਾ, ਉਦੋਂ ਹੀ ਉਹ ਪਾਕਿਸਤਾਨ ਵਿਖੇ ਸਥਿਤ ਗੁਰਧਾਮਾਂ ਦੇ ਦਰਸ਼ਨ ਕਰਨ ਦੇ ਨਾਲ਼ ਨਾਲ਼ ਰਾਹਵਾਲੀ ਤਲਵੰਡੀ ਜ਼ਿਲਾ ਗੁਜਰਾਂਵਾਲਾ (ਪਾਕਿਸਤਾਨ) ਸਥਿਤ ਆਪਣੇ ਜੱਦੀ ਪਿੰਡ ਜੋ ਉਹ ਹਿੰਦੁਸਤਾਨ ਅਤੇ ਪਾਕਿਸਤਾਨ ਦੀ ਵੰਡ ਸਮੇਂ ਛੱਡ ਆਏ ਸਨ, ਵੇਖਣ ਜਾਣਗੇ ਅਤੇ ਇਹ ਸੁਪਨਾ ਆਪਣੇ ਦਿਲ ਵਿਚ ਲੈ ਕੇ ਹੀ ਉਹ ਸਭ ਨੂੰ ਅਲਵਿਦਾ ਕਹਿ ਗਏ ਹਨ।
ਦਾਨੀ ਸੁਭਾਅ ਦੇ ਮਾਲਕ ਅਤੇ ਦੀਨ ਦੁਖੀਆਂ ਦੇ ਹਮਦਰਦ ਬਾਪੂ ਅਮਰ ਸਿੰਘ ਉੱਪਲ ਜਿਨ੍ਹਾਂ ਨੂੰ ਪਿੰਡ ਵਾਸੀਆਂ ਨੇ ਉਸ ਭਲ਼ੇ ਸਮੇਂ ਪਿੰਡ ਦਾ ਸਰਬਸੰਮਤੀ ਨਾਲ਼ ਸਰਪੰਚ ਚੁਣਿਆ ਸੀ, ਨੇ ਆਪਣੇ ਕਾਰਜਕਾਲ ਦੌਰਾਨ ਪਿੰਡ ਦਾ ਕੋਈ ਵੀ ਮਾਮਲਾ ਥਾਣੇ ਕਚਹਿਰੀ ਨਹੀਂ ਜਾਣ ਦਿੱਤਾ ਅਤੇ ਹਰ ਮਸਲੇ ਨੂੰ ਆਪਣੀ ਸਿਆਣਪ ਨਾਲ਼ ਹੀ ਪਿੰਡ ਵਿਚ ਹੀ ਨਜਿੱਠਿਆ। ਬਾਪੂ ਅਮਰ ਸਿੰਘ ਉੱਪਲ ਜਿਨ੍ਹਾਂ ਅੰਦਰ ਸਿੱਖਿਆ ਦੇ ਪ੍ਰਸਾਰ ਲਈ ਬਹੁਤ ਰੁਚੀ ਸੀ, ਨੇ ਉਸ ਸਮੇਂ ਜਦੋਂ ਇਸ ਪਿੰਡ ਦੇ ਆਲ਼ੇ ਦੁਆਲ਼ੇ ਕੋਈ ਪੱਕੀ ਸੜਕ ਵੀ ਨਹੀਂ ਸੀ ਹੁੰਦੀ ਅਤੇ ਨਾ ਹੀ ਕੋਈ ਟਰਾਂਸਪੋਰਟ ਦਾ ਸਾਧਨ ਸੀ, ਉਸ ਸਮੇਂ ਇਨ੍ਹਾਂ ਨੇ ਪਿੰਡ ਵਾਸੀਆਂ ਦੀ ਮਦਦ ਨਾਲ਼ ਬਲਦਾਂ ਦੇ ਗੱਡੇ ਨਾਲ਼ ਖ਼ੁਦ ਆਪ ਇੱਟਾਂ ਢੋਹ ਕੇ ਪ੍ਰਾਇਮਰੀ ਸਕੂਲ ਦੀ ਇਮਾਰਤ ਦਾ ਨਿਰਮਾਣ ਕਰਵਾਇਆ ਸੀ, ਜਿੱਥੇ ਅੱਜ ਦਸਵੀਂ ਤੱਕ ਦੇ ਸਕੂਲ ਵਿਚ ਕਈ ਪਿੰਡਾਂ ਦੇ ਬੱਚੇ ਸਿੱਖਿਆ ਪ੍ਰਾਪਤ ਕਰ ਰਹੇ ਹਨ।
