ਖ਼ਾਲਿਸਤਾਨ ਦੀ ਮੰਗ ਛੱਡ ਕੇ ਭਾਰਤ ਪਰਤਣਾ ਹਰਗਿਜ਼ ਮਨਜ਼ੂਰ ਨਹੀਂ-ਖ਼ਾਲਿਸਤਾਨ ਦੇ ਸ਼ਹੀਦ ਪ੍ਰਵਾਰ

ਸੈਨ ਫ਼ਰਾਂਸਿਸਕੋ - ਖ਼ਾਲਿਸਤਾਨ ਦੇ ਸ਼ਹੀਦ ਪ੍ਰਵਾਰਾਂ ਵੱਲੋਂ ਬਿਆਨ ਜਾਰੀ ਕਰਦਿਆਂ ਭਾਈ ਬਲਵਿੰਦਰਪਾਲ ਸਿੰਘ ਖ਼ਾਲਸਾ ਨੇ ਹਿੰਦੋਸਤਾਨ ਦੇ ਗ੍ਰਹਿ ਮੰਤਰੀ ਪੀ. ਚਿਦੰਬਰਮ ਤੇ ਪ੍ਰਕਾਸ਼ ਬਾਦਲ ਦੇ ਉਸ ਬਿਆਨ, " ਕਿ ਸਿੱਖ ਨੌਜਵਾਨ ਖ਼ਾਲਿਸਤਾਨ ਦੀ ਮੰਗ ਛੱਡ ਕੇ ਹਿੰਦੋਸਤਾਨ ਦੀ ਮੁੱਖ ਧਾਰਾ ਵਿਚ ਆ ਜਾਣ ", ਦੀ ਸਖ਼ਤ ਲਫ਼ਜ਼ਾਂ ਵਿਚ ਨਿੰਦਿਆਂ ਕਰਦਿਆਂ ਕਿਹਾ ਹੈ ਕਿ ਸਿੱਖ ਕੌਮ ਵੱਲੋਂ ਰੱਖੀ ਖ਼ਾਲਿਸਤਾਨ ਦੀ ਮੰਗ ਬਿਲਕੁਲ ਜਾਇਜ਼ ਤੇ ਹੱਕੀ ਮੰਗ ਹੈ। ਹਿੰਦੋਸਤਾਨ ਨਾਲ ਸਿੱਖਾਂ ਦਾ ਕੋਈ ਲਾਗਾ ਦੇਗਾ ਨਹੀਂ।
1849 ਵਿਚ ਖਾਲਸੇ ਦਾ ਰਾਜ (ਸਰਕਾਰ-ਏ-ਖ਼ਾਲਸਾ) ਡੋਗਰੇ ਹਿੰਦੂਆਂ/ਪੂਰਬੀਆਂ ਤੇ ਵਿਲਾਇਤੀ ਗੋਰਿਆਂ ਦੀ ਸਾਂਝੀ ਸਾਜ਼ਿਸ਼ ਨਾਲ ਖੋਹਿਆ ਗਿਆ ਸੀ ਜਿਸ ਨੂੰ ਸਿੱਖਾਂ ਨੇ ਕਦੇ ਵੀ ਸਵੀਕਾਰ ਨਹੀਂ ਕੀਤਾ। ਸਿੱਖ ਕੌਮ ਨੂੰ ਉਹ ਰਾਜ ਭਾਗ ਵਾਪਸ ਚਾਹੀਦਾ ਹੈ ਤੇ ਖਾਲਸਾ ਪੰਥ ਆਪਣੀ ਪ੍ਰਭੂਸੱਤਾ ਨੂੰ ਹਾਸਲ ਕਰਨ ਲਈ ਜੱਦੋ-ਜਹਿਦ ਜਾਰੀ ਰਖੇਗਾ। ਪੀ ਚਿਦੰਬਰਮ ਦੀ ਘਟੀਆ ਸੋਚ ਹੈ ਜੋ ਸਿਰਫ਼ ਹਿੰਦੂ ਬਹੁਗਿਣਤੀ ਲਈ ਤਾਂ ਪ੍ਰਭੂਸੱਤਾ ਦੇ ਹੱਕ ਨੂੰ ਜਾਇਜ਼ ਕਰਾਰ ਦੇਂਦੀ ਹੈ, ਪਰ ਦੂਜੀਆਂ ਘੱਟ ਗਿਣਤੀਆਂ ਦੇ ਅਜ਼ਾਦੀ ਦੇ ਹੱਕ ਤੇ ਛਾਪਾ ਮਾਰਦਿਆਂ, ਉਨਾਂ ਨੂੰ ਗ਼ੁਲਾਮ ਬਣਾਉਣ ਲਈ ਜਬਰ-ਜ਼ੁਲਮ ਤੇ ਤਸ਼ਦੱਦ ਦਾ ਸ਼ਿਕਾਰ ਬਣਾਉਂਦੀ ਹੈ।
ਜੋ ਕਸਾਈਆਂ ਵਰਗਾ ਨਾਜ਼ੀ ਸਲੂਕ ਹਿੰਦੋਸਤਾਨ ਦੇ ਹਾਕਮਾਂ ਨੇ ਸਿੱਖ ਕੌਮ ਨਾਲ 1947 ਦੀ ਅਖੌਤੀ ਅਜ਼ਾਦੀ ਤੋਂ ਬਾਅਦ ਕੀਤਾ ਹੈ, ਉਹ ਇਤਿਹਾਸ ਦੇ ਖ਼ੂੰਨੀ ਸਫ਼ਿਆਂ ਤੇ ਦਰਜ ਹੈ ਤੇ ਸਿੱਖ ਕੌਮ ਦੇ ਸੀਨੇ ਤੇ ਉਕਰਿਆ ਹੋਇਆ ਹੈ। ਉਸਤੋਂ ਬਾਅਦ ਵੀ ਜੇ ਕੋਈ ਸਿੱਖ ਹਿੰਦੋਸਤਾਨ ਦੇ ਕਬਜ਼ੇ ਹੇਠ ਰਹਿਣਾ ਪਸੰਦ ਕਰਦਾ ਹੈ ਤਾਂ ਉਸਨੂੰ ਗ਼ੁਲਾਮ ਤੋਂ ਵੱਧ ਹੋਰ ਕੀ ਆਖਿਆ ਜਾ ਸਕਦਾ ਹੈ।
ਭਾਰਤ ਵਿਚ ਜਿਹੜੇ ਸਿੱਖ ਭਾਰਤੀ ਗ਼ੁਲਾਮੀ ਵਿਰੁੱਧ ਸ਼ਾਂਤਮਈ ਸੰਘਰਸ਼ ਕਰਕੇ ਹਿੰਦੋਸਤਾਨ ਦੀ ਪ੍ਰਭੂਸੱਤਾ ਨੂੰ ਵੰਗਾਰ ਰਹੇ ਹਨ ਉਹ ਅਸਲ ਵਿੱਚ ਸਿੱਖ ਬਾਗ਼ੀ ਹਨ ਜੋ ਬਾਦਸ਼ਾਹ ਬਣਨ ਲਈ ਤੜਪ ਰਹੇ ਹਨ। ਉਹ ਤੜਪ ਖ਼ਾਲਿਸਤਾਨੀ ਬੇਤਾਬੀ ਹੈ ਜੋ ਖ਼ਾਲਿਸਤਾਨ ਦਾ ਝੰਡਾ ਸੰਸਾਰ ਦੇ ਹੋਰ ਦੇਸ਼ਾਂ ਦੇ ਬਰਾਬਰ ਝੁੱਲਣਾ ਵੇਖਣਾ ਚਾਹੁੰਦੀ ਹੈ।
ਸਿੱਖ ਨੌਜਵਾਨ ਕਦੇ ਵੀ ਗੁਮਰਾਹ ਨਹੀਂ ਹੋਏ ਬਲਕਿ ਹਿੰਦੋਸਤਾਨ ਦੇ ਹਾਕਮਾਂ ਨੂੰ ਰੂਸ ਦੇ ਸਾਮਰਾਜਵਾਦੀਆਂ, ਆਰ.ਐਸ.ਐਸ. ਤੇ ਬ੍ਰਾਹਮਣਵਾਦ ਦੀਆਂ ਹਿਟਲਰੀ ਨੀਤੀਆਂ ਨੇ ਗੁੰਮਰਾਹ ਕਰਕੇ ਸਿੱਖਾਂ ਵਿਰੁੱਧ ਭੜਕਾਇਆ ਤੇ ਜੂਨ-ਨਵੰਬਰ 1984 ਦੇ ਸਿੱਖ ਕਤਲੇਆਮ ਲਈ ਉਕਸਾਇਆ। ਸਿੱਖ ਨੌਜਵਾਨਾਂ ਨੇ ਖ਼ਾਲਿਸਤਾਨ ਦੀ ਕਾਇਮੀ ਲਈ ਬੇਮਿਸਾਲ ਕੁਰਬਾਨੀਆਂ ਕੀਤੀਆਂ ਹਨ ਤੇ ਸਾਰਾ ਸਿੱਖ ਜਗਤ ਉਨਾਂ ਦੀਆਂ ਸ਼ਹਾਦਤਾਂ ਨੂੰ ਪ੍ਰਣਾਮ ਕਰਦਾ ਹੈ ਤੇ ਹਰ ਉਸ ਖ਼ਾਲਿਸਤਾਨੀ ਲਈ ਦਿਲ ਵਿਚ ਅਥਾਹ ਮੁਹੱਬਤ ਰਖਦਾ ਹੈ ਜੋ ਖ਼ਾਲਸਾ ਪ੍ਰਭੂਸੱਤਾ ਨੂੰ ਪ੍ਰਾਪਤ ਕਰਨ ਲਈ ਕਿਸੇ ਨਾ ਕਿਸੇ ਰੂਪ ਵਿਚ ਸੇਵਾ ਕਰ ਰਿਹਾ ਹੈ।
ਖ਼ਾਲਿਸਤਾਨ ਦੀ ਮੰਗ ਤੋਂ ਪਿੱਛੇ ਹਟੱਣ ਬਾਰੇ ਕੋਈ ਸਿੱਖ ਸੋਚ ਵੀ ਨਹੀਂ ਸਕਦਾ। ਜੇ ਕੋਈ ਸੋਚਦਾ ਹੈ ਤਾਂ ਉਹ ਸਿੱਖੀ ਸਰੂਪ ਵਿਚ ਵਿਚਰਦਾ ਕੋਈ ਬਹਿਰੂਪੀਆ ਤਾਂ ਹੋ ਸਕਦਾ ਹੈ ਜੋ ਸ਼ਹੀਦਾਂ ਦੇ ਪਵਿੱਤਰ ਲਹੂ ਦਾ ਸੌਦਾ ਕਰਕੇ ਖ਼ਾਲਿਸਤਾਨ ਦੇ ਨਾਮ ਵਿਦੇਸ਼ਾਂ ਵਿਚ ਪੱਕਾ ਹੋ ਕੇ ਡਾਲਰਾਂ-ਪਾਊਂਡਾਂ ਦੀ ਲੁੱਟ ਤਾਂ ਕਰਨੀ ਚਾਹੁੰਦਾ ਹੈ। ਪਰ ਕੀ ਸੱਚ ਤੋਂ ਭੱਜ ਕੇ ਉਹ ਅਕ੍ਰਿਤਘਣ ਅਖਵਾਉਣਾ ਵੀ ਪੰਸਦ ਕਰੇਗਾ ??

ਸਮੂਹ ਪੰਜਾਬੀ ਮਾਂ-ਬੋਲੀ ਦੀ ਲਿਖਣ, ਪੜ੍ਹਨ ਤੇ ਬੋਲਣ ਦੌਰਾਨ ਵੱਧ ਤੋ- ਵੱਧ ਵਰਤੋ- ਕਰਨ-ਪੰਜਾਬੀ ਕਲਚਰਲ ਕੌਂਸਲ