ਆਪਣੀ ਜਿੰਦਗੀ ਦੇ ਵਿਚ ਅਖ਼ੀਰ ਤੱਕ ਆਪਣੇ ਪੈਰਾਂ ‘ਤੇ ਹੀ 103 ਸਾਲ ਦਾ ਲੰਮਾ ਪੈਂਡਾ ਕੱਢਿਆ ਅਤੇ ਆਪਣੇ ਔਲਾਦ ਦੇ ਕਿਸੇ ਮੈਂਬਰ ਲਈ ਵੀ ਉਹ ਬੋਝ ਨਹੀਂ ਬਣੇ, ਇੱਥੋਂ ਤੱਕ ਕਿ ਹੁਣੇ ਹੁਣੇ ਹੋਈਆਂ ਬਲਾਕ ਸੰਮਤੀ, ਜ਼ਿਲਾ ਪ੍ਰੀਸ਼ਦ ਅਤੇ ਪੰਚਾਇਤਾਂ ਦੀਆਂ ਚੋਣਾਂ ਵਿਚ ਖ਼ੁਦ ਪਹੁੰਚ ਕੇ ਆਪਣੀ ਵੋਟ ਦਾ ਇਸਤੇਮਾਲ ਕੀਤਾ ਅਤੇ ਪਿੰਡ ਵਿਚ ਜੇਤੂ ਰਹੀ ਪਾਰਟੀ ਦੇ ਸ਼ੁਕਰਾਨੇ ਵਜੋਂ ਕਰਵਾਏ ਗਏ ਧਾਰਮਿਕ ਸਮਾਗਮ ਵਿਚ ਵੀ ਸ਼ਮੂਲੀਅਤ ਕੀਤੀ। ਬਾਪੂ ਅਮਰ ਸਿੰਘ ਉੱਪਲ ਨੇ 2 ਜੁਲਾਈ ਨੂੰ ਬਾਅਦ ਦੁਪਹਿਰ ਲੱਗਭਗ ਸਾਢੇ 3 ਵਜੇ ਆਖ਼ਰੀ ਸਾਹ ਲਿਆ ਅਤੇ ਢੋਲ ਢਮੱਕਿਆਂ ਨਾਲ਼ ਉਨ੍ਹਾਂ ਦੀ ਦੇਹ ਨੂੰ ਉਨ੍ਹਾਂ ਦੇ ਚਾਰ ਪੁੱਤਰਾਂ ਨੇ ਕੰਧਾ ਦੇ ਕੇ ਸ਼ਮਸ਼ਾਨਘਾਟ ਪਹੁੰਚਾਇਆ, ਜਿੱਥੇ ਉਨ੍ਹਾਂ ਦੇ ਸਸਕਾਰ ਮੌਕੇ ਭਾਰੀ ਗਿਣਤੀ ਵਿਚ ਇਕੱਠੇ ਹੋਏ ਇਲਾਕੇ ਦੇ ਲੋਕਾਂ ਅਤੇ ਰਿਸ਼ਤੇਦਾਰਾਂ ਨੇ ਬਾਪੂ ਅਮਰ ਸਿੰਘ ਉੱਪਲ ਨੂੰ ਅੰਤਿਮ ਵਿਦਾਇਗੀ ਦਿੱਤੀ।