ਚੰਡੀਗੜ੍ਹ 21 ਫਰਵਰੀ-ਪੰਜਾਬੀ ਕਲਚਰਲ ਕੌਂਸਲ (ਰਜ਼ਿ.) ਨੇ ਸਮੂਹ ਪੰਜਾਬੀਆਂ ਨੂੰ ਜੋਰ ਦੋ ਕੇ ਕਿਹਾ ਹੈ ਕਿ ਮਾਂ-ਬੋਲੀ ਪੰਜਾਬੀ ਦੇ ਵਿਕਾਸ, ਪ੍ਰਚਾਰ ਤੇ ਪ੍ਰਚਾਰ ਤੋ- ਇਲਾਵਾ ਉਸ ਦੀ ਸਦੀਵੀ- ਹੋ-ਦ ਕਾਇਮ ਰੱਖਣ ਲਈ ਉਹ ਪੰਜਾਬੀ ਭਾਸ਼ਾ ਦੀ ਲਿਖਣ, ਪੜ੍ਹਨ ਤੇ ਬੋਲਣ ਦੌਰਾਨ ਵੱਧ ਤੋ- ਵੱਧ ਵਰਤੋ- ਕਰਨ।,br> ਅੱਜ ਕੌਮਾਂਤਰੀ ਭਾਸ਼ਾ ਦਿਵਸ ਦੇ ਮੌਕੇ ਤੇ ਇੱਕ ਬਿਆਨ ਰਾਹੀ- ਪੰਜਾਬੀ ਕਲਚਰਲ ਕੌਂਸਲ (ਰਜ਼ਿ.) ਦੇ ਚੇਅਰਮੈਨ ਸਰਦਾਰ ਜਸਵੰਤ ਸਿੰਘ ਛਾਪਾ ਨੇ ਕਿਹਾ ਕਿ ਪੰਜਾਬੀ ਬੋਲੀ ਪੰਜਾਬੀ ਸਾਹਾਂ ਦੀ ਬੋਲੀ ਹੈ। ਇਸ ਤੋਂ ਦੂਰ ਜਾ ਕੇ ਅਸੀਂ ਕਦੇ ਖੁਸ਼ ਨਹੀ- ਰਹਿ ਸਕਦੇ। ਇਸ ਵਿਚ ਬਾਬਾ ਨਾਨਕ ਵੀ ਹੈ ਤੇ ਵਾਰਿਸ ਵੀ। ਇਸ ਵਿਚ ਗੁਰੂ ਗੋਬਿੰਦ ਦੀ ਵਾਰ ਵੀ ਹੈ ਤੇ ਸ਼ਿਵ ਦਾ ਦਰਦ ਵੀ।
ਸ: ਛਾਪਾ ਨੇ ਕਿਹਾ ਕਿ ਪੰਜਾਬੀ ਕਲਚਰਲ ਕੌਂਸਲ ਦਾ ਇਹ ਮੰਨਣਾ ਹੈ ਕਿ ਪੰਜਾਬੀ ਭਾਸ਼ਾ ਸਹੀ ਮਾਅਨਿਆਂ ਵਿੱਚ ਤਾਂ ਹੀ ਪ੍ਰਫੁੱਲਤ ਹੋ ਸਕਦੀ ਹੈ ਜੇ ਇਹ ਪਰਿਵਾਰ, ਸਰਕਾਰ ਤੇ ਰੁਜ਼ਗਾਰ ਦੀ ਭਾਸ਼ਾ ਬਣੇ। ਪੰਜਾਬੀ ਮਾਂ-ਬੋਲੀ ਨੂੰ ਬਣਦਾ ਮਾਣ-ਸਤਿਕਾਰ ਦਿਵਾਉਣ, ਪੰਜਾਬੀ ਸੱਭਿਆਚਾਰ ਅਤੇ ਕਲਾ ਦੇ ਪ੍ਰਸਾਰ ਤੇ ਪ੍ਰਚਾਰ ਤੋਂ ਇਲਾਵਾ ਇਸ ਨੂੰ ਪ੍ਰਫੂੱਲਤ ਕਰਨ ਲਈ ਪੰਜਾਬੀ ਕਲਚਰਲ ਕੌਂਸਲ ਤਹਿ-ਦਿਲੋਂ ਯਤਨਸ਼ੀਲ ਹੈ।
ਉਹਨਾਂ ਕਿਹਾ ਕਿ ਅੱਜ ਦੁਨੀਆਂ ਦੇ ਕਈ ਦੇਸ਼ ਅੰਗਰੇਜੀ ਭਾਸ਼ਾ ਨੂੰ ਛੱਡ ਕੇ ਆਪਣੀ ਮਾਤ ਭਾਸ਼ਾ ਨੂੰ ਤਰਜ਼ੀਹ ਦੇ ਰਹੇ ਹਨ ਇਸ ਲਈ ਸਾਨੂੰ ਵੀ ਆਪਣੀ ਮਾਤ ਭਾਸ਼ਾ ਨੂੰ ਪਹਿਲ ਦੇਣੀ ਚਾਹੀਦੀ ਹੈ। ਉਹਨਾਂ ਕਿਹਾ ਕਿ ਅੱਜ ਦੇ ਦੌਰ ਵਿੱਚ ਵਿਦੇਸ਼ੀਆਂ ਦਾ ਰੁਝਾਨ ਵੀ ਪੰਜਾਬੀ ਸਿੱਖਣ ਵੱਲ ਹੈ ਅਤੇ ਇਹੋ ਕਾਰਨ ਹੈ ਕਿ ਕੈਨੇਡਾ, ਇੰਗਲੈਂਡ ਅਤੇ ਵੈਨਕੂਵਰ ਵਿੱਚ ਦਰਜਨ ਤੋ- ਅਖਬਾਰ ਪੰਜਾਬੀ ਵਿੱਚ ਨਿਕਲਦੇ ਹਨ। ਉਹਨਾਂ ਕਿਹਾ ਕਿ ਪੰਜਾਬੀ ਜੁਬਾਨ ਨੂੰ ਕਦੇ ਵੀ ਖਤਮ ਨਹੀ- ਹੋ ਸਕਦੀ ਪਰ ਇਸ ਦੇ ਵਿਕਾਸ ਲਈ ਸਾਨੂੰ ਸਭ ਨੂੰ ਮਿਲ ਕੇ ਹੰਭਲਾ ਮਾਰਨਾਂ ਚਾਹੀਦਾ ਹੈ। ਕੌਂਸਲ ਦੇ ਚੇਅਰਮੈਨ ਸਰਦਾਰ ਛਾਪਾ ਨੇ ਕਿਹਾ ਕਿ ਅੱਜ ਦੇ ਵਿਸ਼ਵੀਕਰਨ ਦੇ ਯੁੱਗ ਵਿੱਚ ਸਮੇਂ ਦਾ ਹਾਣੀ ਹੋਣ ਨਾਲ ਜਿਥੇ ਹੋਰ ਭਾਸ਼ਾਵਾਂ ਵੀ ਪੜ੍ਹਨੀਆਂ ਚਾਹੀਦੀਆਂ ਹਨ ਉਥੇ ਪੰਜਾਬੀ ਨੂੰ ਵੀ ਅੱਖੋਂ-ਪਰੋਖੇ ਨਹੀ- ਕਰਨਾਂ ਚਾਹੀਦਾ। ਉਹਨਾਂ ਕਿਹਾ ਕਿ ਅਧਿਕਾਰੀਆਂ ਨੂੰ ਚਾਹੀਦਾ ਹੈ ਕਿ ਉਹ ਆਪਣੀ ਕਾਰਜ ਪ੍ਰਣਾਲੀ ਵਿੱਚ ਪੰਜਾਬੀ ਭਾਸ਼ਾ ਦਾ ਵੱਧ ਤੋਂ ਵੱਧ ਇਸਤੇਮਾਲ ਕਰਨ। ਉਹਨਾਂ ਕਿਹਾ ਕਿ ਸਾਡੇ ਦੇਸ਼ ਅੰਦਰ ਸਿਰਫ 2.5 ਫੀਸਦੀ ਵਿਅਕਤੀ ਹੀ ਅੰਗਰੇਜੀ ਜਾਣਦੇ ਹਨ ਅਤੇ ਬਾਕੀ ਦੀ ਆਬਾਦੀ ਅੰਗਰੇਜੀ ਤੋ- ਵਾਂਝੀ ਹੈ ਇਸ ਲਈ ਸਾਨੂੰ ਆਪਣਾ ਕੰਮ-ਕਾਜ ਆਪਣੀ ਮਾਂ-ਬੋਲੀ ਪੰਜਾਬੀ ਵਿੱਚ ਕਰਨ ਨੂੰ ਤਰਜ਼ੀਹ ਦੇਣੀ ਚਾਹੀਦੀ ਹੈ।
ਉਨ੍ਹਾਂ ਕਿਹਾ ਕਿ ਮਾਂ ਨਾਲ ਪਿਆਰ ਕਿਸੇ ਉਤੇ ਅਹਿਸਾਨ ਨਹੀਂ ਸਗੋਂ ਮਨੁੱਖ ਦੀ ਆਪਣੀ ਹੀ ਜ਼ਰੂਰਤ ਹੈ। ਮਾਂ ਦੇ ਦੁੱਧ ਦਾ ਮੁੱਲ ਕੋਈ ਨਹੀਂ ਚੁਕਾ ਸਕਦਾ, ਮਾਂ ਦੀ ਮਮਤਾ ਤੋਂ ਬੇਮੁੱਖ ਮਨੁੱਖ, ਅਸਲ ਵਿੱਚ ਮਨੁੱਖ ਹੀ ਨਹੀਂ। ਫਿਰ ਮਾਂ ਤੋਂ ਸਿੱਖੀ, ਦੁੱਧ ਤੋਂ ਮਿੱਠੀ ਮਾਂ-ਬੋਲੀ ਤੋਂ ਬੇਰੁਖੀ ਕਿੳ-। ਪੰਜਾਬੀਆਂ ਦਾ ਮਹਿਮਾਨ ਨਿਵਾਜ਼ੀ ਵਿਚ ਕੋਈ ਜਵਾਬ ਨਹੀਂ ਪਰ ਮਹਿਮਾਨ ਦੀ ਖਾਤਰ ਆਪਣੀ ਮਾਂ (ਮਾਂ-ਬੋਲੀ) ਨੂੰ ਹੀ ਘਰੋਂ ਕੱਢ ਦਿੱਤਾ ਜਾਵੇ ਇਹ ਕਿੱਥੋਂ ਦੀ ਇਨਸਾਫੀ ਹੈ। ਸ: ਛਾਪਾ ਨੇ ਕਿਹਾ ਕਿ ਰਸੂਲ ਹਮਜ਼ਾਤੋਵ ਅਨੁਸਾਰ, ਜਿਹੜਾ ਆਦਮੀ ਆਪਣੀ ਮਾਂ-ਬੋਲੀ ਦਾ ਸਤਿਕਾਰ ਨਹੀਂ ਕਰਦਾ, ਉਹ ਸਾਰੀ ਇੱਜ਼ਤ ਗੁਆ ਬੈਠਦਾ ਹੈ।
ਸ: ਛਾਪਾ ਨੇ ਕਿਹਾ ਕਿ ਪੰਜਾਬੀ ਕਲਚਰਲ ਕੌਂਸਲ ਵੱਲੋਂ ਪੰਜਾਬੀ ਮਾਂ-ਬੋਲੀ ਦੀ ਪ੍ਰਫੁੱਲਤਾ ਲਈ ਪੰਜਾਬੀਆਂ ਨੂੰ ਜਾਗਰੂਕ ਕਰਨ ਵਾਸਤੇ ਇਕ ਲੋਕ ਲਹਿਰ ਪ੍ਰਚੰਡ ਕਰਨ ਦੀ ਯੋਜਨਾ ਹੈ ਜਿਸ ਤਹਿਤ ਵਿਦਿਅਕ ਸੰਸਥਾਵਾਂ ਤੇ ਦਫਤਰਾਂ ਵਿਚ ਪੰਜਾਬੀ ਭਾਸ਼ਾ ਬਾਰੇ ਪ੍ਰਚਾਰ ਸਮੱਗਰੀ ਵੰਡਣ, ਨਾਟਕ-ਮੇਲੇ ਤੇ ਸੈਮੀਨਾਰ ਕਰਵਾਉਣ ਸਮੇਤ ਪ੍ਰਮੁੱਖ ਥਾਵਾਂ ਤੇ ਸਟਿੱਕਰ, ਬੋਰਡ ਅਤੇ ਇਸ਼ਤਿਹਾਰ ਆਦਿ ਲਗਾ ਕੇ ਮਾਂ-ਬੋਲੀ ਨੂੰ ਸਰਕਾਰੀ ਕਾਰ-ਵਿਹਾਰ ਸਮੇਤ ਆਮ ਵਰਤੋਂ ਵਿਚ ਅਪਣਾਉਣ ਦੀ ਲੋੜ ‘ਤੇ ਜ਼ੋਰ ਦਿੱਤਾ ਜਾਵੇਗਾ।
ਉਨ੍ਹਾਂ ਕਿਹਾ ਕਿ ਸਮੇਂ ਦੀ ਲੋੜ ਸਮਝ ਕੇ ਪੰਜਾਬੀ ਬੋਲੀ ਤੇ ਪੰਜਾਬੀ ਸੱਭਿਆਚਾਰ ਨੂੰ ਬਚਾਉਣ ਲਈ ਤਰਜ਼ੀਹ ਦਿਤੀ ਜਾਵੇ। ਪੰਜਾਬੀ ਸਮਾਜ, ਸੱਭਿਆਚਾਰ, ਭਾਸ਼ਾ, ਲੋਕ ਗੀਤ, ਰੀਤੀ-ਰਿਵਾਜ, ਜੇ ਏਦਾਂ ਹੀ ਵਿਗੜਦੇ ਗਏ ਜਾਂ ਮਰ ਗਏ, ਤਾਂ ਪੰਜਾਬੀ ਸਭਿਆਚਾਰ ਦਾ ਕੁੱਝ ਨਹੀਂ ਬਚਣਾਂ, ਤੇ ਨਵੀਂ ਪੀੜ੍ਹੀ ਨੇ ਸਾਨੂੰ ਮੁਆਫ ਨਹੀਂ ਕਰਨਾ। ਇਸ ਲਈ ਸਮੇਂ ਦੀ ਮੰਗ ਹੈ ਕਿ ਪੰਜਾਬੀ ਮਾਂ-ਬੋਲੀ ਨੂੰ ਉਸਦਾ ਬਣਦਾ ਮਾਣ-ਸਤਿਕਾਰ ਦਿਵਾਉਣ ਲਈ ਦਿਲੋ- ਯੋਗਦਾਨ ਪਾਈਏ।

ਪਾਕਿਸਤਾਨੀ ਤਾਲਿਬਾਨ ਨੇ ਦੋ ਸਿੱਖਾਂ ਦੇ ਸਿਰ ਵੱਢ ਕੇ ਗੁਰਦੁਆਰੇ ਵਿਚ ਸੁੱਟੇ

ਇਸਲਾਮਾਬਾਦ 21 ਫਰਵਰੀ -ਪਾਕਿਸਤਾਨੀ ਤਾਲਿਬਾਨਾਂ ਵੱਲੋਂ ਦੋ ਸਿੱਖਾਂ ਦੇ ਸਿਰ ਕੱਟ ਕੇ ਪਿਸ਼ਾਵਰ ਦੇ ਗੁਰਦੁਆਰੇ ਵਿੱਚ ਸੁੱਟਣ ਦੀ ਦਿਲ ਹਿਲਾਊ ਨੇ ਸਿੱਖ ਕੌਮ ਨੂੰ ਔਰੰਗਜੇਬ ਦੇ ਜੁਲਮਾਂ ਦੀ ਯਾਦ ਤਾਜਾ ਕਰਵਾ ਦਿੱਤੀ। ਸੂਤਰਾਂ ਦੇ ਅਨੁਸਾਰ ਪਾਕਿਸਤਾਨ ਵਿਚ ਤਾਲਿਬਾਨ ਨੇ ਦੋ ਸਿੱਖਾਂ ਦੇ ਸਿਰ ਵੱਢ ਕੇ ਪੇਸ਼ਾਵਰ ਦੇ ਇਕ ਗੁਰਦਵਾਰੇ ਵਿਚ ਸੁੱਟ ਦਿਤੇ ਜਦਕਿ ਕਈ ਹੋਰ ਸਿੱਖ ਤਾਲਿਬਾਨ ਦੇ ਕਬਜ਼ੇ ਹੇਠ ਦੱਸੇ ਜਾਂਦੇ ਹਨ। ਜਸਪਾਲ ਸਿੰਘ ਦੀ ਲਾਸ਼ ਖੈਬਰ ਕਬਾਇਲੀ ਇਲਾਕੇ ਵਿਚੋਂ ਮਿਲੀ ਜਦਕਿ ਮਾਹਲ ਸਿੰਘ ਦੀ ਲਾਸ਼ ਔਰਾਕਜ਼ਈ ਖੇਤਰ ਵਿਚੋਂ ਬਰਾਮਦ ਹੋਈ। ਪਹਿਲਾਂ ਇਹ ਭੰਬਲਭੂਸਾ ਬਣਿਆ ਹੋਇਆ ਸੀ ਕਿ ਕਈ ਸਿੱਖਾਂ ਨੂੰ ਅਗ਼ਵਾ ਕਰ ਕੇ ਉਨ੍ਹਾਂ ਦੇ ਸਿਰ ਵੱਢ ਦਿਤੇ ਗਏ। ਸੂਤਰਾਂ ਨੇ ਦਸਿਆ ਕਿ ਚਾਰ ਸਿੱਖਾਂ ਨੂੰ ਅਗ਼ਵਾ ਕੀਤਾ ਗਿਆ ਜਦਕਿ ਇਕ ਹੋਰ ਰੀਪੋਰਟ ਮੁਤਾਬਕ ਛੇ ਸਿੱਖਾਂ ਨੂੰ ਤਾਲਿਬਾਨ ਅਤਿਵਾਦੀ ਅਗ਼ਵਾ ਕਰ ਕੇ ਲੈ ਗਏ ਸਨ। ਇਨ੍ਹਾਂ ਸਿੱਖਾਂ ਨੂੰ 34 ਦਿਨ ਪਹਿਲਾਂ ਅਗ਼ਵਾ ਕਰ ਕੇ ਤਿੰਨ ਕਰੋੜ ਰੁਪਏ ਦੀ ਫਿਰੌਤੀ ਮੰਗੀ ਗਈ। ਫਿਰੌਤੀ ਦੀ ਰਕਮ ਨਾ ਮਿਲਣ ’ਤੇ ਦੋ ਸਿੱਖਾਂ ਦੇ ਸਿਰ ਵੱਢ ਦਿਤੇ ਗਏ ਅਤੇ ਗੁਰਬਿੰਦਰ ਸਿੰਘ ਅਤੇ ਗੁਰਜੀਤ ਸਿੰਘ ਅਜੇ ਵੀ ਤਾਲਿਬਾਨ ਦੇ ਕਬਜ਼ੇ ਵਿਚ ਹਨ। ਕੁੱਝ ਅਸਪੱਸ਼ਟ ਰੀਪੋਰਟਾਂ ਮੁਤਾਬਕ ਸਿੱਖਾਂ ਦੇ ਸਿਰ ਵੱਢ ਕੇ ਇਕ ਗੁਰਦਵਾਰੇ ਵਿਚ ਸੁੱਟੇ ਗਏ। ਤਾਲਿਬਾਨ ਨੇ ਧਮਕੀ ਦਿਤੀ ਹੈ ਕਿ ਫਿਰੌਤੀ ਨਾ ਦਿਤੀ ਗਈ ਤਾਂ ਬਾਕੀ ਸਿੱਖਾਂ ਨੂੰ ਵੀ ਕਤਲ ਕਰ ਦਿਤਾ ਜਾਵੇਗਾ। ਦਸਣਯੋਗ ਹੈ ਕਿ 2009 ਵਿਚ ਤਾਲਿਬਾਨ ਨੇ ਪਾਕਿਸਤਾਨ ਦੇ ਉਂਤਰ ਪਛਮੀ ਸਰਹੱਦੀ ਸੂਬੇ ਵਿਚ ਰਹਿੰਦੇ ਸਿੱਖਾਂ ਤੋਂ ਜਜ਼ੀਏ ਦੇ ਰੂਪ ਵਿਚ ਲੱਖਾਂ ਰੁਪਏ ਜਬਰੀ ਵਸੂਲੇ ਸਨ

ਮਾਮਲਾ ਪੰਜਾਬੀ ਭਾਸ਼ਾ ਨੂੰ ਲਾਗੂ ਕਰਨ ਦਾ
ਅਕਾਲੀ ਅਹੁੱਦੇਦਾਰ ਹੀ ਟਿੱਚ ਸਮਝਦੇ ਨੇ ਮੁੱਖ ਮੰਤਰੀ ਦੀਆ ਹਿਦਾਇਤਾ ਨੂੰ

ਮਾਛੀਵਾੜਾ 21 ਫਰਵਰੀ ;(ਸੁਸ਼ੀਲ ਸ਼ਰਮਾ) ਸਾਰੇ ਦੇਸ਼ ਵਿਚ ਅੱਜ ਦਾ ਦਿਨ ਭਾਸ਼ਾ ਦਿਵਸ ਵੱਜੋ ਮਨਾਇਆ ਜਾਦਾ ਹੈ ਪਰ ਅੱਜ ਵੀ ਜਿੱਥੇ ਕੌਮੀ ਭਾਸਾ ਹਿੰਦੀ ਤੇ ਰਾਜ ਭਾਸ਼ਾ ਪੰਜਾਬੀ ਦੀ ਥਾ ਵਿਦੇਸ਼ੀ ਭਾਸ਼ਾ ਅੰਗਰੇਜੀ ਨੂੰ ਹੀ ਤਰਜੀਹ ਦਿੱਤੀ ਜਾ ਰਹੀ ਹੈ ਉੱਥੇ ਪੰਜਾਬ ਦੇ ਮੁੱਖ ਮੰਤਰੀ ਵੱਲੋ ਪੰਜਾਬ ਦੀ ਮਾਤ ਭਾਸ਼ਾ ਪੰਜਾਬੀ ਨੂੰ ਹਰੇਕ ਵਿਭਾਗ ਵਿਚ ਇਸ ਦੀ ਵਰਤੋ ਕਰਨ ਲਈ ਵਿਸ਼ੇਸ ਹਿਦਾਇਤਾ ਦਿੱਤੀਆ ਗਈਆ ਹਨ। ਪਰ ਦੇਖਣ ਤੇ ਇਹ ਗੱਲ ਸਾਹਮਣੇ ਆਈ ਕਿ ਮੁੱਖ ਮੰਤਰੀ ਦਾ ਕਿਹਾ ਸਿਰ ਮੱਥੇ ਪਰ ਪਰਨਾਲਾ ਉੱਥੇ ਦਾ ੳੁੱਥੇ ਵਾਲੀ ਕਹਾਵਤ ਅੱਜ ਵੀ ਸਰਕਾਰੀ ਵਿਭਾਗਾ ਵਿਚ ਜਿਉ ਦੀ ਤਿਉ ਢੁੱਕ ਰਹੀ ਹੈ। ਹੋਰ ਤਾ ਹੋਰ ਅਕਾਲੀ ਦਲ ਦੇ ਚੁਣੇ ਗਏ ਨੁਮਾਇਦੇ ਤੇ ਸਰਕਾਰੀ ਅਹੁੱਦਿਆ ਦੇ ਵਿਰਾਜਮਾਨ ਆਪਣੀਆ ਨਾਮ ਵਾਲੀਆ ਤਖਤੀਆ ਨੂੰ ਪੰਜਾਬੀ ਵਿਚ ਲਿਖਾਉਣਾ ਵੀ ਸਾਇਦ ਆਪਣੀ ਹੇਠੀ ਸਮਝਦੇ ਹਨ। ਕੱਲ ਜਦੋ ਪੱਤਰਕਾਰਾ ਵੱਲੋ ਵਿਭਾਗਾ ਦੇ ਦਫ਼ਤਰਾ ਦਾ ਦੌਰਾ ਕੀਤਾ ਤਾ ਬਲਾਕ ਵਿਕਾਸ ਤੇ ਪੰਚਾਇਤ ਅਫਸਰ ਦੇ ਦਫ਼ਤਰ ਵਿਚ ਅਕਾਲੀ ਦਲ ਦੇ ਚੇਅਰਮੈਨ ਤੇ ਉਪ ਚੇਅਰਮੈਨ ਦੇ ਅੰਗਰੇਜੀ ਭਾਸਾ ਵਿਚ ਲਿਖੀਆ ਨਾਮ ਵਾਲੀਆ ਤਖ਼ਤੀਆ ਇਸ ਵੱਲ ਸਾਫ ਇਸ਼ਾਰਾ ਕਰਦੀਆ ਹਨਕਿ ਚਾਹੇ ਅਸੀ ਪੰਜਾਬੀ ਹਾ ਪਰੰਤੂ 63 ਸਾਲ ਤੋ ਵੀ ਜਿਆਦਾ ਸਮਾ ਗੁਜਰ ਜਾਣ ਤੋ ਬਾਦ ਵੀ ਅੰਗਰੇਜੀ ਤੋ ਪਿੱਛਾ ਨਹੀ ਛੁਡਾ ਸਕੇ। ਇਸੇ ਤਰਾ ਹੀ ਨਗਰ ਕੌਸ਼ਲ ਦੇ ਦਫਤਰ ਵਿਚ ਪ੍ਰਧਾਨ ਦੇ ਨਾਮ ਦੀਆ ਤਖ਼ਤੀ ਵੀ ਅੰਗਰੇਜੀ ਵਿਚ ਹੀ ਲਿਖੀ ਹੈ।

ਬਟਾਲਾ ‘ਚ ਦੂਜੇ ਦਿਨ ਵੀ ਕਰਫ਼ਿਊ

ਪ੍ਰਭੂ ਯਿਸ਼ੂ ਮਸੀਹ ਦੀ ਵਿਵਾਦਮਈ ਤਸਵੀਰ ਛਾਪੇ ਜਾਣ ਤੋਂ ਬਾਅਦ ਬਟਾਲਾ ਵਿਚ ਪੈਦਾ ਹੋਏ ਤਣਾਅ ਕਾਰਨ ਲਾਇਆ ਗਿਆ ਕਰਫਿਊ ਅੱਜ ਦੂਸਰੇ ਦਿਨ ਵੀ ਜਾਰੀ ਰਿਹਾ। ਅੱਜ ਕਰਫਿਊ ਵਿਚ ਇੱਕ ਘੰਟੇ ਦੀ ਢਿੱਲ ਦਿੱਤੀ ਗਈ, ਜਿਸ ਦੌਰਾਨ ਕੋਈ ਅਣਸੁਖਾਵੀਂ ਘਟਨਾ ਨਹੀਂ ਵਾਪਰੀ। ਕਿਸੇ ਵੀ ਅਣਸੁਖਾਵੀਂ ਘਟਨਾ ਨੂੰ ਰੋਕਣ ਲਈ ਭਾਰੀ ਗਿਣਤੀ ਵਿਚ ਪੁਲਿਸ ਫੋਰਸ ਤਾਇਨਾਤ ਰਹੀ ਅਤੇ ਕਿਸੇ ਨੂੰ ਵੀ ਇੱਧਰ-ਉਧਰ ਨਹੀਂ ਜਾਣ ਦਿੱਤਾ ਗਿਆ। ਇਸ ਕਰਕੇ ਜਿੱਥੇ ਆਮ ਜਨਜੀਵਨ ਪ੍ਰਭਾਵਤ ਹੋਇਆ, ਉਥੇ ਹੀ ਦੂਰ ਦੁਰਾਡੇ ਤੋਂ ਆਉਣ ਜਾਣ ਤੋਂ ਇਲਾਵਾ ਵਿਆਹ ਸਮਾਰੋਹਾਂ ‘ਚ ਸ਼ਾਮਲ ਹੋਣ ਵਾਲਿਆਂ ਨੂੰ ਵੀ ਖੱਜਲ-ਖੁਆਰੀ ਦਾ ਸਾਹਮਣਾ ਕਰਨਾ ਪਿਆ। ਕੁੱਲ ਮਿਲਾ ਕੇ ਬਟਾਲਾ ਦੇ ਹਲਾਤ ਤਣਾਅਪੂਰਨ ਪਰ ਕਾਬੂ ਹੇਠ ਦੱਸੇ ਜਾਂਦੇ ਹਨ। ਜ਼ਿਕਰਯੋਗ ਹੈ ਕਿ ਬੀਤੀ ਕੱਲ੍ਹ ਪ੍ਰਭੂ ਯਿਸ਼ੂ ਮਸੀਹ ਦੀ ਤਸਵੀਰ ਨੂੰ ਲੈ ਕੇ ਪ੍ਰਦਰਸ਼ਨਕਾਰੀ ਹਿੰਸਾ ‘ਤੇ ਉਤਾਰੂ ਹੋ ਗਏ ਸਨ, ਜਿਸ ਕਰਕੇ ਦੋ ਧੜਿਆਂ ਵਿਚ ਤਕਰਾਰ ਹੋ ਗਿਆ ਸੀ ਅਤੇ ਹਲਾਤ ਨੂੰ ਦੇਖਦੇ ਹੋਏ ਸਿਵਲ ਤੇ ਪੁਲਿਸ ਪ੍ਰਾਸ਼ਾਸਨ ਨੂੰ ਕਰਫਿਊ ਲਗਾਉਣਾ ਪਿਆ ਸੀ। ਕਿਸੇ ਵੀ ਅਣਸੁਖਾਵੀਂ ਘਟਨਾ ਨੂੰ ਰੋਕਣ ਲਈ ਅੱਜ ਬਟਾਲਾ ਪੁਲਿਸ ਅਤੇ ਕਮਾਂਡੋਜ਼ ਵੱਲੋਂ ਥਾਂ-ਥਾਂ ਨਾਕੇ ਲਗਾਏ ਗਏ ਸਨ। ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਸ. ਕਾਹਲੋਂ ਨੇ ਕਿਹਾ ਕਿ ਹਿੰਸਾ ਦੌਰਾਨ ਜਿਹਨਾਂ ਲੋਕਾਂ ਦਾ ਨੁਕਸਾਨ ਹੋਇਆ ਹੈ, ਉਨ੍ਹਾਂ ਨੂੰ ਜ਼ਰੂਰ ਮੁਆਵਜ਼ਾ ਦਿੱਤਾ ਜਾਵੇਗਾ। ਦੂਸਰੇ ਪਾਸੇ ਅੱਜ ਕੁਝ ਹਿੰਦੂ ਸੰਗਠਨਾਂ ਅੱਜ ਬਕਾਇਦਾ ਤੌਰ ‘ਤੇ ਮੀਟਿੰਗ ਕਰਕੇ ਕੱਲ੍ਹ ਦੀ ਹਿੰਸਾ ਲਈ ਜ਼ਿੰਮੇਵਾਰ ਲੋਕਾਂ ਲਈ ਕਾਰਵਾਈ ਦੀ ਮੰਗ ਕੀਤੀ ਅਤੇ ਕੱਲ ਬਟਾਲਾ ਵਿਖੇ ਰੋਸ ਮਾਰਚ ਕਰਨ ਦਾ ਐਲਾਨ ਵੀ ਕੀਤਾ। ਹਿੰਦੂ ਸੰਗਠਨਾਂ ਵੱਲੋਂ ਸਖ਼ਤ ਰੁੱਖ ਅਖਤਿਆਰ ਕਰਨ ਕਰਕੇ ਮਾਮਲਾ ਹੋਰ ਗਰਮਾਉਣ ਦੇ ਅਸਾਰ ਬਣਦੇ ਨਜ਼ਰ ਆ ਰਹੇ ਹਨ। ਸਿਵਲ ਪ੍ਰਸ਼ਾਸਨ ਨੇ ਲੋਕਾਂ ਦੀ ਨਿੱਜੀ ਜ਼ਰੂਰਤਾਂ ਦੀ ਪੂਰਤੀ ਲਈ 6 ਵਜੇ ਤੋਂ 7 ਵਜੇ ਤੱਕ ਕਰਫਿਊ ਢਿੱਲ ਦਿੱਤੀ ਗਈ।

ਪੀ. ਚਿਦੰਬਰਮ ਸਿੱਖ ਕੌਮ ਦਾ ਮੌਜੂਦਾ ਜਿਊਂਦਾ ਕਾਤਿਲ “ਜਨਰਲ ਡਾਇਰ” ਹੈ, ਜਿਸਨੂੰ ਕਤਈ ਭੁੱਲਣਾ ਨਹੀ ਚਾਹੀਦਾ :- ਮਾਨ

ਫਤਿਹਗੜ੍ਹ ਸਾਹਿਬ, 20 ਫਰਵਰੀ :- “ਜਿਵੇਂ 1919 ਵਿੱਚ ਜ਼ਾਬਰ ਸਿੱਖ ਕੌਮ ਦਾ ਕਤਲੇਆਮ ਕਰਨ ਵਾਲੇ ਅੰਗਰੇਜ਼ ਜਨਰਲ ਡਾਇਰ ਵੱਲੋਂ ਕੀਤੇ ਗਏ ਜ਼ਬਰ ਜੁਲਮਾਂ ਨੂੰ ਸਿੱਖ ਕੌਮ ਕਦੇ ਨਹੀਂ ਭੁੱਲੀ, ਉਸੇ ਤਰ੍ਹਾ ਸਿੱਖ ਕੌਮ ਨੂੰ ਅੱਜ ਅੰਮ੍ਰਿਤਸਰ ਦੀ ਪਵਿੱਤਰ ਧਰਤੀ ਉੱਤੇ ਸਿੱਖ ਕੌਮ ਦੇ ਖੂਨ ਨਾਲ ਰੰਗੇ ਹੱਥਾਂ ਅਤੇ ਪੈਰਾਂ ਸਮੇਤ ਜੋ ਪੀ. ਚਿਦੰਬਰਮ ਆ ਰਿਹਾ ਹੈ, ਉਸਨੇ ਵੀ ਜਨਰਲ ਡਾਇਰ ਦੀ ਤਰ੍ਹਾ 1984 ਵਿੱਚ ਸਿੱਖਾਂ ਦਾ ਕਤਲੇਆਮ ਕੀਤਾ ਹੈ ਤੇ ਸਿੱਖ ਕੌਮ ਨੂੰ ਅਜਿਹੇ ਜ਼ਾਲਮ ਕਾਤਿਲ ਨੂੰ ਕਦੀ ਵੀ ਨਹੀਂ ਭੁੱਲਣਾ ਚਾਹੀਦਾ ਤੇ ਕਿਸੇ ਵੀ ਸਿੱਖ ਨੂੰ ਉਸਦੇ ਸਵਾਗਤ ਲਈ ਨਹੀਂ ਜਾਣਾ ਚਾਹੀਦਾ ਬਲਕਿ ਵਾਪਿਸ ਜਾਓ ਜਾਂ ਗੋ ਬੈਕ ਦੇ ਨਾਅਰੇ ਲਾ ਕੇ ਅਜਿਹੇ ਕਾਤਿਲ ਨੂੰ ਗੁਰੂਆਂ ਦੀ ਪਵਿੱਤਰ ਧਰਤੀ ਵਿੱਚ ਦਾਖਿਲ ਹੋਣ ਤੋਂ ਰੋਕ ਦੇਣਾ ਚਾਹੀਦਾ ਹੈ।”
ਇਹ ਵਿਚਾਰ ਸ: ਸਿਮਰਨਜੀਤ ਸਿੰਘ ਮਾਨ ਪ੍ਰਧਾਨ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਨੇ ਅੱਜ ਸ਼੍ਰੀ ਅੰਮ੍ਰਿਤਸਰ ਦੀ ਧਰਤੀ ਵਿੱਚ ਸਿੱਖ ਕੌਮ ਦੇ ਇਸ ਕਾਤਿਲ ਦੇ ਦਾਖਿਲ ਹੋਣ ਦੀ ਕਰੜੇ ਸ਼ਬਦਾਂ ਵਿੱਚ ਵਿਰੋਧਤਾ ਕਰਦੇ ਹੋਏ ਪ੍ਰਗਟ ਕੀਤੇ। ਉਨ੍ਹਾ ਕਿਹਾ ਕਿ ਮੌਜੂਦਾ ਜਿਊਂਦਾ ਕਾਤਿਲ ਅੱਜ ਵੀ ਆਪਣੇ ਮਨ ਤੇ ਆਤਮਾ ਵਿੱਚ ਸਿੱਖ ਕੌਮ ਨੂੰ ਜਲੀਲ ਕਰਨ ਅਤੇ ਗੁਲਾਮ ਬਣਾਉਣ ਦੇ ਮਨਸੂਬੇ ਲੈ ਕੇ ਸ਼ਾਜਿਸਾਂ ਰਚਦਾ ਫਿਰਦਾ ਹੈ। ਹੁਣ ਜਦੋਂ ਕੌਮਾਂਤਰੀ ਕਾਨੂੰਨਾਂ ਅਧੀਨ ਮੁਸਲਿਮ ਕੌਮ ਨਾਲ ਸੰਬੰਧਿਤ ਨੌਜਵਾਨਾਂ ਨੂੰ “ਆਮ ਮੁਆਫੀ” ਦੇ ਕੇ ਸਮੁੱਚੇ ਕੇਸਾਂ ਤੇ ਬੀਤੇ ਸਮੇ ਵਿੱਚ ਕੀਤੀਆਂ ਗਈਆਂ ਗਤੀਵਿਧੀਆਂ ਤੋਂ ਸਰਖੁਰ ਕੀਤਾ ਜਾ ਰਿਹਾ ਹੈ, ਉਸ ਸਮੇਂ ਸਿੱਖ ਕੌਮ ਨਾਲ ਸੰਬੰਧਿਤ ਆਜ਼ਾਦੀ ਲਈ ਜੂਝ ਰਹੇ ਤੇ ਜ਼ੇਲ੍ਹਾਂ ਵਿੱਚ ਬੰਦੀ ਬਣੇ ਹੋਏ ਤੇ ਬਾਹਰਲੇ ਮੁਲਕਾਂ ਵਿੱਚ ਸਿਆਸੀ ਸ਼ਰਨ ਲੈ ਕੇ ਵਿਚਰ ਰਹੇ ਸਿੱਖ ਨੌਜਵਾਨਾਂ ਨੂੰ ਇਸ ਆਮ ਮੁਆਫੀ ਦੇ ਵਰਤਾਰੇ ਤੋ ਪਾਸੇ ਰੱਖ ਕੇ ਪੀ.ਚਿਦੰਬਰਮ ਵਰਗੇ ਸਿੱਖ ਵਿਰੋਧੀ ਸਿਆਸਤਦਾਨਾਂ ਨੇ ਆਪਣੀ ਮਨੁੱਖਤਾ ਮਾਰੂ ਸੋਚ ਨੂੰ ਪ੍ਰਤੱਖ ਕਰ ਦਿੱਤਾ ਹੈ। ਦੂਸਰਾ ਇਹ ਕਾਤਿਲ ਉਹੀ ਸਖਸ ਹੈ, ਜਿਸਨੇ ਬਰਾਬਰਤਾ ਦੇ ਇਖਲਾਕੀ ਅਤੇ ਕਾਨੂੰਨੀ ਅਧਾਰ ਨੂੰ ਨਜ਼ਰਅੰਦਾਜ਼ ਕਰਕੇ ਕੇਵਲ ਸਿੱਖ ਕੌਮ ਦੀਆਂ ਹੀ ਕਾਲੀਆਂ ਸੂਚੀਆਂ ਤਿਆਰ ਕੀਤੀਆਂ ਸਨ ਅਤੇ ਅੱਜ ਵੀ ਇਹ ਕਾਲੀਆਂ ਸੂਚੀਆਂ ਖਤਮ ਕਰਨ ਦੀ ਸੋਚ ਤੋ ਟਾਲ ਮਟੋਲ ਦੀ ਨੀਤੀ ਉੱਤੇ ਚੱਲ ਕੇ ਆਪਣੇ ਸਿੱਖ ਵਿਰੋਧੀ ਚਿਹਰੇ ਨੂੰ ਹੋਰ ਵੀ ਕਰੂਰ ਅਤੇ ਨਫਰਤ ਭਰਿਆ ਬਣਾ ਕੇ ਸਿੱਖ ਕੌਮ ਨੂੰ ਠਿੱਠ ਕਰ ਰਿਹਾ ਹੈ। ਅਜਿਹੇ ਜਿਊਂਦੇ ਜਨਰਲ ਡਾਇਰ ਸਿੱਖ ਕੌਮ ਦੇ ਕਾਤਿਲ ਨੂੰ ਕੋਈ ਵੀ ਸਿੱਖ ਕਦੀ ਵੀ ਮੁਆਫ ਨਹੀਂ ਕਰ ਸਕਦਾ।
ਇੱਥੇ ਇਹ ਵਰਣਨ ਕਰਨਾ ਜ਼ਰੂਰੀ ਹੈ ਕਿ ਬੀਤੇ ਦਿਨੀਂ ਮਿਤੀ 12 ਫਰਵਰੀ 2010 ਨੂੰ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਨੇ ਸੰਤ ਜਰਨੈਲ ਸਿੰਘ ਖਾਲਸਾ ਭਿੰਡਰਾਂਵਾਲਿਆ ਦਾ ਜਨਮ ਦਿਹਾੜਾ ਫਤਿਹਗੜ੍ਹ ਸਾਹਿਬ ਵਿਖੇ ਮਨਾਉਂਦੇ ਹੋਏ ਜੋ 55 ਸਿੱਖ ਕੌਮ ਦੇ ਕਾਤਿਲਾਂ ਦੀਆਂ ਫੋਟੋਆਂ ਉੱਤੇ ਅਧਾਰਿਤ ਕੈਲੰਡਰ ਜਾਰੀ ਕੀਤਾ ਹੈ, ਉਸ ਵਿੱਚ ਵੀ ਇਸ ਜਿਊਂਦੇ ਜਨਰਲ ਡਾਇਰ ਦੀ ਫੋਟੋਗ੍ਰਾਫ ਰਾਖਵੀਂ ਹੈ। ਪੰਜਾਬੀਆਂ ਦੀ ਇਹ ਕਹਾਵਤ ਵੀ ਹੈ ਤੇ ਅਮਲ ਵੀ ਹੈ ਕਿ ਦਿਹਾਤੀ ਇਲਾਕੇ ਵਿੱਚ ਰਹਿਣ ਵਾਲੇ ਜਿ਼ਮੀਦਾਰ ਆਪਣੇ ਘਰ ਵਿੱਚ ਲੱਗੇ ਕਿੱਲੇ ਉੱਤੇ ਇੱਕ ਨਾਲਾ ਗੰਢ ਮਾਰ ਕੇ ਬੰਨ ਦਿੰਦੇ ਹਨ, ਜਿਸਦਾ ਮਤਲਬ ਸਮੁੱਚੇ ਪਰਿਵਾਰ ਦੇ ਮੈਬਰਾਂ ਲਈ ਇਹ ਹੁੰਦਾ ਸੀ ਕਿ ਜਦੋਂ ਤੱਕ ਅਸੀਂ ਆਪਣੇ ਖਾਨਦਾਨੀ ਦੁਸ਼ਮਣ ਦਾ ਖਾਤਮਾ ਨਹੀਂ ਕਰ ਦਿੰਦੇ ਉਦੋਂ ਤੱਕ ਇਹ ਨਾਲਾ ਨਹੀਂ ਖੁੱਲ੍ਹੇਗਾ। ਇਸ ਲਈ ਹਰ ਸਿੱਖ ਨੂੰ ਹੁਣ ਆਪਣੇ ਘਰ ਦੇ ਕਿੱਲਿਆਂ ਉੱਤੇ ਸਿੱਖ ਕੌਮ ਦੇ ਦੁਸ਼ਮਣਾਂ ਦੇ ਨਾਲੇ ਬੰਨ ਦੇਣੇ ਚਾਹੀਦੇ ਹਨ ਤਾਂ ਕਿ ਖਾਲਿਸਤਾਨ ਦੀ ਕਾਇਮੀ ਤੋਂ ਪਹਿਲੇ ਪਹਿਲੇ ਅਜਿਹੇ ਦੁਸ਼ਮਣਾਂ ਦਾ ਖਾਤਮਾ ਕੀਤਾ ਜਾ ਸਕੇ।

ਭਗਵਾਨ ਯਿਸ਼ੂ ਮਸੀਹ ਦੇ ਇਤਰਾਜ਼ਯੋਗ ਪੋਸਟਰਾਂ ਤੋਂ ਬਾਅਦ ਬਣੀ ਸਥਿਤੀ ਤੋਂ ਬਾਅਦ ਬਟਾਲਾ 'ਚ ਅਣਮਿਥੇ ਸਮੇਂ ਲਈ ਕਰਫਿਊ