ਉਨ੍ਹਾਂ ਦੇ ਸਪੁੱਤਰ ਕੁਲਵੰਤ ਸਿੰਘ ਰਿਟਾਇਰਡ ਤਹਿਸੀਲਦਾਰ ਅਤੇ ਪੋਤੇ ਜਸਵੀਰ ਸਿੰਘ ਉੱਪਲ ਪ੍ਰਧਾਨ ਫਤਿਹਗੜ੍ਹ ਸਾਹਿਬ ਪ੍ਰੈੱਸ ਕਲੱਬ ਨੇ ਦੱਸਿਆ ਕਿ ਬਾਪੂ ਜੀ ਖ਼ੁਦ ਆਪ ਹਮੇਸ਼ਾਂ ਆਪਣੀ ਸਿਹਤ ਦਾ ਖ਼ਿਆਲ ਰੱਖਦੇ ਸਨ ਅਤੇ ਚੰਗੀ ਖ਼ੁਰਾਕ ਖਾਣਾ ਉਨ੍ਹਾਂ ਦਾ ਸ਼ੌਕ ਸੀ। ਉਨ੍ਹਾਂ ਦੱਸਿਆ ਕਿ ਉਨ੍ਹਾਂ ਨਮਿਤ ਪਾਠ ਦਾ ਭੋਗ ਅਤੇ ਅੰਤਿਮ ਅਰਦਾਸ 12 ਜੁਲਾਈ ਨੂੰ ਉਨ੍ਹਾਂ ਦੇ ਜੱਦੀ ਪਿੰਡ ਬਰਾਸ ਦੇ ਗੁਰਦੁਆਰਾ ਸਾਹਿਬ ਵਿਖੇ ਬਾਅਦ ਦੁਪਹਿਰ 1 ਵਜੇ ਹੋਵੇਗੀ।

ਭਾਖੜਾ ਨਹਿਰ ਵਿੱਚ ਸਰਹਿੰਦ ਦੇ ਇੱਕ ਨੌਜਵਾਨ ਡਾਕਟਰ ਦੇ ਨਹਿਰ ਵਿਚ ਡਿੱਗ ਜਾਣ ਦਾ ਸਮਾਚਾਰ

ਫਤਿਹਗੜ੍ਹ ਸਾਹਿਬ/3 ਜੁਲਾਈ/ਰਣਜੋਧ ਸਿੰਘ ਔਜਲਾ-ਥਾਣਾ ਸਰਹਿੰਦ ਅਧੀਨ ਪੈਂਦੇ ਪਿੰਡ ਤਰਖਾਣਮਾਜਰਾ ਕੋਲੋਂ ਲੰਘਦੀ ਭਾਖੜਾ ਮੇਨ ਲਾਈਨ ਨਹਿਰ ਵਿੱਚ ਸਰਹਿੰਦ ਦੇ ਇੱਕ ਨੌਜਵਾਨ ਡਾਕਟਰ ਦੇ ਨਹਿਰ ਵਿਚ ਡਿੱਗ ਜਾਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ। ਮਿਲੀ ਜਾਣਕਾਰੀ ਅਨੁਸਾਰ ਇੱਥੋਂ ਦੇ ਇਕ ਮਸ਼ਹੂਰ ਨਿੱਜੀ ਹਸਪਤਾਲ ਦੇ ਮਾਲਕ ਆਈ.ਐਮ.ਸ਼ੈਲੀ ਦਾ ਇਕਲੌਤਾ ਲੜਕਾ ਡਾਕਟਰ ਸੰਦੀਪ ਸ਼ੈਲੀ (35) ਜੋ ਕਿ ਪਿੰਡ ਤਰਖਾਣ ਮਾਜਰਾ ਵਿਖੇ ਪੰਜਾਬ ਸਰਕਾਰ ਵੱਲੋਂ ਚਲਾਈ ਜਾ ਰਹੀ ਪੇਂਡੂ ਡਿਸਪੈਂਸਰੀ ਵਿੱਚ ਤਾਇਨਾਤ ਸੀ, ਬੀਤੀ ਦੇਰ ਸ਼ਾਮ ਰੋਜ਼ਾਨਾ ਦੀ ਤਰ੍ਹਾਂ ਉਹ ਆਪਣੇ ਕਾਰ ਡਰਾਈਵਰ ਸਮੇਤ ਜਦੋਂ ਭਾਖੜਾ ਨਹਿਰ ਦੇ ਕੰਢੇ ਪਿੰਡ ਤਰਖਾਣ ਮਾਜਰਾ ਕੋਲੋਂ ਲੰਘਦੀ ਨਹਿਰ ਦੀ ਪੱਟੜੀ ‘ਤੇ ਸੈਰ ਕਰਨ ਲਈ ਗਿਆ ਅਤੇ ਕਾਰ ਦੇ ਡਰਾਈਵਰ ਵਿਸ਼ਨੂੰ ਮੁਤਾਬਕ ਸੈਰ ਕਰਦੇ ਹੋਏ ਅਚਾਨਕ ਉਸ ਦਾ ਨਹਿਰ ਦੀ ਪਟੜੀ ਤੋ ਪੈਰ ਫਿਸਲ ਗਿਆ ਅਤੇ ਉਹ ਨਹਿਰ ਵਿੱਚ ਡਿੱਗ ਪਿਆ। ਇਸ ‘ਤੇ ਕਾਰ ਡਰਾਈਵਰ ਨੇ ਡਾਕਟਰ ਸੰਦੀਪ ਨੂੰ ਬਚਾਉਣ ਲਈ ਕੋਸ਼ਿਸ਼ ਕੀਤੀ, ਪ੍ਰੰਤੂ ਉਹ ਉਸ ਨੂੰ ਬਚਾ ਨਹੀਂ ਸਕਿਆ। ਇਸ ਸਬੰਧੀ ਜਦੋਂ ਫਤਿਹਗੜ੍ਹ ਸਾਹਿਬ ਦੇ ਜ਼ਿਲਾ ਪੁਲੀਸ ਮੁਖੀ ਡਾ. ਕੌਸਤੁਭ ਸ਼ਰਮਾ ਨਾਲ ਗੱਲਬਾਤ ਕੀਤੀ ਗਈ ਤਾਂ ਉਨ੍ਹਾਂ ਕਿਹਾ ਕਿ ਇਸ ਘਟਨਾ ਪਿਛੇ ਹੋਈ ਦੁਰਭਾਵਨਾ ਨਹੀਂ ਜਾਪਦੀ ਅਤੇ ਗੋਤਾਖੋਰਾਂ ਵੱਲੋਂ ਸੰਦੀਪ ਸ਼ੈਲੀ ਦੀ ਭਾਲ਼ ਜਾਰੀ ਹੈ।

ਸਰਦਾਰ ਸਿਮਰਨਜੀਤ ਸਿੰਘ ਨੇ ਪ੍ਰਧਾਨ ਮੰਤਰੀ ਨੂੰ ਸੁਪਰੀਮ ਕੋਰਟ ਵਿਰੁੱਧ ਡੱਟਣ ਲਈ ਕਿਹਾ

ਚੰਡੀਗੜ-ਸ਼ਰੋਮਣੀ ਅਕਾਲੀ ਦਲ (ਅ) ਦੇ ਪ੍ਰਧਾਨ ਅਤੇ ਸਾਬਕਾ ਐਮ ਪੀ ਸਰਦਾਰ ਸਿਮਰਨਜੀਤ ਸਿੰਘ ਮਾਨ ਵਲੋਂ ਭਾਰਤ ਦੇ ਕਿਸਾਨਾਂ ਦੇ ਹੱਕ ਵਿੱਚ ਹਾਅ ਦਾ ਨਾਹਰਾ ਮਾਰਦਿਆ ਹਿੰਦੋਸਤਾਨ ਦੇ ਪ੍ਰਧਾਨ ਮੰਤਰੀ ਮਨਮੋਹਨ ਸਿੰਘ ਨੂੰ ਸੁਪਰੀਪ ਕੋਰਟ ਦੇ ਫੈਸਲੇ ਵਿਰੁੱਧ ਖੜੋਣ ਦੀ ਅਪੀਲ ਕੀਤੀ ਗਈ ਹੈ।