ਬਟਾਲਾ, 20 ਫਰਵਰੀ -ਬੀਤੇ ਦਿਨ ਜਲੰਧਰ ਵਿਖੇ ਖੜੇ ਹੋਏ ਵਿਵਾਦ ਜਿਸ ਵਿਚ ਈਸਾਈ ਭਾਈਚਾਰੇ ਦੇ ਭਗਵਾਨ ਯਿਸ਼ੂ ਮਸੀਹ ਦੇ ਇਤਰਾਜ਼ਯੋਗ ਪੋਸਟਰਾਂ ਤੋਂ ਬਾਅਦ ਬਣੀ ਸਥਿਤੀ ਤੋਂ ਬਾਅਦ ਸ਼ਨੀਵਾਰ ਨੂੰ ਬਟਾਲਾ ਵਿਖੇ ਈਸਾਈ ਭਾਈਚਾਰੇ ਦੇ ਲੋਕਾਂ ਵਲੋਂ ਗੁੰਡਾਗਰਦੀ ਦਾ ਨੰਗਾ ਨਾਚ ਕੀਤਾ ਗਿਆ । ਸਵੇਰ ਕਰੀਬ 9 ਵਜੇ ਵੱਖ- ਵੱਖ ਪਿੰਡਾਂ ਵਿਚੋਂ ਇੱਕਠੇ ਹੋ ਕੇ ਆਈ ਈਸਾਈ ਭਾਈਚਾਰੇ ਦੇ ਲੋਕਾਂ ਨੇ ਸ਼ਹਿਰ ਵਿਚ ਆਉਂਦਿਆਂ ਹੀ ਬੱਸਾਂ, ਕਾਰਾਂ, ਲੋਕਾਂ ਦੀਆਂ ਦੁਕਾਨਾਂ 'ਤੇ ਹਮਲਾ ਬੋਲ ਦਿੱਤਾ। ਭੜਕੀ ਹੋਈ ਭੀੜ ਨੇ ਹੱਥਾਂ ਵਿਚ ਮਾਰੂ ਹਥਿਆਰ ਜਿਨ੍ਹਾਂ ਵਿਚ ਕਿਰਪਾਨਾਂ, ਟੱਕੂਏ, ਦਰਾਟ ਸਮੇਤ ਹੋਰ ਕਈ ਹਥਿਆਰ ਹੱਥਾਂ ਵਿਚ ਲੈ ਕੇ ਸ਼ਹਿਰ ਵਿਚ ਸ਼ਰੇਆਮ ਗੁੰਡਾਗਰਦੀ ਦਾ ਨੰਗਾ ਨਾਚ ਕੀਤਾ। ਹੁਲੜਬਾਜ਼ਾਂ ਨੇ ਸ਼ਹਿਰ ਦੇ ਗਾਂਧੀ ਚੌਂਕ ਵਿਚ ਆ ਕੇ ਜ਼ਬਰਦਸਤ ਨਾਅਰੇਬਾਜ਼ੀ ਕੀਤੀ। ਇਸ ਤੋਂ ਬਾਅਦ ਈਸਾਈ ਭਾਈਚਾਰੇ ਦੇ ਲੋਕ ਸ਼ਹਿਰ ਦੇ ਵੱਖ ਵੱਖ ਹਿੱਸਿਆਂ ਵਿਚ ਫੈਲ ਗਏ। ਮੋਟਰ ਸਾਇਕਲ, ਸਕੂਟਰਾਂ ਅਤੇ ਕਾਰਾਂ ਵਿਚ ਸਵਾਰ ਸ਼ਰ੍ਹੇਆਮ ਹੁੱਲਰਬਾਜ਼ੀ ਕਰਦੇ ਰਹੇ। ਬਟਾਲਾ ਸ਼ਹਿਰ ਦੇ ਜਲੰਧਰ ਰੋਡ, ਗੁਰਦਾਸਪੁਰ, ਅੰਮ੍ਰਿਤਸਰ ਰੋਡ, ਸਿਟੀ ਰੋਡ, ਨਹਿਰੂ ਗੇਟ, ਚੱਕਰੀ ਬਾਜ਼ਾਰ, ਵੱਡਾ ਬਾਜ਼ਾਰ, ਕਾਦੀ ਹੱਟੀ, ਖਜੂਰੀ ਗੇਟ, ਸਰਕੂਲਰ ਰੋਡ, ਸਿਨੇਮਾ ਰੋਡ, ਡੇਰਾ ਬਾਬਾ ਨਾਨਕ ਰੋਡ, ਅਲੀਵਾਲ ਚੌਂਕ ਬੱਸ ਅੱਡਾ, ਰੇਲਵੇ ਸਟੇਸ਼ਨ ਤੇ ਦੁਕਾਨਾਂ, ਸਕੂਟਰਾਂ, ਮੋਟਰ ਸਾਇਕਲਾਂ , ਕਾਰਾਂ, ਬੱਸਾਂ, ਟਰੱਕਾਂ ਦੀ ਕਾਫ਼ੀ ਭੰਨ ਤੋੜ ਕਰਕੇ ਆਪਣੇ ਰੋਸ ਦਾ ਮੁਜ਼ਾਹਰਾ ਕੀਤਾ ਅਤੇ ਨੰਗੀਆਂ ਤਲਵਾਰਾਂ, ਦੜਾਟਾਂ, ਕੁਹਾੜੀਆਂ, ਡਾਂਗਾਂ ਨਾਲ ਲੈਸ ਹੋ ਕੇ ਸਕੂਟਰਾਂ, ਮੋਟਰ ਸਾਇਕਲਾਂ, ਜੀਪਾਂ 'ਤੇ ਸਵਾਰ ਹੋ ਕੇ ਗੁੰਡਾਗਰਦੀ ਕਤਲ੍ਹੇਆਮ ਕਰਨ ਦੀ ਕੋਸ਼ਿਸ਼ ਕੀਤੀ। ਹੁੱਲੜਬਾਜ਼ਾਂ ਨੇ ਸ਼ਹਿਰ ਦੀਆਂ ਵੱਖ-ਵੱਖ ਦੁਕਾਨਾਂ 'ਤੇ ਹਮਲਾ ਕਰਕੇ ਲੋਕਾਂ ਨੂੰ ਮਾਰੂ ਹਥਿਆਰਾਂ ਨਾਲ ਹਮਲਾ ਕਰਕੇ ਗੰਭੀਰ ਰੂਪ ਵਿਚ ਜ਼ਖ਼ਮੀ ਕਰਨ ਦੀ ਕੋਸ਼ਿਸ ਕੀਤੀ ਗਈ। ਹੁਲੜਬਾਜਾਂ ਨੇ ਸ਼ਹਿਰ ਵਿਚ ਦੁਕਾਨਾਂ ਅੱਗੇ ਲੱਗੇ ਮੋਟਰਸਾਈਲ, ਸਕੂਟਰ ਅਤੇ ਕਾਰਾਂ ਦੀ ਭੰਨਤੋੜ ਕੀਤੀ। ਭੜਕੀ ਹੋਈ ਭੀੜ ਨੇ ਫਿਰ ਬਟਾਲਾ ਦੇ ਰੇਲਵੇ ਸਟੇਸ਼ਨ 'ਤੇ ਹਮਲਾ ਬੋਲ ਦਿੱਤਾ। ਹਮਲਾਵਾਰਾਂ ਨੇ ਰੇਲਵੇ ਸਟੇਸ਼ਨ ਦੀ ਤੋੜਭੰਨ ਕੀਤੀ। ਸਟੇਸ਼ਨ ਮਾਸਟਰ ਕੌਂਸਲੈਦਰਾ ਕੁਮਾਰ ਸਟੇਸ਼ਨ ਦੇ ਟਿਕਟ ਕਾਊਂਟਰ, ਦਫ਼ਤਰ, ਰਿਜਰਵੇਸ਼ਨ ਦਫ਼ਤਰ ਸਮੇਤ ਸਟੇਸ਼ਨ ਦੀ ਭੰਨਭੋੜ ਕੀਤੀ, ਜਿਸ ਨੂੰ ਬਟਾਲਾ ਪੁਲਿਸ ਦੇਖ ਕੇ ਮਜਾ ਲੁੱਟ ਰਹੀ ਸੀ। ਭੜਕੀ ਹੋਈ ਭੀੜ ਨੇ ਫਿਰ ਬਟਾਲਾ ਦੇ ਬੱਸ ਅੱਡੇ 'ਤੇ ਹਮਲਾ ਕਰ ਦਿੱਤਾ ਜਿਸ 'ਤੇ ਗੁੰਡਾ ਅਨਸਰਾਂ ਨੇ ਬੱਸਾਂ ਦੀ ਭੰਨ ਤੋੜ ਸ਼ੁਰੂ ਕਰ ਦਿੱਤੀ ਅਤੇ ਬੱਸਾਂ ਵਿਚ ਬੈਠੀਆਂ ਸਵਾਰੀਆਂ ਦਾ ਵੀ ਧਿਆਨ ਨਹੀਂ ਕੀਤਾ ਅਤੇ ਉਨ੍ਹਾਂ 'ਤੇ ਵੀ ਹਮਲਾ ਬੋਲ ਦਿੱਤਾ। ਇਸ ਹੰਗਾਮੇ ਵਿਚ ਕਈ ਸਵਾਰੀਆਂ ਗੰਭੀਰ ਰੂਪ ਵਿਚ ਜਖ਼ਮੀ ਵੀ ਹੋਈਆਂ। ਗੁੰਡਾ ਅਨਸਰਾਂ ਨੇ ਫਿਰ ਸ਼ਹਿਰ ਦੇ ਵੱਖ ਵੱਖ ਇਲਾਕਿਆਂ ਵਿਚ ਕਈ ਮੋਟਰਸਾਈਕਲਾਂ ਨੂੰ ਅੱਗ ਲਗਾ ਕੇ ਸ਼ਹਿਰ ਵਿਚ ਮਾਹੌਲ ਨੂੰ ਹੋਰ ਗੰਭੀਰ ਬਣਾ ਦਿੱਤਾ। ਇਸ ਦੌਰਾਨ ਪੁਲਿਸ ਦੀ ਭੂਮਿਕਾ ਮੂਕ ਦਰਸ਼ਕ ਬਣ ਕੇ ਰਹਿ ਗਈ। ਜੇਕਰ ਬਟਾਲਾ ਪੁਲਿਸ ਨੇ ਸਵੇਰੇ ਤੋਂ ਹੀ ਇਸ ਸਥਿਤੀ ਨੂੰ ਕਾਬੂ ਕਰਨ ਲਈ ਯਤਨ ਕੀਤੇ ਹੁੰਦੇ ਤਾਂ ਇਹ ਗੁੰਡਾਗਰਦੀ ਦਾ ਨੰਗਾ ਨਾਚ ਨਾ ਹੁੰਦਾ। ਪਰ ਜਦੋਂ ਸਥਿਤੀ ਕਾਬੂ ਵਿਚ ਨਾ ਆਉਂਦੀ ਵੇਖ ਸ਼ਹਿਰ ਵਾਸੀਆਂ ਦੁਕਾਨਦਾਰਾਂ ਨੇ ਆਪਣੇ ਬਚਾਵ ਵਿਚ ਗੁੰਡਾ ਅਨਸਰਾਂ ਦੇ ਖਿਲਾਫ਼ ਮੋਰਚਾ ਖੋਲਿਆ ਤਾਂ ਪੁਲਿਸ ਦੀ ਵੀ ਜਾਗ ਖੁੱਲ ਗਈ ਅਤੇ ਪ੍ਰਸ਼ਾਸਨ ਵਲੋਂ ਐਸ.ਡੀ.ਐਮ. ਬਟਾਲਾ ਨੇ ਬਟਾਲਾ ਵਿਚ ਅਣਮਿਥੇ ਸਮੇਂ ਲਈ ਕਰਫਿਊ ਦਾ ਐਲਾਨ ਕਰ ਦਿੱਤਾ। ਗੁੰਡਾ ਅਨਸਰਾਂ ਵਲੋਂ ਮਚਾਈ ਗਈ ਤਬਾਹੀ ਤੋਂ ਦੁਖੀ ਹੋ ਕੇ ਦੁਕਾਨਾਰਾਂ ਅਤੇ ਸ਼ਹਿਰ ਵਾਸੀਆਂ ਨੇ ਵੀ ਸੜਕਾਂ 'ਤੇ ਉਤਰਨਾ ਹੀ ਠੀਕ ਸਮਝਿਆ। ਸ਼ਹਿਰ ਵਾਸੀਆਂ ਦੇ ਰੋਸ ਨੂੰ ਦੇਖ ਕੇ ਈਸਾਈ ਭਾਈਚਾਰੇ ਦੇ ਲੋਕਾਂ ਨੇ ਆਪਣੀ ਜਾਨ ਬਚਾਉਣ ਲਈ ਭਜਨਾ ਹੀ ਮੁਨਾਸਿਬ ਸਮਝਿਆ। ਇਸ ਤੋਂ ਬਾਅਦ ਸ਼ਹਿਰ ਵਾਸੀਆਂ ਨੇ ਪੂਰੇ ਸ਼ਹਿਰ ਵਿਚ ਸ਼ਾਂਤੀ ਬਣਾਏ ਰੱਖਣ ਲਈ ਸ਼ਹਿਰ ਦਾ ਮਾਰਚ ਕੀਤਾ ਅਤੇ ਬਟਾਲਾ ਪੁਲਿਸ ਚੁੱਪ-ਚਾਪ ਖੜ੍ਹੇ ਰਹਿ ਕੇ ਤਮਾਸ਼ਾ ਵੇਖਦੀ ਰਹੀਂ ਜਦੋਂ ਦੁਕਾਨਦਾਰਾਂ ਨੇ ਇਕੱਠੇ ਹੋ ਕੇ ਈਸਾਈ ਲੋਕਾਂ ਦਾ ਮੁਕਾਬਲਾ ਕੀਤਾ ਫਿਰ ਪੁਲਿਸ ਨੇ ਹਾਲਾਤ ਨੂੰ ਵਿਗੜਦੇ ਹੋਏ ਦੇਖ ਕੇ ਦੁਕਾਨਦਾਰਾਂ ਦਾ ਸਾਥ ਦੇ ਕੇ ਈਸਾਈ ਬਿਰਾਦਰੀ ਦੇ ਮੁੰਡਿਆਂ ਨੂੰ ਭਜਾਉਣ ਵਿੱਚ ਸਫ਼ਲਤਾ ਹਾਸਲ ਕੀਤੀ। ਇਸ ਦੰਗਾ ਫਸਾਦ ਵਿੱਚ ਖਾਸ ਕਰਕੇ ਹਿੰਦੂ ਦੁਕਾਨ ਦਾ ਕਾਫ਼ੀ ਨੁਕਸਾਨ ਹੋਇਆ ਹੈ। ਇੱਕ ਖ਼ਬਰ ਮੁਤਾਬਿਕ ਈਸਾਈ ਭਾਈਚਾਰਾ ਨੇ ਜ਼ਬਰਦਸਤੀ ਡਰਾ ਧਮਕਾ ਕੇ ਦੁਕਾਨਾਂ ਬੰਦ ਕਰਵਾਈਆਂ ਅਤੇ ਉਨ੍ਹਾਂ ਕੁੱਟਿਆ ਗਈਆ ਹਨ ਇੱਥੋਂ ਤੱਕ ਨੰਗੀਆਂ ਤਲਵਾਰਾਂ, ਦਰਾਟਾਂ ਨਾਲ ਚੱਕਰੀ ਬਾਜ਼ਾਰ ਦੇ ਦੁਕਾਨਦਾਰਾਂ ਦਾ ਜੋ ਨੁਕਸਾਨ ਕੀਤਾ ਹੈ ਜਿੱਥੇ ਦੁਕਾਨਦਾਰਾਂ ਨੇ ਵੀ ਇਕੱਠੇ ਹੋ ਕੇ ਹਮਲਾਵਰਾਂ ਦਾ ਡੱਟ ਕੇ ਮੁਕਾਬਲਾ ਕੀਤਾ ਪਰ ਕੋਈ ਜਾਨੀ ਨੁਕਸਾਨ ਨਹੀਂ ਹੋਇਆ। ਖ਼ਬਰ ਲਿਖਣ ਤੱਕ ਪੁਲਿਸ ਨੇ ਕੜੀ ਮੇਹਨਤ ਕਰਕੇ ਹਾਲਾਤ ਤੇ ਕਾਬੂ ਪਾ ਲਿਆ ਹੈ ਅਤੇ ਪੁਲਿਸ ਦੀ ਗ਼ਸ਼ਤ ਬਰਾਬਰ ਹੋ ਰਹੀਂ ਹੈ। ਇਥੇ ਇਹ ਵੀ ਦੱਸਣਯੋਗ ਹੈ ਕਿ ਗੁੰਡਾ ਅਨਸਰਾਂ ਰੇਲਵੇ ਸਟੇਸ਼ਨ ਦੇ ਬਾਹਰ ਸਟੇਟ ਬੈਂਕ ਦਾ ਏ. ਟੀ.ਅੇਮ. ਲੁੱਟ ਕੇ ਲੈ ਗਏ। ਭੜਕੀ ਹੋਈ ਭੀੜ ਵਲੋਂ ਜਲੰਧਰ ਤੋਂ ਛਪਦੇ ਇੱਕ ਪੰਜਾਬੀ ਅਖ਼ਬਾਰ ਦੇ ਦਫ਼ਤਰ 'ਤੇ ਵੀ ਹਮਲਾ ਬੋਲ ਦਿੱਤਾ। ਹਮਲੇ ਵਿਚ ਦਫ਼ਤਰ ਦੀ ਤੋੜਭੰਨ ਕੀਤੀ ਗਈ।ਇਥੇ ਇਹ ਜ਼ਿਕਰਯੋਗ ਹੈ ਕਿ ਕਰੀਬ 2 ਘੰਟਿਆਂ ਤੱਕ ਗੁੰਡਾ ਅਨਸਰਾਂ ਵਲੋਂ ਸ਼ਹਿਰ ਵਿਚ ਗੁੰਡਾਗਰਦੀ ਦਾ ਨੰਗਾ ਨਾਚ ਖੇਡਿਆ ਗਿਆ ਪ੍ਰੰਤੂ ਬਟਾਲਾ ਪੁਲਿਸ ਕਿਸੇ ਵੱਡੀ ਘਟਨਾ ਦੀ ਇੰਤਜਾਰ ਕਰਦੀ ਰਹੀ। ਗੁੰਡਾ ਅਨਸਰਾਂ ਨੇ ਸ਼ਹਿਰ 'ਚ ਸਕੂਲਾਂ, ਕਾਲਜਾਂ 'ਚ ਜਾ ਰਹੀਆਂ ਲੜਕੀਆਂ ਨੂੰ ਵੀ ਨਹੀਂ ਬਖਸ਼ਿਆ। ਲੜਕੀਆਂ ਨਾਲ ਅਸ਼ਲੀਲ ਹਰਕਤਾਂ ਕੀਤੀਆਂ ਅਤੇ ਉਨ੍ਹਾਂ ਨੂੰ ਜ਼ਲੀਲ ਕੀਤਾ। ਅੰਤ ਵਿਚ ਗੁੱਸਾਈ ਭੀੜ ਨੇ ਬਟਾਲਾ ਦੀਆਂ ਵੱਖ ਵੱਖ ਚਰਚ 'ਤੇ ਹਮਲਾ ਬੋਲ ਦਿੱਤਾ। ਗੁੱਸੇ 'ਚ ਆਏ ਲੋਕਾਂ ਨੇ ਬਟਾਲਾ ਸ਼ਹਿਰ ਦੇ ਵਿਚ ਸਥਿਤ ਸਿਟੀ ਚਰਚ ਨੂੰ ਅੱਗ ਦੇ ਹਵਾਲੇ ਕਰਨ ਦੀ ਕੋਸ਼ਿਸ਼ ਕੀਤੀ ਅਤੇ ਚਰਚ ਦੀ ਭੰਨਤੋੜ ਕੀਤੀ। ਭੀੜ ਨੂੰ ਖਦੇੜਣ ਲਈ ਪੁਲਿਸ ਨੇ ਲਾਠੀਚਾਰਜ ਵੀ ਕੀਤਾ।ਦੁਕਾਨਦਾਰਾਂ ਨੇ ਇਸ ਗੁੰਡਾ ਗਰਦੀ ਦੇ ਖਿਲਾਫ਼ ਗਾਂਧੀ ਚੌਂਕ ਵਿੱਚ ਧਰਨਾ ਦੇ ਕੇ ਮੰਗ ਕੀਤੀ ਕਿ ਗੁੰਡਾ ਅਨਸਰ ਨੂੰ ਗ੍ਰਿਫ਼ਤਾਰ ਕਰਕੇ ਉਹਨਾਂ ਤੇ ਮੁਕੱਦਮਾ ਚਲਾਇਆ ਜਾਵੇ। ਜ਼ਿਕਰਯੋਗ ਹੈ ਕਿ ਸ੍ਰੀ ਰਾਮ ਨੋਮੀ ਉਤਸਵ ਕਮੇਟੀ ਜਲੰਧਰ ਸ਼ਹਿਰ ਵਿੱਚ ਕੁੱਝ ਬੋਰਡ ਲਗਾਏ ਹੋਏ ਹਨ ਜਿਸ ਵਿੱਚ ਪ੍ਰਭੂ ਯਿਸੂ ਮਸੀਹ ਦੇ ਇੱਕ ਹੱਥ ਵਿੱਚ ਸਿਗਰੇਟ ਅਤੇ ਦੂਸਰੇ ਹੱਥ ਵਿੱਚ ਬੀਅਰ ਸ਼ਰਾਬ ਦੀ ਬੋਤਲ ਫੜੇ ਹੋਏ ਦਿਖਾਈ ਹੈ ਜਿਸ ਨੂੰ ਵੇਖ ਕੇ ਇਸਾਈ ਭਾਈਚਾਰਾ ਦੇ ਭਾਵਨਾਵਾਂ ਨੂੰ ਠੇਸ ਪਹੁੰਚੀ ਹੈ ਜਿਸ ਕਰਕੇ ਪੰਜਾਬ ਵਿੱਚ ਲੋਕ ਰੋਸ ਵਜੋਂ ਭੜਕ ਉਠੇ ਹਨ। ਜਿਹਨਾਂ ਲੋਕਾਂ ਨੇ ਇਸ ਤਰ੍ਹਾਂ ਬੋਰਡ ਲਗਾਏ ਹਨ ਉਹਨਾਂ ਨੂੰ ਗ੍ਰਿਫ਼ਤਾਰ ਕਰਨ ਦੀ ਮੰਗ ਕੀਤੀ ਗਈ ਹੈ ਪਰ ਪੰਜਾਬ ਸਰਕਾਰ ਇਸ ਤਰ੍ਹਾਂ ਨਹੀਂ ਕਰ ਰਹੀਂ ਜਿਸ ਕਰਕੇ ਇਸਾਈ ਭਾਈਚਾਰਾ ਨੇ ਆਪਣਾ ਰੋਸ ਗਲਤ ਢੰਗ ਨਾਲ ਕੀਤਾ ਹੈ। ਆਮ ਚਰਚਾ ਹੈ ਕਿ ਪੰਜਾਬ ਵਿੱਚ ਹੋ ਰਹੇ ਦੰਗਾ ਫਸਾਦ ਨੂੰ ਰੋਕਣ ਲਈ ਪੰਜਾਬ ਸਰਕਾਰ ਸੰਸੀਦਾ ਨਹੀਂ ਹੈ ਅਤੇ ਹੋ ਸਕਦਾ ਹੈ ਕਿ ਇਹ ਮੂਵਮੈਂਟ ਸਾਰੇ ਦੇਸ਼ ਵਿੱਚ ਫੈਲ ਜਾਵੇ ਜਿਸ ਤੇ ਕਾਬੂ ਪਾਉਣਾ ਮੁਸ਼ਕਿਲ ਹੋ ਜਾਵੇ।

ਸੀ.ਬੀ.ਆਈ ਸੱਜਣ ਕੁਮਾਰ ਨੁੰ ਤੁਰੰਤ ਗ੍ਰਿਫਤਾਰ ਕਰੇ : ਜਥੇ.ਮੱਕੜ

ਨਵੀਂ ਦਿੱਲੀ 20 ਫਰਵਰੀ - ਜੰਮੂ ਕਸ਼ਮੀਰ ਦੇ ਹਾਲਾਤਾਂ ਤੋਂ ਤੰਗ ਆ ਕਿ ਜਿਹੜੇ ਲੋਕ ਦੇਸ਼ ਛੱਡ ਕੇ ਚੱਲੇ ਗਏ ਸਨ, ਕੇਂਦਰ ਵੱਲੋਂ ਉਨ੍ਹਾਂ ਦੇ ਵਾਪਸ ਪਰਤਣ ਦੇ ਸੱਦੇ ਦਾ ਅਸੀਂ ਸਵਾਗਤ ਕਰਦੇ ਹਾਂ, ਮਗਰ ਕੇਂਦਰ ਵੱਲੋਂ ਪੰਜਾਬ ਦੇ ਹਾਲਤ ਬਿਲਕੁਲ ਠੀਕ ਹੋਣ ਦੇ ਬਾਵਜੂਦ ਸਿੱਖਾਂ ਦੀ ਕਾਲੀ ਸੂਚੀ ਖਤਮ ਨਾ ਕਰਨਾ ਜਿੱਥੇ ਬਹੁਤ ਦੁੱਖਦਾਈ ਹੈ ਉੱਥੇ ਕੇਂਦਰ ਦੀ ਕਾਂਗਰਸ ਸਰਕਾਰ ਜੋ ਹਮੇਸ਼ਾ ਸਿੱਖਾਂ ਦੀ ਕਾਤਲ ਜਮਾਤ ਰਹੀ ਹੈ, ਉਸ ਨੇ ਇਹ ਸਾਬਤ ਕਰ ਦਿੱਤਾ ਹੈ ਕਿ ਉਸ ਕੋਲੋਂ ਸਿੱਖਾਂ ਲਈ ਇਨਸਾਫ਼ ਦੀ ਉਮੀਦ ਨਹੀਂ ਕੀਤੀ ਜਾਂ ਸਕਦੀ । ਇਨ੍ਹਾਂ ਵਿਚਾਰਾਂ ਦਾ ਪ੍ਰਗਟਾਵਾ ਸ਼੍ਰੋਮਣੀ ਗੁ:ਪ੍ਰ: ਕਮੇਟੀ ਦੇ ਪ੍ਰਧਾਨ ਜਥੇਦਾਰ ਅਵਤਾਰ ਸਿੰਘ ਮੱਕੜ ਨੇ ਸਿੱਖ ਮਿਸ਼ਨ ਦਿੱਲੀ ਵਿਖੇ ਪ੍ਰੈਸ ਨਾਲ ਗੱਲਬਾਤ ਕਰਦਿਆਂ ਕੀਤਾ। ਉਹ ਇਥੇ ਧਰਮ ਪ੍ਰਚਾਰ ਲਹਿਰ ਦੇ ਸਮਾਗਮ 'ਚ ਸ਼ਾਮਲ ਹੋਣ ਆਏ ਹੋਏ ਸਨ। ਉਨ੍ਹਾਂ 84 ਦੇ ਸਿੱਖ ਕਤਲੇਆਮ ਬਾਰੇ ਕਿਹਾ ਕਿ ਬੜੀ ਬਦਨੀਤੀ ਦੀ ਗੱਲ ਹੈ ਕਿ ਜਿਸ ਜਮਹੂਰੀਅਤ ਵਿਚ ਇਕ ਕਤਲ ਕਰਨ ਵਾਲੇ ਨੂੰ ਵੀ ਸਜ਼ਾ ਮਿਲਦੀ ਹੈ, ਮਗਰ 25 ਸਾਲ ਬੀਤ ਜਾਣ 'ਤੇ ਵੀ 84 ਦੇ ਸਿੱਖ ਕਤਲੇਆਮ ਜਿਸ ਵਿਚ 7000 ਤੋਂ ਉਪਰ ਸਿੱਖਾਂ ਨੂੰ ਬੜੀ ਬੇਦਰਦੀ ਨਾਲ ਮੌਤ ਦੇ ਘਾਟ ਉਤਾਰਿਆ ਗਿਆ ਹੋਵੇ ਅਤੇ ਅੱਜ ਤੱਕ ਕਿਸੇ ਵੀ ਦੋਸ਼ੀ ਨੂੰ ਗ੍ਰਿਫਤਾਰ ਵੀ ਨਾ ਕੀਤਾ ਹੋਵੇ। ਉਨ੍ਹਾਂ ਕਿਹਾ ਕਿ ਸੱਜਣ ਕੁਮਾਰ ਦੀ ਹਾਈਕੋਰਟ ਚੋਂ ਜ਼ਮਾਨਤ ਰੱਦ ਹੋਣ ਦੇ ਬਾਵਜੂਦ ਵੀ ਸੀ. ਬੀ. ਆਈ ਦਾ ਉਸ ਨੂੰ ਗ੍ਰਿਫਤਾਰ ਨਹੀਂ ਕਰਨਾ ਕਾਂਗਰਸ ਸਰਕਾਰ ਦੇ ਮਨਸੂਬਿਆਂ ਬਾਰੇ ਜਾਣਕਾਰੀ ਦੇ ਰਿਹਾ ਹੈ। ਉਨ੍ਹਾਂ ਮੰਗ ਕੀਤੀ ਕਿ ਸੀ.ਬੀ.ਆਈ ਸੱਜਣ ਕੁਮਾਰ ਨੁੰ ਤੁਰੰਤ ਗ੍ਰਿਫਤਾਰ ਕਰੇ। ਉਨ੍ਹਾਂ ਕਿਹਾ ਕਿ ਸਾਨੂੰ ਕਾਨੂੰਨ 'ਚ ਪੂਰਾ ਵਿਸ਼ਵਾਸ ਹੇ ਮਗਰ ਕਾਂਗਰਸ ਤੋਂ ਇਨਸਾਫ ਦੀ ਕੋਈ ਉਮੀਦ ਨਹੀਂ ਕੀਤੀ ਜਾ ਸਕਦੀ। ਉਨ੍ਹਾਂ ਦੱਸਿਆ ਕਿ ਸ਼੍ਰੋਮਣੀ ਕਮੇਟੀ ਵਲੋਂ ਪੰਜ ਮੈਂਬਰੀ ਕਮੇਟੀ ਬਣਾਈ ਗਈ ਹੈ, ਜਿਸ ਵਿਚ ਸ. ਅਵਤਾਰ ਸਿੰਘ ਹਿੱਤ, ਸ. ਮਨਜੀਤ ਸਿੰਘ ਜੀ. ਕੇ, ਸ. ਕੁਲਦੀਪ ਸਿੰਘ ਭੋਗਲ, ਸ. ਉਂਕਾਰ ਸਿੰਘ ਥਾਪਰ ਅਤੇ ਸ. ਮਨਜਿੰਦਰ ਸਿੰਘ ਸਿਰਸਾ ਸ਼ਾਮਲ ਕੀਤੇ ਗਏ ਹਨ ਅਤੇ ਇਕ ਅੱਠ ਵਕੀਲਾਂ ਦਾ ਪੈਨਲ ਸੀਨੀਅਰ ਵਕੀਲ ਸ. ਐਚ ਐਸ ਫੂਲਕਾ ਦੀ ਅਗਵਾਈ ਹੇਠ ਬਣਾਇਆ ਗਿਆ ਹੈ ਜੋ ਸਾਰੇ ਕੇਸ ਦੀ ਪੈਰਵਾਈ ਕਰਕੇ ਕਾਤਲਾਂ ਨੂੰ ਅੰਜਾਮ ਤੱਕ ਪਹੁੰਚਾਏਗੀ। ਇਸ ਮੌਕੇ ਉਨ੍ਹਾਂ ਖਾਲਸਾ ਪੰਥ ਦੇ ਮਹਾਨ ਜਰਨੈਲ ਬਾਬਾ ਬੰਦਾ ਸਿੰਘ ਬਹਾਦਰ ਦੀ ਮਨਾਈ ਜਾ ਰਹੀ ਸ਼ਤਾਬਦੀ ਬਾਰੇ ਜਾਣਕਾਰੀ ਦਿੰਦਿਆਂ ਕਿਹਾ ਕਿ ਸਿੱਖ ਪੰਥ ਦੇ ਇਸ ਮਹਾਨ ਜਰਨੈਲ ਜਿਸ ਨੇ ਪਹਿਲਾ ਸਿੱਖ ਰਾਜ ਸਥਾਪਤ ਕੀਤਾ ਦੀ ਯਾਦ 'ਚ ਇਹ ਸ਼ਤਾਬਦੀ ਖਾਲਸਾਹੀ ਜਾਹੋਜਲਾਲ ਨਾਲ ਮਨਾਈ ਜਾਵੇਗੀ। ਉਨ੍ਹਾਂ ਕਿਹਾ ਕਿ ਸ਼੍ਰੋਮਣੀ ਕਮੇਟੀ ਵਲੋਂ ਇਸ ਸ਼ਤਾਬਦੀ ਨੂੰ ਸਮਰਪਿਤ ਹੋ ਕਿ ਲੋਹਗੜ੍ਹ 'ਚ 10 ਏਕੜ 'ਚ ਯਾਦਗਾਰੀ ਕਿਲਾਂ ਉਸਾਰਿਆ ਜਾਵੇਗਾ ਅਤੇ ਸਰਹੰਦ ਵਿਖੇ ਬਾਬਾ ਬੰਦਾ ਸਿੰਘ ਦੀ ਯਾਦਗਾਰੀ ਮਿਉਜਿਅਮ ਪੰਜਾਬ ਸਰਕਾਰ ਦੇ ਸਹਿਯੋਗ ਨਾਲ ਉਸਾਰਿਆ ਜਾਵੇਗਾ। ਇਸ ਤੋਂ ਇਲਾਵਾ ਸ਼੍ਰੋਮਣੀ ਕਮੇਟੀ ਵਲੋਂ ਸੋਨੇ ਚਾਂਦੀ ਦੇ ਸਿੱਕੇ ਵੀ ਜਾਰੀ ਕੀਤੇ ਜਾਣਗੇ। ਉਨ੍ਹਾਂ ਕਿਹਾ ਕਿ ਮੁਖ ਮੰਤਰੀ ਪੰਜਾਬ ਸ. ਪਰਕਾਸ਼ ਸਿੰਘ ਬਾਦਲ ਨੇ ਵੀ ਪਹਿਲਾ ਕੇਂਦਰ ਸਰਕਾਰ ਤੋਂ ਇਸ ਸ਼ਤਾਬਦੀ ਸੰਬੰਧੀ ਡਾਕ ਟਿਕਟ ਜਾਰੀ ਕਰਨ ਲਈ ਕਿਹਾ ਹੈ ਅਤੇ ਸ਼੍ਰੋਮਣੀ ਕਮੇਟੀ ਵੀ ਮੰਗ ਕਰਦੀ ਹੈ ਕਿ ਇਸ ਸ਼ਤਾਬਦੀ ਸੰਬੰਧੀ ਡਾਕ ਟਿਕਟ ਅਤੇ ਪੰਜ ਅਤੇ ਦੱਸ ਰੁਪਏ ਦੇ ਯਾਦਗਾਰੀ ਸਿੱਕੇ ਵੀ ਜਾਰੀ ਕੀਤੇ ਜਾਣ। ਇਸ ਮੌਕੇ ਸ. ਮਨਜੀਤ ਸਿੰਘ ਜੀ.ਕੇ, ਸ. ਕੁਲਦੀਪ ਸਿੰਘ ਭੋਗਲ, ਸ. ਉਂਕਾਰ ਸਿੰਘ ਥਾਪਰ, ਸ. ਮਨਜਿੰਦਰ ਸਿੰਘ ਸਿਰਸਾ, ਸ. ਪਰਮਜੀਤ ਸਿੰਘ ਚੰਡੋਕ, ਸ. ਰਜਿੰਦਰ ਸਿੰਘ, ਸ. ਤਮਿੰਦਰ ਸਿੰਘ, ਸ. ਅਜੀਤ ਸਿੰਘ, ਸ. ਭਰਪੂਰ ਸਿੰਘ ਅਤੇ ਸ. ਜਗਦੇਵ ਸਿੰਘ ਹਾਜ਼ਰ ਸਨ।