ਸਰਦਾਰ ਸਿਮਰਨਜੀਤ ਸਿੰਘ ਮਾਨ ਨੇ ਸੁਪਰੀਮ ਕੋਰਟ ਦੇ ਉਸ ਫੈਸਲੇ ਤੇ ਤਿੱਖਾ ਰੋਸ ਪਰਗਟ ਕੀਤਾ ਹੈ ਜਿਸ ਵਿੱਚ ਸੁਪਰੀਮ ਕੋਰਟ ਨੇ ਭਾਰਤੀ ਕਿਸਾਨਾਂ ਤੇ ਪਾਬੰਦੀ ਲਾਈ ਹੈ ਕਿ ਉਹ ਬਾਸਮਤੀ ਤੋਂ ਬਿਨਾਂ ਕਿਸੇ ਵੀ ਕਿਸਮ ਦੇ ਚੌਲ ਬਾਹਰਲੇ ਮੁਲਕਾਂ ਨੂੰ ਨਹੀਂ ਭੇਜ ਸਕਦੇ।ਸਰਦਾਰ ਮਾਨ ਨੇ ਪ੍ਰਧਾਨ ਮੰਤਰੀ ਨੂੰ ਕਿਹਾ ਹੈ ਕਿ ਉਹ ਇਸ ਫੈਸਲੇ ਨੂੰ ਚਣੌਤੀ ਦੇਣ ਅਤੇ ਇਸ ਖੇਤਰ ਵਿੱਚ ਮਾਹਿਰ ਵਕੀਲਾਂ ਦੇ ਸਪੁਰਦ ਇਹ ਕੇਸ ਕਰ ਦੇਣ । ਮਿਸਰਨਜੀਤ ਮਾਨ ਨੇ ਕਿਹਾ ਕਿ ਅੰਤਰਾਸ਼ਟਰੀ ਮੰਡੀ ਵਿੱਚ ਚੋਲਾਂ ਦਾ ਭਾਅ ਇੱਕ ਹਜਾਰ ਡਾਲਰ ਪ੍ਰਤੀ ਟਨ ਹੈ ਜਦੋਂ ਕਿ ਭਾਰਤ ਵਿੱਚ ਕਿਸਾਨਾਂ ਨੂੰ 350 ਡਾਲਰ ਪ੍ਰਤੀ ਟਨ ਕੀਮਤ ਦਿੱਤੀ ਜਾਂਦੀ ਹੈ।ਸਰਦਾਰ ਮਾਨ ਨੇ ਇਸ ਨੂੰ ਕਿਸਾਨਾਂ ਦੇ ਹਿੱਤ ਵਿੱਚ ਭਾਰੀ ਧੱਕਾ ਦੱਸਿਆ ਹੈ। ਮਾਨ ਨੇ ਅੱਗੇ ਕਿਹਾ ਕਿ ਕਿਸਾਨਾਂ ਨੂੰ ਅਜਾਦੀ ਹੋਣੀ ਚਾਹੀਦੀ ਹੈ ਕਿ ਉਹ ਆਪਣੀ ਜਿਣਸ ਉਥੇ ਵੇਚ ਸਕਣ ਜਿਥੇ ਉਨ੍ਹਾਂ ਨੂੰ ਵਧੀਆਂ ਕੀਮਤ ਮਿਲੇ।ਖ੍ਰੀਦਾਰ ਦਾ ਫਾਇਦਾ ਦੇਖਦੇ ਦੇਖਦੇ ਅਨਾਜ ਨੂੰ ਪੈਦਾ ਕਰਨ ਵਾਲੇ ਕਿਸਾਨ ਦਾ ਗੱਲ ਨਹੀਂ ਘੁਟਿਆ ਜਾਣਾ ਚਾਹੀਦਾ।