ਭਾਈ ਦਲਜੀਤ ਸਿੰਘ ਬਿੱਟੂ ਨੂੰ ਜਾਣ ਬੁੱਝ ਕੇ ਅਦਾਲਤ ਵਿੱਚ ਲਗਾਤਾਰ ਨਹੀਂ ਲਿਆਦਾ ਜਾ ਰਿਹਾ

ਲੰਡਨ- ਸ਼੍ਰੋਮਣੀ ਅਕਾਲੀ ਦਲ ਅੰਮ੍ਰਿਤਸਰ ( ਪੰਚ ਪ੍ਰਧਾਨੀ ) ਦੇ ਚੇਅਰਮੈਨ ਭਾਈ ਦਲਜੀਤ ਸਿੰਘ ਬਿੱਟੂ ਅਤੇ ਐਡਵੋਕੇਟ ਜਸਪਾਲ ਸਿੰਘ ਮੰਝਪੁਰ ਨੂੰ ਦਰਜਨਾਂ ਸਾਥੀਆਂ ਸਮੇਤ ਪੰਜਾਬ ਸਰਕਾਰ ਨੇ ਸਿਆਸੀ ਰੰਜਿਸ਼ ਦੇ ਤਹਿਤ ਝੂਠੇ ਕੇਸਾਂ ਵਿੱਚ ਫਸਾਇਆ ਹੋਇਆ ਹੈ ਤਾਂ ਕਿ ਉਹਨਾਂ ਦੀ ਪਾਰਟੀ ਸ੍ਰ਼ੋਮਣੀ ਕਮੇਟੀ ਦੀਆਂ ਚੋਣਾਂ ਵਿੱਚ ਬਾਦਲ ਅਕਾਲੀ ਦਲ ਨੂੰ ਟੱਕਰ ਨਾ ਦੇ ਸਕੇ । ਹੁਣ ਭਾਈ ਬਿੱਟੂ ਦੀ ਸਿੱਖ ਸੰਗਤ ਤੋਂ ਦੂਰੀ ਬਣਾਉਣ ਅਤੇ ਉਹਨਾਂ ਖਿਲਾਫ ਦਰਜ ਮੁਕੱਦਮਿਆਂ ਨੂੰ ਲਮਕਾਉਣ ਲਈ ਸਰਕਾਰ ਦੇ ਇਸ਼ਾਰੇ ਤੇ ਬਹਾਨੇ ਬਣਾ ਕੇ ਪੁਲੀਸ ਵਲੋਂ ਭਾਈ ਦਲਜੀਤ ਸਿੰਘ ਬਿੱਟੂ ਨੂੰ ਅਦਾਲਤ ਵਿੱਚ ਲਗਾਤਾਰ ਪੇਸ਼ ਨਹੀਂ ਕੀਤਾ ਜਾ ਰਿਹਾ । ਯੂਨਾਈਟਿਡ ਖਾਲਸਾ ਦਲ ਯੂ,ਕੇ ਪ੍ਰਧਾਨ ਸ੍ਰ, ਨਿਰਮਲ ਸਿੰਘ ਸੰਧੂ ਅਤੇ ਜਨਰਲ ਸਕੱਤਰ ਸ੍ਰ, ਲਵਸਿ਼ੰਦਰ ਸਿੰਘ ਡੱਲੇਵਾਲ ਵਲੋਂ ਸਰਕਾਰ ਦੇ ਇਸ ਵਤੀਰੇ ਦੀ ਸਖਤ ਨਿਖੇਧੀ ਕਰਦਿਆਂ ਇਸ ਨੂੰ ਅਦਾਲਤ ਦੀ ਤੌਹੀਨ ਅਤੇ ਲੋਕਤੰਤਰ ਦਾ ਕਤਲ ਕਰਾਰ ਦਿੱਤਾ ਹੈ ਅਤੇ ਅਗਰ ਭਵਿੱਖ ਪੁਲੀਸ ਨੇ ਵਤੀਰਾ ਨਾ ਬਦਲਿਆ ਤਾਂ ਮਨੁੱਖੀ ਅਧਿਕਾਰ ਕਮਿਸ਼ਨ ,ਉੱਚ ਅਦਾਲਤ ਅਤੇ ਬਰਤਾਨੀਆ ਦੇ ਵਿਦੇਸ਼ ਮੰਤਰਾਲੇ ਨੂੰ ਬਕਾਇਦਾ ਸੂਚਿਤ ਕੀਤਾ ਜਾਵੇਗਾ ।

ਭਾਜਪਾ ਦਾ “ਰਾਮ ਮੰਦਿਰ” ਦਾ ਨਾਹਰਾ ਕੌਮਾਂ ਅਤੇ ਫਿਰਕਿਆਂ ਨੂੰ ਵੰਡਣ ਤੇ ਨਫਰਤ ਵਧਾਉਣ ਵਾਲਾ :- ਟਿਵਾਣਾ

ਫਤਿਹਗੜ੍ਹ ਸਾਹਿਬ, 20 ਫਰਵਰੀ :- “ਇਸ ਮੁਲਕ ਦੇ ਹੁਕਮਰਾਨ ਭਾਵੇਂ ਉਹ ਕਾਂਗਰਸ ਹੋਵੇ ਜਾਂ ਭਾਜਪਾ, ਉਨ੍ਹਾ ਦੇ ਹੁਣ ਤੱਕ ਦੇ ਅਮਲ ਪਾੜੋ ਅਤੇ ਰਾਜ ਕਰੋ ਤੇ ਵੱਖ ਵੱਖ ਕੌਮਾਂ ਨੂੰ ਲੜਾ ਕੇ ਸਿਆਸੀ ਸਵਾਰਥਾਂ ਦੀ ਪੂਰਤੀ ਕਰਨ ਵਾਲੇ ਹਨ। ਜਿਸ ਲਈ ਇੱਥੋ ਦੇ ਮਾਹੌਲ ਨੂੰ ਗੈਰ ਸਮਾਜਿਕ ਬਣਾਉਣ ਵਿੱਚ ਇਹ ਦੋਵੇ ਜਮਾਤਾਂ ਮੁੱਖ ਤੌਰ ਤੇ ਦੋਸ਼ੀ ਹਨ। ਕਾਂਗਰਸ ਪਾੜੋ ਤੇ ਰਾਜ ਕਰੋ ਦੀ ਮਨੁੱਖਤਾ ਵਿਰੋਧੀ ਸੋਚ ਉੱਤੇ ਅਮਲ ਕਰਦੀ ਆ ਰਹੀ ਹੈ ਤੇ ਭਾਜਪਾ ਕੱਟੜ “ਹਿੰਦੂਤਵ” ਫਿਰਕੂ ਸੋਚ ਉੱਤੇ ਪਹਿਰਾ ਦੇ ਕੇ ਕਦੀ ਰਾਮ ਮੰਦਿਰ ਅਤੇ ਕਦੀ ਰਾਮ ਸੇਤੂ ਸਮੁੰਦਰਮ ਦੇ ਫਿਰਕੂ ਨਾਹਰੇ ਲਗਾ ਕੇ ਵੱਖ ਵੱਖ ਕੌਮਾਂ ਵਿੱਚ ਨਫਰਤ ਫੈਲਾਉਂਦੀ ਆ ਰਹੀ ਹੈ। ਇੱਥੋ ਤੱਕ ਬਾਬਰੀ ਮਸਜਿਦ ਨੂੰ ਢਹਿ ਢੇਰੀ ਕਰਨ ਸਮੇ ਅਤੇ ਸ਼੍ਰੀ ਦਰਬਾਰ ਸਾਹਿਬ ਉੱਤੇ ਫੌਜੀ ਹਮਲਾ ਕਰਨ ਸਮੇਂ ਸਮੁੱਚੇ ਫਿਰਕੂ ਗਰੁੱਪਾਂ ਤੋਂ ਇਲਾਵਾ ਉਸ ਸਮੇਂ ਦੇ ਵਜ਼ੀਰ ਏ ਆਜਿ਼ਮ ਨਰਸਿੰਮਾ ਰਾਓ ਤੇ ਭਾਜਪਾਈ ਆਗੂ ਅਡਵਾਨੀ ਤੇ ਵਾਜਪਾਈ ਇਹਨਾਂ ਸਾਜਿ਼ਸਾਂ ਵਿੱਚ ਪੂਰੀ ਤਰ੍ਹਾ ਸ਼ਾਮਿਲ ਸਨ।”
ਇਹ ਵਿਚਾਰ ਅੱਜ ਇੱਥੇ ਭਾਈ ਇਕਬਾਲ ਸਿੰਘ ਟਿਵਾਣਾ ਸਿਆਸੀ ਤੇ ਮੀਡੀਆ ਸਲਾਹਕਾਰ ਅਤੇ ਇੰਚਾਰਜ ਗੁਰਦੁਆਰਾ ਚੋਣਾਂ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਨੇ ਭਾਜਪਾ ਵੱਲੋਂ ਰਾਮ ਮੰਦਿਰ ਵਰਗੇ ਫਿਰਕੂ ਨਾਹਰੇ ਲਾਉਣ ਦੀ ਪੁਰਜ਼ੋਰ ਨਿਖੇਧੀ ਕਰਦੇ ਹੋਏ ਪ੍ਰਗਟ ਕੀਤੇ। ਉਨ੍ਹਾ ਕਿਹਾ ਕਿ ਇੱਕ ਪਾਸੇ ਇੱਥੋ ਦੀ ਅਖੰਡਤਾ ਦਾ ਰੋਲਾ ਪਾ ਕੇ ਆਪਣੇ ਆਪ ਨੂੰ ਇਹ ਦੋਵੇ ਉਪਰੋਕਤ ਜਮਾਤਾਂ ਇਸ ਮੁਲਕ ਦੇ ਸਭ ਤੋਂ ਵੱਡਾ ਖੈਰ-ਗਵਾਹ ਸਾਬਿਤ ਕਰਨਾ ਚਾਹੁੰਦੀਆਂ ਹਨ। ਦੂਸਰੇ ਪਾਸੇ ਖੁਦ ਹੀ ਘੱਟ ਗਿਣਤੀ ਕੌਮਾਂ ਨੂੰ ਗੁਲਾਮ ਬਣਾਉਣ ਵਾਲੀਆਂ ਨੀਤੀਆਂ ਉੱਤੇ ਚੱਲ ਕੇ, ਹਿੰਦੂ ਕੌਮ ਨੂੰ ਉਨ੍ਹਾ ਵਿਰੁੱਧ ਭੜਕਾਉਣ ਦੀਆਂ ਕਾਰਵਾਈਆਂ ਵਿੱਚ ਸਰਗਰਮ ਹਨ। ਅਜਿਹੀਆਂ ਕਾਰਵਾਈਆਂ ਘੱਟ ਗਿਣਤੀ ਕੌਮਾਂ ਨੂੰ ਚੁਣੌਤੀ ਦੇਣ ਦਾ ਮਾਰੂ ਸੱਦਾ ਦੇ ਰਹੀਆਂ ਹਨ ਜਿਸਦੇ ਨਤੀਜੇ ਇੱਥੋ ਦੇ ਹੁਕਮਰਾਨਾਂ ਲਈ ਤੇ ਇੱਥੋ ਦੇ ਅਮਨ-ਚੈਨ ਨੂੰ ਕਾਇਮ ਰੱਖਣ ਲਈ ਕਦੀ ਵੀ ਸਹਾਈ ਨਹੀਂ ਹੋ ਸਕਦੇ।
ਉਨ੍ਹਾ ਕਿਹਾ ਕਿ ਜਦੋਂ ਸਮੁੱਚਾ ਸੰਸਾਰ ਇੱਕ ਪਿੰਡ ਦਾ ਰੂਪ ਧਾਰਦਾ ਜਾ ਰਿਹਾ ਹੈ ਅਤੇ ਵੱਡੇ ਅਤੇ ਛੋਟੇ ਮੁਲਕ ਆਪਣੀਆਂ ਆਧੁਨਿਕ ਤਕਨੀਕਾਂ ਤੇ ਹੋਰ ਕਾਂਢਾਂ, ਖੋਜਾਂ ਦੀ ਸਹੀ ਵਰਤੋਂ ਕਰਕੇ ਸਮੁੱਚੀ ਦੁਨੀਆ ਦੀ ਬਹਿਤਰੀ ਵੱਲ ਵੱਧ ਰਹੇ ਹਨ, ਉਸ ਸਮੇਂ ਭਾਜਪਾ ਵੱਲੋਂ ਰਾਮ ਮੰਦਿਰ ਬਣਾਉਣ ਦਾ ਫਿਰਕੂ ਨਾਹਰਾ ਲਾਉਣਾ ਅਤੇ ਪੀ.ਚਿਦੰਬਰਮ ਵਰਗੇ ਸਿੱਖਾਂ ਦੇ ਕਾਤਿਲ ਵਜ਼ੀਰ ਵਲੋਂ ਸਿੱਖ ਕੌਮ ਦੀਆਂ ਕਾਲੀਆਂ ਸੂਚੀਆਂ ਨੂੰ ਖਤਮ ਨਾ ਕਰਨ ਦੀ ਪੈਰਵਾਈ ਕਰਨਾ ਤੇ ਸਿੱਖ ਕੌਮ ਨੂੰ “ਆਮ ਮੁਆਫੀ” ਦੇ ਕੌਮਾਂਤਰੀ ਵਰਤਾਰੇ ਤੋਂ ਵਾਂਝੇ ਰੱਖ ਕੇ ਦੂਸਰੇ ਦਰਜੇ ਦੇ ਸ਼ਹਿਰੀਆਂ ਦੀ ਤਰ੍ਹਾ ਵਿਵਹਾਰ ਕਰਨ ਦੀਆਂ ਕਾਰਵਾਈਆਂ ਇਨ੍ਹਾ ਦੀਆਂ ਮੰਦਭਾਵਨਾ ਭਰੀ ਸੋਚ ਨੂੰ ਪ੍ਰਤੱਖ ਕਰਦੀਆਂ ਹਨ। ਹੁਣ ਜਦੋਂ ਹਿੰਦ ਹਕੂਮਤ ਮੁਸਲਿਮ ਕੌਮ ਨੂੰ ਆਮ ਮੁਆਫੀ ਦੇਣ ਦੀ ਮਨੁੱਖਤਾ ਪੱਖੀ ਸੋਚ ਉੱਤੇ ਕੰਮ ਕਰ ਰਹੀ ਹੈ ਤਾਂ ਇਸ ਅਮਲ ਤੋਂ ਸਿੱਖ ਕੌਮ ਨੂੰ ਪਾਸੇ ਰੱਖਣਾ ਆਪਣੇ ਆਪ ਵਿੱਚ ਵੱਡੀ ਬੇਇਨਸਾਫੀ ਤੇ ਵਿਤਕਰੇ ਨੂੰ ਜ਼ਾਹਿਰ ਕਰਦਾ ਹੈ। ਇਸ ਲਈ ਸਮੁੱਚੀ ਸਿੱਖ ਕੌਮ ਨੂੰ ਆਪਣੇ ਜ਼ਹਿਨ ਵਿੱਚ ਇਹ ਗੱਲ ਯਕੀਨਨ ਵਸਾ ਲੈਣੀ ਚਾਹੀਦੀ ਹੈ ਕਿ ਸਿੱਖ ਕੌਮ ਦੀਆਂ ਸਮੁੱਚੀਆਂ ਮੁਸ਼ਕਿਲਾਂ ਦਾ ਹੱਲ ਕੇਵਲ ਤੇ ਕੇਵਲ “ਬੱਫਰ ਸਟੇਟ” ਨੂੰ ਹੋਂਦ ਵਿੱਚ ਲਿਆ ਕੇ ਅਤੇ 1947 ਵਿੱਚ ਹਿੰਦੂ ਬਹੁਗਿਣਤੀ ਹੁਕਮਰਾਨਾਂ ਵੱਲੋਂ ਸਿੱਖ ਕੌਮ ਨਾਲ ਕੀਤੇ ਗਏ ਵਾਅਦੇ ਕਿ “ਸਿੱਖ ਕੌਮ ਨੂੰ ਉੱਤਰੀ ਭਾਰਤ ਵਿੱਚ ਇੱਕ ਆਜ਼ਾਦ ਖਿੱਤਾ ਦਿੱਤਾ ਜਾਵੇਗਾ, ਜਿੱਥੇ ਸਿੱਖ ਕੌਮ ਆਪਣੇ ਸੱਭਿਆਚਾਰ, ਬੋਲੀ, ਲਿਪੀ, ਧਰਮ, ਵਿਰਸੇ ਆਦਿ ਦੀ ਆਜ਼ਾਦੀ ਨਾਲ ਵਰਤੋਂ ਕਰਦੀ ਹੋਈ ਵਿਚਰ ਸਕੇਗੀ।” ਦੇ ਵਚਨ ਨੂੰ ਪੂਰਾ ਕਰਕੇ “ਆਜ਼ਾਦ ਬਾਦਸ਼ਾਹੀ ਸਿੱਖ ਰਾਜ” ਨੂੰ ਕਾਇਮ ਕਰਕੇ ਹੀ ਅੰਤ ਕੀਤਾ ਜਾ ਸਕਦਾ ਹੈ।

ਕਿਸੇ ਵੱਡੇ ਹਾਦਸੇ ਦੀ ਉਡੀਕ ਵਿਚ ਹੈ ਅੰਗਰੇਜਾ ਵੇਲੇ ਦੀ ਬਣੀ ਡਾਕਘਰ ਮਾਛੀਵਾੜਾ ਦੀ ਇਮਾਰਤ

ਮਾਛੀਵਾੜਾ 20 ਫਰਵਰੀ (ਸੁਸ਼ੀਲ ਸ਼ਰਮਾ) ਦੇਸ਼ ਆਜ਼ਾਦ ਹੋਏ ਨੂੰ ਕਰੀਬ 63 ਸਾਲ ਹੋ ਚੁੱਕੇ ਹਨ ਤੇ ਭਾਰਤ ਨੇ ਅੰਗਰੇਜਾ ਵੇਲੇ ਦੀ ਵਕਤ ਬਿਤਾ ਚੁੱਕੀਆ ਸੜਕਾ,ਪੁਲ ਤੇ ਇਮਾਰਤਾ ਅਤੇ ਹੋਰ ਪੁਰਾਤਨ ਵਸਤਾ ਦਾ ਅਜੌਕੇ ਢੰਗ ਨਾਲ ਨਵੀਨੀਕਰਨ ਕਰਕੇ ਆਪਣੀ ਆਜ਼ਾਦ ਹੋਦ ਨੂੰ ਦਰਸਾਇਂਆ ਹੈ ਪਰ ਅਜੇ ਵੀ ਕਈ ਸਰਕਾਰੀ ਆਦਾਰਿਆ ਦਾ ਕੰਮਕਾਰ ਖ਼ਸ਼ਤਾ ਹੋ ਚੁੱਕੀਆ ਅੰਗਰੇਜੀ ਇਮਾਰਤਾ ਵਿਚ ਹੀ ਚਲਦਾ ਹੈ। ਅਜਿਹੀਆ ਡਿਗੂ-ਡਿਗੂ ਕਰਦੀਆ ਤੇ ਕਿਸੇ ਵੱਡੇ ਹਾਦਸੇ ਨੂੰ ਉਡੀਕਦੀਆ ਦੀਆ ਇਮਰਾਤਾ ਵਿਚ ਇੱਕ ਮਾਛੀਵਾੜਾ ਦੇ ਡਾਕਘਰ ਦੀ ਹੈ। ਕਰੀਬ 70 ਪਿੰਡਾ ਤੇ ਸ਼ਹਿਰ ਦੇ ਇੱਕੋ-ਇੱਕ ਬਰਤਾਨਵੀ ਸ਼ਾਸ਼ਨ ਸਮੇ ਤੋ ਬਣੀ ਇਹ ਖ਼ੰਡਰ ਬਣਦੀ ਜਾ ਰਹੀ ਤਿੰਨ ਕਮਰਿਆ ਦੀ ਇਮਾਰਤ ਵਿਚੋ ਇੱਕ ਕਮਰਾ ਹੀ ਆਪਣੀ ਹੋਦ ਦਾ ਦਮ ਭਰਦਾ ਹੈ, ਇੱਕ ਕਮਰੇ ਦੀ ਛੱਤ ਤਾ ਪਿਛਲੇ ਕਾਫੀ ਸਮੇ ਤੋ ਡਿੱਗੀ ਪਈ ਹੈ ਤੇ ਹੁਣ ਇੱਥੇ ਕੂੜ-ਕਬਾੜ ਤੇ ਵੱਡੀ ਮਾਤਰਾ ਵਿਚ ਘਾਹ ਉੱਗਿਆ ਹੋਇਆ ਹੈ ਤੇ ਇਸ ਦੇ ਨਾਲ ਵਾਲੇ ਦੂਜੇ ਕਮਰੇ ਦੀ ਵੱਸ ਹੋ ਚੁੱਕੀ ਹੈ ਇਸ ਦੀ ਛੱਤ ਵਿਚ ਵੀ ਵੱਡਾ ਮੋਘਾ ਨਿਕਲਿਆ ਹੋਇਆ ਹੈ ਤੇ ਬਾਰਿਸ ਵੇਲੇ ਆਪਣਾ ਰੰਗ ਦਿਖਾ ਕੇ ਡਾਕਘਰ ਦੇ ਸਟਾਫ ਨੂੰ ਵਕਤ ਪਾਉਦਾ ਹੈ। ਇਸ ਦਾ ਇੱਕੋ ਇੱਕ ਕਮਰਾ ਹੀ ਕੁਝ ਹੱਦ ਤੱਕ ਸਹੀ ਹੈ ਪਰ ਪੁਰਾਣੇ ਜਮਾਨੇ ਦੀ ਉਸਾਰੀ ਹੋਣ ਕਾਰਨ ਛੱਤ ਤੇ ਪਏ ਛਤੀਰ ਵੀ ਖ਼ਸਤਾ ਹਾਲਤ ਵਿਚ ਹੋ ਗਏ ਹਨ ਤੇ ਉਹਨਾ ਵਿਚੋ ਇੱਕ ਦੇ ਥੱਲੇ ਤਾ ਥਮਲਾ ਖੜ੍ਹਾ ਕਰਕੇ ਕੰਮ ਚਲਾਇਆ ਜਾ ਰਿਹਾ ਹੈ। ਭਾਵੇ ਆਰਜੀ ਤੌਰ ਤੇ ਸਟਾਫ ਨੂੰ ਕੁਝ ਰਾਹਤ ਮਹਿਸੂਸ ਹੋਈ ਪਰ ਥਮਲੇ ਕਾਰਨ ਜਗ੍ਹਾ ਜਰੂਰ ਤੰਗ ਹੋ ਗਈ ਮੀਹਾ ਦੇ ਦਿਨਾ ਵਿਚ ਤਾ ਪਾਣੀ ਵੀ ਅੰਦਰ ਆ ਵੜਦਾ ਹੈ ਤੇ ਕੰਮਕਾਰ ਪ੍ਰਭਾਵਤ ਕਰ ਦਿੰਦਾ ਹੈ। ਡਾਕਘਰ ਦੇ ਬਾਹਰਲੇ ਪਾਸੇ ਲੋਕਾ ਲਈ ਖੜ੍ਹਨ-ਬੈਠਣ ਲਈ ਬਣਿਆ ਬਰਾਡਾ ਵੀ ਹਰ ਆਉਦੇ-ਜਾਦੇ ਨੂੰ ਮੁੂੰਹ ਚਿੜਾ ਰਿਹਾ ਹੈ। ਇਸ ਸਬੰਧੀ ਜਦੋ ਡਾਕਘਰ ਦੇ ਐਸ ਪੀ ਐਮ ਨਾਲ ਗੱਲ ਕਰਨ ਦੀ ਕੋਸ਼ਿਸ ਦੀ ਕੀਤੀ ਤਾ ਇਮਾਰਤ ਦੀ ਖ਼ਸਤਾ ਹਾਲਤ ਤੇ ਸਟਾਫ ਦੀ ਨਫਰੀ ਘੱਟ ਹੋਣ ਦੀ ਗੱਲ ਮੰਨਦਿਆ ਉਨ੍ਹਾ ਹੋਰ ਕੁਝ ਵੀ ਕਹਿਣ ਤੋ ਇੰਨਕਾਰ ਕਰ ਦਿੱਤਾ। ਸੂਤਰਾ ਤੋ ਮਿਲੀ ਜਾਣਕਾਰੀ ਮੁਤਾਬਿਕ ਸਟਾਫ ਦੀ ਕਮੀ ਹੈ ਕਿਸੇ ਵੇਲੇ ਛੇ ਮੁਲਾਜਮ ਕੰਮ ਕਰਦੇ ਸੀ ਤੇ ਹੁਣ ਤਿੰਨ ਨਾਲ ਸਬਰ ਕਰਨਾ ਪੈ ਰਿਹਾ ਹੈ ਜਦ ਕਿ ਕਲਾਸ ਫੋਰ ਤਾ ਹੈ ਹੀ ਨਹੀ ਤੇ ਤਿੰਨ ਕਲਰਕਾ ਦਾ ਕੰਮ ਹੁਣ ਇੱਕ ਹੀ ਕਰ ਰਿਹਾ ਹੈ। ਕੀ ਸਰਕਾਰ ਇਨ੍ਹਾ ਤਰਸਯੋਗ ਇਮਾਰਤਾ ਵੱਲ ਵੀ ਧਿਆਨ ਦੇਵੇਗੀ।