ਸਰਦਾਰ ਮਾਨ ਨੇ ਗ੍ਰਹਿ ਮੰਤਰਾਲੇ ਨੂੰ ਸੰਬੋਧਤ ਹੁੰਦਿਆ ਕਿਹਾ ਕਿ ਕਿਸਾਨ ਦਾ ਹਿੱਤ ਜਰੂਰ ਪੂਰਿਆ ਜਾਣਾ ਚਾਹੀਦਾ ਹੈ।ਸੁਪਰੀਮ ਕੋਰਟ ਦੇ ਫੈਸਲੇ ਨੂੰ ਸਾਬਕਾ ਐਮ ਪੀ ਨੇ ਕਿਸਾਨਾਂ ਦੇ ਭਵਿੱਖ ਦੀ ਤਬਾਹੀ ਗਰਦਾਨਿਆ।

ਸਿੱਖ ਨਾਲ ਭੇਦਭਾਵ ਕਰਨ ‘ਤੇ ਅਮਰੀਕੀ ਸਰਕਾਰ ਵਲੋਂ ਕੰਪਨੀ ‘ਤੇ ਮੁਕੱਦਮਾ

ਵਾਸ਼ਿੰਗਟਨ, 3 ਜੁਲਾਈ 2008 - ਅਮਰੀਕੀ ਸਰਕਾਰ ਨੇ ਇਕ ਸਿੱਖ ਨਾਲ ਭੇਦਭਾਵ ਕਰਨ ‘ਤੇ ਟੈਕਸਾਸ ਸਥਿਤ ਇਕ ਕੰਪਨੀ ਦੇ ਖਿਲਾਫ ਮੁਕੱਦਮਾ ਦਰਜ ਕਰਵਾਇਆ ਹੈ। ਜਾਣਕਾਰੀ ਅਨੁਸਾਰ ਸੁਖਦੇਵ ਸਿੰਘ ਬਰਾੜ ਵਲੋਂ ਕੇਸ ਕਟਵਾਉਣ ਅਤੇ ਪੱਗ ਉਤਾਰਨ ਤੋਂ ਇਨਕਾਰ ਕਰਨ ‘ਤੇ ਕੰਪਨੀ ਨੇ ਉਸਨੂੰ ਨੌਕਰੀ ‘ਤੇ ਰੱਖਣ ਤੋਂ ਇਨਕਾਰ ਕਰ ਦਿੱਤਾ। ਈਕੁਅਲ ਇੰਪਲਾਈਮੈਂਟ ਅਪਰਚਿਊਨਿਟੀ ਕਮਿਸ਼ਨ (ਈਈਓਸੀ) ਨੇ ਸ੍ਰ. ਬਰਾੜ ਨੂੰ ਇਸ ਘਟਨਾ ਤੋਂ ਹੋਈ ਮਾਨਸਿਕ ਪ੍ਰੇਸ਼ਾਨੀ ਲਈ ਮੁਆਵਜ਼ਾ ਦੇਣ ਦੀ ਸਿਫਾਰਿਸ਼ ਕੀਤੀ ਹੈ। ਸ੍ਰ. ਬਰਾੜ ਡੱਲਾਸ ਇਲਾਕੇ ਦੇ ਸੁਰੱਖਿਆ ਅਧਿਕਾਰੀ ਹਨ ਅਤੇ ਉਨ੍ਹਾਂ ਨੇ ਅਕਤੂਬਰ 2005 ਵਿਚ ਚੈਂਪੀਅਨ ਨੈਸ਼ਨਲ ਸਕਿਓਰਿਟੀ ਫਰਮ ਵਿਚ ਨੌਕਰੀ ਲਈ ਅਰਜ਼ੀ ਦਿੱਤੀ ਸੀ। ਸੀਬੀਐਸ ਨੇ ਬਰਾੜ ਦੇ ਹਵਾਲੇ ਨਾਲ ਦੱਸਿਆ ਕਿ ਅਰਜ਼ੀ ਦੇ ਬਾਅਦ ਕੰਪਨੀ ਦੀ ਇਕ ਔਰਤ ਪ੍ਰਤੀਨਿਧ ਨੇ ਕਿਹਾ ਕਿ ਮੈਂ ਤੁਹਾਨੂੰ ਨੌਕਰੀ ‘ਤੇ ਰੱਖਣ ਜਾ ਰਹੀ ਹਾਂ ਪਰ ਤੁਹਾਨੂੰ ਆਪਣੇ ਕੇਸ ਕਟਵਾਉਣੇ ਪੈਣਗੇ ਅਤੇ ਪੱਗ ਉਤਾਰਨੀ ਪਵੇਗੀ। ਇਸਦੇ ਜਵਾਬ ਵਿਚ ਬਰਾੜ ਨੇ ਕਿਹਾ ਕਿ ਤੁਸੀਂ ਕੀ ਕਹਿ ਰਹੇ ਹੋ। ਕੀ ਇਹ ਸੰਘੀ ਕਾਨੂੰਨ ਅਤੇ ਸਿੱਖ ਧਰਮ ਦੇ ਖਿਲਾਫ ਨਹੀਂ ਹੈ। ਮੈਂ ਆਪਣੇ ਕੇਸ ਨਹੀਂ ਕਟਵਾ ਸਕਦਾ ਅਤੇ ਨਾ ਹੀ ਆਪਣੀ ਪੱਗ ਉਤਾਰ ਸਕਦਾ ਹਾਂ। ਇਸ ‘ਤੇ ਕੰਪਨੀ ਪ੍ਰਤੀਨਿਧ ਨੇ ਕਿਹਾ ਕਿ ਇਹ ਸਾਡੀ ਕੰਪਨੀ ਦੀ ਨੀਤੀ ਹੈ ਅਤੇ ਅਸੀਂ ਇਸਨੂੰ ਬਦਲ ਨਹੀਂ ਸਕਦੇ ਹਾਂ। ਉੱਧਰ ਅਮਰੀਕੀ ਸਰਕਾਰ ਚਾਹੁੰਦੀ ਹੈ ਕਿ ਅਦਾਲਤ ਕੰਪਨੀ ਨੂੰ ਉਸਦੇ ਇਸ ਤਰ੍ਹਾਂ ਦੇ ਨਿਯਮਾਂ ਵਿਚ ਬਦਲਾਅ ਕਰਨ ਲਈ ਹੁਕਮ ਦੇਵੇ। ਈਈਓਸੀ ਵਿਚ ਨੈਸ਼ਨਲ ਸਕਿਓਰਿਟੀ ਦੇ ਖਿਲਾਫ ਮੁਕੱਦਮਾ ਦਾਇਰ ਹੋਣ ਤੋਂ ਪਹਿਲਾਂ ਕੰਪਨੀ ਨੇ ਮਾਮਲੇ ਦਾ ਹੱਲ ਕੱਢਣ ਦੀ ਕੋਸ਼ਿਸ਼ ਕੀਤੀ। ਕੰਪਨੀ ਦੇ ਇਕ ਵਕੀਲ ਨੇ ਕਿਹਾ ਕਿ ਉਨ੍ਹਾਂ ਨੇ ਮੁਕੱਦਮੇ ਸਬੰਧੀ ਦਸਤਾਵੇਜ਼ ਅਜੇ ਤੱਕ ਦੇਖੇ ਨਹੀਂ ਹਨ ਪਰ ਉਨ੍ਹਾਂ ਕਿਹਾ ਕੰਪਨੀ ਕਿਸੇ ਵੀ ਵਿਅਕਤੀ ਨਾਲ ਭੇਦਭਾਵ ਨਹੀਂ ਕਰਦੀ ਹੈ ਅਤੇ ਲੋਕਾਂ ਨੂੰ ਨੌਕਰੀ ਉੱਤੇ ਰੱਖਣ ਦੇ ਮਾਮਲੇ ਵਿਚ ਉਸਦਾ ਰਿਕਾਰਡ ਵਧੀਆ ਰਿਹਾ ਹੈ।